துளசி ஸ்லோகம்

**krishnaamma** · **krishnaamma** Tue Jun 04, 2013 9:14 pm

துளசி ஸ்லோகம் VIiRDh4SFeI3cIrCucAv+IMG_3759

ஸ்ரீமத் துளசியம்மா திருவே கல்யாணியம்மா
வெள்ளிக் கிழமை தன்னில் விளங்குகின்ற மாதாவே
செவ்வாய்க் கிழமை செழிக்க வந்த செந்திருவே
தாயாரே உந்தன் தாளிணையில் நான் பணிந்தேன்

பச்சைப் பசுமை உள்ள துளஸி நமஸ்தே
பரிமளிக்கும் மூலக் கொழுந்தே நமஸ்தே
அற்பப் பிறப்பைத் தவிர்ப்பாய் நமஸ்தே
அஷ்ட ஐஸ்வர்யம் அளிப்பாய் நமஸ்தே

ஹரியுடைய தேவி அழகீ நமஸ்தே
அடைந்தார்க்கு இன்பம் அளிப்பாய் நமஸ்தே
வனமாலை என்னும் மருவே நமஸ்தே
வைகுண்ட வாசியுடன் மகிழ்வாய் நமஸ்தே

அன்புடனே நல்ல அருந்துளசி கொண்டுவந்து
மண்ணில் மேல்நட்டு மகிழ்ந்து நல்ல நீருற்றி
முற்றத்தில் தான் வளர்த்து முத்துப்போல் கோலமிட்டு
செங்காவிச் சுற்றமிட்டுத் திருவிளக்கும் ஏற்றிவைத்து
பழங்களுடன் தேங்காயும் தாம்பூலம் தட்டில் வைத்து
புஷ்பங்களைச் சொரிந்து பூஜித்த பேர்களுக்கு
என்ன பலனென்று ஹ்ருஷீகேசர்தான் கேட்க

மங்களமான துளசி மகிழ்ந்துரைப்பாள்

மங்களமாய் என்னை வைத்து மகிழ்ந்து உபாஸித்தவர்கள்
தீவினையைப் போக்கிச் சிறந்தபலன் நான் அளிப்பேன்
அரும் பிணியை நீக்கி அஷ்ட ஐஸ்வர்யம் நான் அளிப்பேன்
தரித்திரத்தை நீக்கிச் செல்வத்தை நான் கொடுப்பேன்
புத்திரன் இல்லாதவர்க்குப் புத்திரபாக்கியம் அளிப்பேன்
கன்னிகைகள் பூஜை செய்தால் நல்ல கணவரைக் கூட்டுவிப்பேன்
முழுக்ஷúக்கள் பூஜை செய்யாதல் மோக்ஷபதம் கொடுப்பேன்

கோடீ காராம்பசுவைக் கன்றுடனே கொண்டு வந்து
கொம்புக்குப் பொன்னமைத்துக்குளம்புக்கு வெள்ளிகட்டி
கங்கைக் கரைதனிலே கிரஹண புண்யகாலத்தில்
வாலுருவி அந்தணர்க்கு மகாதானம் செய்த பலன்
நான் அளிப்பேன் சத்யம் என்றுநாயகியுமே சொல்லலுமே

அப்படியேயாக என்று திருமால் அறிக்கையிட்டார்
இப்படியே அன்புடனே ஏற்றித் தொழுதவர்கள்
அற்புதமாய் வாழ்ந்திடுவார் பரதேவி தன்னருளால்.

போட்டோக்கள் : நமச்சிவாயம் ஐயா புன்னகை

balakarthik · balakarthik Tue Jun 04, 2013 9:16 pm

நன்றி அக்கா துளசி ஸ்லோகத்திற்கு

இந்த பதிவைத் துவங்கியவர் நன்றி கூறியுள்ளார் balakarthik

**krishnaamma** · **krishnaamma** Wed Jun 05, 2013 12:35 pm

நன்றி பாலா புன்னகை

யினியவன் · யினியவன் Wed Jun 05, 2013 1:02 pm

நல்ல பகிர்வும்மா

(பாலா சொல்றாரு அவருக்கு தெரிஞ்ச துளசி ஸ்லோ (வா) கம் (வ) றாங்களாம்)

balakarthik · balakarthik Wed Jun 05, 2013 1:14 pm

யினியவன் wrote:(பாலா சொல்றாரு அவருக்கு தெரிஞ்ச துளசி ஸ்லோ (வா) கம் (வ) றாங்களாம்)

