இந்திய கலாசாரத்தால் ஈர்க்கப்பட்ட அமெரிக்க பள்ளி மாணவிகள்

First topic message reminder :



வாஷிங்டன்

குடும்ப உறவு, பணி நெறிமுறை உள்ளிட்ட இந்திய கலாசாரம் தங்களை வெகுவாகக் கவர்ந்து விட்டதாக, இந்தியாவில் ஓராண்டு தங்கி படித்த 4 அமெரிக்க மாணவிகள் கூறியுள்ளனர்.

அமெரிக்காவின் கல்வி மற்றும் கலாசார நலத் துறை, கென்னடி-லுகார் இளைஞர்கள் பரிமாற்றம் மற்றும் கல்வி (ஒய்இஎஸ்) திட்டத்தைச் செயல்படுத்தி வருகிறது.

இதன்படி, உயர்நிலைப் பள்ளி மாணவர்கள் ஓராண்டுக்கு முஸ்லிம் இனத்தவர்கள் அதிகம் வசிக்கும் நாடுகளைச் சேர்ந்த பள்ளிகளில் தங்கி படிப்பதற்கான அனைத்து ஏற்பாடுகளையும் இத்துறை செய்து தருகிறது.

இந்தத் திட்டத்தின் கீழ், ரைலி கன்வே, மேஜி அலெக்ஸôண்டர், ரோவன்கிராஸ்வெல் மற்றும் மிலா லோனமென் ஆகிய 4 மாணவிகள் கடந்த ஓராண்டுக்கு முன்பு இந்தியா வந்திருந்தனர்.

இந்தியா பற்றி ஒன்றும் தெரியாதவர்களாக இருந்த அவர்கள் ஓராண்டு படிப்பை முடித்து விட்டு தாய்நாடு திரும்பி உள்ளனர்.

இப்போது, அந்த மாணவர்கள் இந்திய கலாசாரத்தின் தூதுவர்களாக தங்களை கருதுகின்றனர். இப்போது அவர்கள் இந்திய உடை அணிவதுடன், நெற்றியில் பொட்டு, கைகளில் மருதாணி என இந்தியப் பெண்களாகவே மாறி உள்ளனர்.

இட்லி, தோசை, சாம்பார், சட்னி, ரசம் ஆகிய தென்னிந்திய உணவு வகைகளை இவர்கள் விரும்பி சாப்பிடுகின்றனர். இதன்மூலம் அவர்களது வாழ்க்கை முறையே மாறி விட்டதாம்.

மிலா லோனமென் கூறுகையில், ""முன்பு இந்தியா வெளிநாடு என்று நினைத்திருந்தேன். இப்போது என் தாய்நாடாகக் கருதுகிறேன்'' என்றார்.

நியூயார்க்கைச் சேர்ந்த ரைலி கன்வே கூறுகையில், ""இந்தியாவில் தங்கி படித்தது என்னுடைய வாழ்க்கை முறையை மாற்றிக் கொள்வதற்கான சிறந்த அனுபவமாக அமைந்தது. குடும்ப உறவின் மதிப்பைத் தெரிந்து கொண்டேன்'' என்றார். சென்னையில் உள்ள ஒரு குடும்பத்தில் தங்கி படித்தார் ரைலி.

சியாட்டில் நகரைச் சேர்ந்த மேஜி அலெக்ஸôண்டர் கூறுகையில், ""இந்தியாவில் உள்ள பள்ளிகள் அமெரிக்க பள்ளிகளிலிருந்து முற்றிலும் மாறுபட்டது. ஆசிரியர்களுக்கு மாணவர்கள் தரும் மரியாதை, மாணவர்களின் ஒழுக்கம் ஆகியவை என்னை மிகவும் கவர்ந்தது'' என்றார்.

ரோவன் கிராஸ்வெல் கூறுகையில், ""இந்தியாவில் உள்ள பள்ளிகளில் மனப்பாடம் செய்யும் முறை உள்ளது.

இதன் மூலம் தேர்வில் உடனடியாக கேள்விக்கு பதில் அளிக்க முடியும்'' என்றார்.

நல்ல காமடி இது , ஓராண்டு இந்தியாவில் தங்கி படித்ததாலேயே இந்திய கலாசாரத்தை முழுவதும் கத்துகிட்டாங்களா

இந்தியா என்பது இவர்கள் தங்கி படித்த வீட்டோட முடிந்துவிட்டது என்று நினைத்துவிட்டார்கள் போல