பிள்ளை மனம்

brinchal · brinchal Sat Jun 08, 2013 7:02 pm

வெள்ளை சீருடை
புத்தம்புது காலணிகள்
பள்ளிக்கு செல்லும் அடயாளமாய்
முதுகில் தொங்கிய பாரச்சுமையோடு
பிள்ளை மொழி பேசிச்சென்ற
செல்ல குழந்தைகளின் சிரிபொலியில்
மயங்கிப்போய் சந்தோஷ பெருமூச்சோடு
சாலையின் பக்கவாட்டில் பார்வையை செலுத்தினேன்
நான் கண்ட காட்சி ........................
தன் வாழ்க்கை பயணத்தில்
பாதி தூரம் கடந்திருந்த
பழங்கால தண்ணீர் பம்பு ஒன்றில்
கைப்பிடியில்லா மன்பாண்டத்தோடு
அறிஞர் அண்ணா அறிமுகப்படுத்திய பள்ளிச்சீருடையில்
பொத்தான் அற்றுப்போய்
ஆங்காங்கே சற்றே பெரிதாய் கிழிந்திருந்த
அரைக்கால் சட்டையை எற்றிச்சொருகி
பள்ளி செல்லும் விட்டில் குழந்தைகளை பார்த்து
சந்தோசமாய் கையசைத்து கொண்டிருந்த
களங்கமில்லா சின்னஞ்சிறு குழந்தை
விழிகளில் எட்டிப்பார்த்த
கண்ணீர் திவலையை அடக்கிகொண்டு
இந்த பிள்ளை மனம் போல்
என் மனம் இல்லையே என
பெருமூசெரிந்து பயணத்தை தொடர்ந்தேன்.