ஓடும் ரயிலில் இருந்து இளைஞர்களை தூக்கி வீசிய ராணுவத்தினர்

**சிவா** · **சிவா** Thu Jun 06, 2013 2:31 pm

உத்தர பிரதேச மாநிலத்தில் ஓடும் ரயிலில் இருந்து 6 இளைஞர்களை ராணுவ வீரர்கள் தூக்கி வீசிய சம்பவம் பெரும் அதிர்ச்சியை ஏற்படுத்தியுள்ளது.

மொரடாபாத் என்னும் பகுதியில் அவத் அஸ்ஸாம் எக்ஸ்பிரஸ் சென்றுக்கொண்டிருக்கையில், ராணுவ வீரர்களுக்காக ஒதுக்கபட்டிருந்த பெட்டியில் 6 இளைஞர்கள் தவறுதலாக ஏறிவிட்டனர். அவசரத்தில் ரயிலுக்குள் நுழைந்த அவர்கள், அப்பெட்டி ராணுவ வீரர்களுக்காக ஒதுக்கபட்டிருந்த பெட்டி எனத் தெரிந்ததும் அடுத்த நிறுத்தத்தில் வேறு பெட்டிக்கு சென்றுவிடுவதாக கூறினார்.

இளைஞர்கள் கூறியதை சற்றும் பொருட்படுத்தாத ராணுவ வீரர்கள், ரயில் கிளம்பிய பின் அவர்களை ஒருவர் பின் ஒருவராக வண்டியில் இருந்து வெளியே தள்ளினர்.

ராணுவ வீரர்களின் இச்செயலினால் வெளியே வீசி எறியப்பட்ட 6 இளைஞர்களில் ஒருவருக்கு தலையில் பலத்த காயமும், மற்றவர்களுக்கு சிறு காயங்களும் ஏற்பட்டுள்ளது.

இச்சம்பவத்தால் பாதிக்கப்பட்டவர்கள் இமிதியாஸ் அலி, குடு, ரவுப், பங்கஜ், பட்வாய் மற்றும் ரவி என அடையாளம் காணப்பட்டுள்ளது.

இச்சம்பவத்திற்கு காரணமான ராணுவ வீரர்கள் மீது எந்த வழக்கும் இதுவரை பதிவு செய்யப்படவில்லை. புகார அளித்தால் மேலும் பிரச்சனை வரக்கூடுமென பயந்து பாதிக்கப்பட்ட இளைஞர்கள் யாரும் புகார் அளிக்காததே இதற்கு காரணம்.

வெப்துனியா