அதான் அவுங்களே கண்டுக்கலையே அப்புறம் எடுத்துவரா கொடுக்கனுமா

யினியவன் · யினியவன் Wed Jun 05, 2013 1:15 pm

balakarthik wrote:அதான் அவுங்களே கண்டுக்கலையே அப்புறம் எடுத்துவரா கொடுக்கனுமா

பால நம்ம பிறப்பே நாளைக்கு சமூகம் நம்மள நல்லவன்னு சொல்லலேன்னாலும் கெட்டவன்னு சொல்லிடக் கூடாதுல்ல அதான்

**krishnaamma** · **krishnaamma** Wed Jun 05, 2013 1:20 pm

யினியவன் wrote:நல்ல பகிர்வும்மா

(பாலா சொல்றாரு அவருக்கு தெரிஞ்ச துளசி ஸ்லோ (வா) கம் (வ) றாங்களாம்)

அதுக்கு த்தான் இனியவன் இதை தினமும் சொல்லி துளசி செடிக்கு தண்ணீர் விட்டால் நீங்க சொல்லும் துளசி slow வாக வராமல் பாஸ்டா வந்து சேர்ந்துவிடுவா புன்னகை

balakarthik · balakarthik Wed Jun 05, 2013 1:22 pm

krishnaamma wrote:
யினியவன் wrote:நல்ல பகிர்வும்மா

(பாலா சொல்றாரு அவருக்கு தெரிஞ்ச துளசி ஸ்லோ (வா) கம் (வ) றாங்களாம்)

அதுக்கு த்தான் இனியவன் இதை தினமும் சொல்லி துளசி செடிக்கு தண்ணீர் விட்டால் நீங்க சொல்லும் துளசி slow வாக வராமல் பாஸ்டா வந்து சேர்ந்துவிடுவா

ஆல்ரெடி மல்லிக்கு வாக்கபட்டாச்சு இனி துளசி வந்தா என்ன வரலேனா என்ன அக்கா இட்ஸ் toooooooooo late

**krishnaamma** · **krishnaamma** Wed Jun 05, 2013 1:23 pm

balakarthik wrote:
யினியவன் wrote:(பாலா சொல்றாரு அவருக்கு தெரிஞ்ச துளசி ஸ்லோ (வா) கம் (வ) றாங்களாம்)
அதான் அவுங்களே கண்டுக்கலையே அப்புறம் எடுத்துவரா கொடுக்கனுமா

என்ன நான் 'கண்டுக்கலை' பாலா? உங்கள் பதில் சாதாரணமாகத்தானே இருக்கு? அநியாயம்

ஒன்னும் பொடி வேக்கலையே நீங்க ? புன்னகை

யினியவன் · யினியவன் Wed Jun 05, 2013 1:23 pm

balakarthik wrote:ஆல்ரெடி மல்லிக்கு வாக்கபட்டாச்சு இனி துளசி வந்தா என்ன வரலேனா என்ன அக்கா இட்ஸ் toooooooooo late

ஒரு வார்த்தை ஒரு லட்சியம் - அந்த வார்த்தை மிஸ்ஸிங் பாலா

வாக்கப்பட்டாச்சு - வாங்கியும் கட்டியாச்சு

Sponsored content · Sponsored content

துளசி ஸ்லோகம்

துளசி ஸ்லோகம்

Re: துளசி ஸ்லோகம்

Re: துளசி ஸ்லோகம்

Re: துளசி ஸ்லோகம்

Re: துளசி ஸ்லோகம்

Re: துளசி ஸ்லோகம்

Re: துளசி ஸ்லோகம்

Re: துளசி ஸ்லோகம்

Re: துளசி ஸ்லோகம்

Re: துளசி ஸ்லோகம்

Re: துளசி ஸ்லோகம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக