சென்னை புழல் கைதிகளிடம் 500 போலீசார் அதிரடி சோதனை!: பெருகும் கொலைகளை தடுக்க சிறைகளில் வேட்டை

சிறைகளில் இருந்தே, வெளியில் நடக்கும், கொலைச் சம்பவங்களுக்கான திட்டங்கள் உருவாவதாக, தகவல் கிடைத்ததால், புழல் சிறையில், நேற்று போலீசார் அதிரடியாக சோதனை நடத்தினர்.தமிழகத்தில், கூலிப் படையைக் கொண்டு நடத்தப்படும் கொலைச் சம்பவங்களுக்கான திட்டங்கள், சிறைக்குள் உருவாகுவதாகவும், மொபைல் போன்கள் மூலம், திட்டமிடப்படுவதாகவும், சிறைத் துறை ஏ.டி.ஜி.பி., திரிபாதிக்குத் தகவல் கிடைத்தது. இதை தொடர்ந்து, பெருகும் கொலைகளைத் தடுக்க, சிறைகளில் சோதனையிட அவர் உத்தரவிட்டார்.

புழலில் சோதனை :

இந்நிலையில், சென்னை புழல் மத்திய சிறையில், வடக்கு மண்டல இணை கமிஷனர் ஸ்ரீதர் தலைமையில், மாதவரம் (பொறுப்பு), அம்பத்தூர் துணை கமிஷனர்கள், இன்ஸ்பெக்டர்கள், போலீசார் உட்பட, 500 பேர் சோதனையில் ஈடுபட்டனர். அப்போது சிறைத் துறை, டி.ஐ.ஜி., மவுரியா மற்றும் சிறைக் கண்காணிப்பாளர்கள், ஜெயிலர்கள் உடன் இருந்தனர்.

20 பீடி கட்டுகள்:

தண்டனை சிறையில், காலை, 6:45 முதல் 7:30 மணி வரையிலும், விசாரணை சிறையில், காலை, 8:30 மணி வரையிலும், சோதனைகள் நீடித்தன. மகளிர் சிறையில் சோதனை செய்யப்படவில்லை. இரு சிறைகளிலும் நடந்த சோதனையில், நான்கு மொபைல் போன்கள், இரண்டு கத்தரிகள், 20க்கும் மேற்பட்ட பீடி கட்டுகள், 10 பிளேடுகள் மற்றும் கூர்மையான சில கம்பிகள் சிக்கியதாக போலீசார் தெரிவித்தனர்.இது தொடர்பாக, எந்த கைதியின் மீதும் வழக்குப் பதிவு செய்யப்படவில்லை. சோதனையில் வேறு எதுவும் சிக்கவில்லை என, சிறைத் துறை அதிகாரிகள் கூறினர்.

ஏமாற்றம்:

மூவாயிரம் கைதிகள் வரை அடைக்கக் கூடிய வசதி கொண்ட இங்கு, நேற்றைய நிலவரப்படி, விசாரணை சிறையில், 1,500 பேர், தண்டனை சிறையில், 640 பேர், மகளிர் சிறையில், 130 பேர் அடைக்கப்பட்டு உள்ளனர். நேற்று காலை சிறையில் நடந்த திடீர் சோதனை காரணமாக, வழக்கம் போல் குழந்தைகளுடன் வந்த, விசாரணை சிறைக் கைதிகளின் உறவினர்களுக்கு அனுமதி மறுக்கப்பட்டது.இதனால், பலரும் ஏமாற்றத்துடன் திரும்பினர். ஆனால், தண்டனை கைதிகளை சந்திக்கும் பார்வையாளர்களுக்கு மட்டும் அனுமதி அளிக்கப்பட்டது.

எல்லாம் தாராளம்:

தமிழக சிறைகளில், மூன்றடுக்குப் பாதுகாப்பு, கண்காணிப்பு மற்றும் தீவிர சோதனைகள் தொடர்ந்தாலும், தடை செய்யப்பட்ட போதை மற்றும் தகவல் தொடர்புப் பொருட்கள் எளிதாகக் கிடைப்பது வழக்கமாகி விட்டது.தமிழகத்தில், ஒன்பது மத்தியசிறைகள், மூன்று பெண்களுக்கான சிறப்புச் சிறைகள், 12 சிறுவர் சீர்திருத்தப் பள்ளிகள், ஐந்து சிறப்புச் சிறைகள், ஒன்பது மாவட்ட சிறைகள், 94 கிளை சிறைகள், இரண்டு திறந்த வெளி சிறைகள் என, 134 சிறைகள் உள்ளன.இவற்றில், புழல், வேலூர், திருச்சி, கோவை, மதுரை, பாளையங்கோட்டை சிறைகளில் மொபைல் போன்கள், சிம் கார்டு, "சிடி', கஞ்சா, போதை மாத்திரை உள்ளிட்ட, தடை
செய்யப்பட்ட பொருட்கள் கைதிகளுக்கு, தாராளமாகக் கிடைத்து வருகின்றன.

கூலிப் படை தொடர்பு:

மேலும், ரவுடிகள் சிலர், சிறைக்குள் இருந்தே, தன் ஆட்கள் மூலம் கட்டப் பஞ்சாயத்து செய்வது; கடத்தி, பணம் பறிப்பது; தொழிலுக்கு இடையூறாக இருந்தால், "போட்டு' தள்ளுவது போன்ற குற்றங்களில் ஈடுபடுகின்றனர்.வேலையை, "கச்சிதமாக' முடிக்கும் கூலிப் படையினர், "அசைன்மென்ட்' கொடுத்த ரவுடி இருக்கும் சிறைக்கு வரும் வகையில், அருகில் இருக்கும் கோர்ட்டில் சரணடைகின்றனர். இதன் காரணமாக, ரவுடிகளையும், கூலிப் படையினரையும் அடிக்கடி வெவ்வேறு சிறைகளுக்கு அதிகாரிகள் மாற்றுகின்றனர்.அப்படி இருந்தும், மொபைல் போன் உதவியால், உத்தரவுகள் தரப்படுவதாகக் கூறப்படுகிறது. மதுரை, "பொட்டு' சுரேஷ் கொலையில், கைதான, "அட்டாக்' பாண்டியின் மைத்துனர் விஜயபாண்டி, சேலம் சிறையில் இருந்த போது, மொபைல் போனில் பேசும்போது பிடிபட்டார். இதேபோல், அனைத்து சிறைகளிலும் கைதிகள் சுதந்திரமாகப் பேசி வருகின்றனர் என்ற புகார் பரவலாக உள்ளது.

பின்னணிஎன்ன?

தமிழகத்தில், சமீபத்தில் கூலிப் படையினரால், நிகழ்த்தப்பட்ட, "கடத்தல் நாடகம்' ஒன்றில், போலீசார் நடவடிக்கை எடுத்தபோது, மொபைல் போன் ஒன்று சிக்கியுள்ளது. இந்த மொபைல் போனை ஆய்வு செய்த போது, சிறையில் இருந்து சிக்னல்கள் கிடைத்து உள்ளது தெரியவந்து உள்ளது. இந்த சம்பவமே, திடீர் சோதனைக்கு மூல காரணம் என, கூறப்படுகிறது.

போலீசார் உஷார்:

இதைத் தொடர்ந்தே, சோதனை நடத்தப்பட்டு உள்ளது. இதேபோல், மதுரை, சேலம், பாளையங்கோட்டை உட்பட, ஒன்பது மத்திய சிறைகளிலும் சோதனை நடத்த உத்தரவிடப்பட்டு உள்ளது. மேலும், சென்னை உட்பட, தமிழகம் முழுவதும், கூலிப் படையினரை கண்காணிக்கும் பிரிவையும், முடுக்கி விட்டுள்ளனர்.சென்னையில், ஏ.டி.எஸ்.பி., ஒருவர் தலைமையில், கூலிப் படையினரை கண்காணிக்கும் பிரிவு பலப்படுத்தப்பட்டு வருகிறது. இது தவிர, திட்டமிட்ட குற்றங்கள் நுண்ணறிவுப் பிரிவும், உஷார் படுத்தப்பட்டு உள்ளது.

நன்றி :- தினமலர்

தற்பொழுதைய செய்தி

புழலில் சோதனை இனியவன் தலைமறைவு

உள்ளயும் நம்மள நிம்மதியா தொழில் பண்ண விட மாட்டேங்கறாங்க!!!!

யினியவன் wrote:உள்ளயும் நம்மள நிம்மதியா தொழில் பண்ண விட மாட்டேங்கறாங்க!!!!

தலைமறைவான தல தெரிவதாக தகவல் வெளிவருகின்றன ....

பாலாஜி wrote:தற்பொழுதைய செய்தி

புழலில் சோதனை இனியவன் தலைமறைவு

அவர் தலைமறைவு தலைவரா ?