ஜப்பான் தமிழ் அறிஞருக்கு பத்மசிறீ விருது : பிரதமர் மன்மோகன் சிங் வழங்கி கௌரவித்தார்

ராஜு சரவணன் · ராஜு சரவணன் Wed May 29, 2013 11:58 pm

ஜப்பானை சேர்ந்த தமிழ் அறிஞர் நோபோரு காரஷிமாவுக்கு இந்தியப் பிரதமர் மன்மோகன் சிங் பத்மசிறீ விருது வழங்கி கௌரவித்துள்ளார்.

தென்னிந்திய வரலாறு, கல்வெட்டு ஆராய்ச்சி உள்ளிட்ட துறைகளில் ஈடுபட்டு வரும் காரஷிமா, சென்னை பல்கலைக்கழகத்தில் பல ஆண்டுகள் தமிழ் ஆய்வு மேற்கொண்டவர். அழகுத்தமிழில் சரளமாக பேசும் வல்லமை உடையவர்.

தமிழ் மொழிக்காக அவர் ஆற்றிய சேவையை பாராட்டும் விதமாக அவர் பத்மசிறீ விருதுக்கு தெரிவு செய்யப்பட்டார். எனினும் உடல் நலக்குறைவு காரணமாக கடந்த மாதம் டெல்லியில் நடந்த விழாவில் கலந்து கொள்ளவில்லை.

இந்நிலையில் மூன்று நாள் சுற்றுப்பயணமாக ஜப்பான் சென்றுள்ள பிரதமர் அங்கு வைத்து காரஷிமாவுக்கு பத்மசிறீ விருதை வழங்கினார். டோக்கியோவில் உள்ள ஜப்பான் - இந்திய நட்புறவு பரிமாற்ற கவுன்சில் சார்பில் நேற்று நடந்த விழாவில் காரஷிமாவுக்கு விருது வழங்கப்பட்டது.

1974ம் ஆண்டு தொடக்கம் தொடர்ந்து 20 வருடங்களாக தெற்காசிய வரலாற்று துறை தலைமை பேராசிரியராக கடமை புரிந்த காரஷிமா தற்போது டோக்கியோ பல்கலைக்கழகத்தில் கௌரவ பேராசிரியராக உள்ளார்.

நன்றி தமிழ் மீடியா

ராஜு சரவணன் · ராஜு சரவணன் Thu May 30, 2013 12:09 am

வாழ்த்துகள் நோபோரு காரஷிமா.

**சாமி** · **சாமி** Thu May 30, 2013 10:40 am

ஜப்பான் தமிழ் அறிஞருக்கு பத்மசிறீ விருது : பிரதமர் மன்மோகன் சிங் வழங்கி கௌரவித்தார் Medalg

ஜப்பானைச் சேர்ந்த நொபுரூ கராஷிமா எனும் தமிழறிஞருக்கு பத்மஸ்ரீ விருது வழங்கி கெளரவித்துள்ளார் பிரதமர் மன்மோகன் சிங்.

80 வயதாகும் நொபுரூ கராஷிமா, தென்னிந்திய வரலாறு, கல்வெட்டு ஆராய்ச்சி உள்ளிட்ட துறைகளில் ஈடுபட்டு வருகிறார். சென்னை பல்கலைக்கழகத்தில் பல ஆண்டுகளாக தமிழ் ஆய்வுகள் மேற்கொண்டவர். சரளமாக தமிழ் மொழியில் பேசக் கூடியவர்.

இவருக்கு பிரதமர் மன்மோகன் சிங் செவ்வாய்க்கிழமை பத்மஸ்ரீ விருது வழங்கி கெüரவித்தார்.

இவ்வாண்டு பத்மஸ்ரீ விருதுக்கு தேர்ந்தெடுக்கப்பட்ட இவர், உடல் நிலை காரணமாக, புது தில்லியில் ஏப்ரல் மாதம் நடைபெற்ற விருது வழங்கும் நிகழ்ச்சியில் கலந்துகொள்ள இயலவில்லை.

இந்நிலையில், மூன்று நாள் பயணமாக ஜப்பான் வந்துள்ள பிரதமர் மன்மோகன் சிங் பத்மஸ்ரீ விருதை நொபுரூ கராஷிமாவுக்கு வழங்கினார். டோக்கியோவில் செயல்படும் ஜப்பான்-இந்தியா நட்புறவு பரிமாற்ற கவுன்சில் சார்பில் செவ்வாய்க்கிழமை நடைபெற்ற சிறப்பு நிகழ்ச்சியில் நொபுரூ கராஷிமாவுக்கு பத்மஸ்ரீ விருதை பிரதமர் வழங்கி கெüரவித்தார்.

1964-ஆம் ஆண்டு டோக்கியோ பல்கலைக்கழகத்தில் கல்விப் பணியைத் தொடங்கிய நொபுரூ கராஷிமா, 1974-ஆம் ஆண்டில் தெற்காசிய வரலாற்றுத் துறையின் தலைமைப் பேராசிரியராகப் பொறுப்பேற்று 20 ஆண்டுகள் பணியாற்றியவர். இப்போது டோக்கியோ பல்கலைக்கழகத்தில் கெüரவ பேராசிரியராக உள்ளார்

**ராஜா** · **ராஜா** Thu May 30, 2013 12:43 pm

யினியவன் · யினியவன் Thu May 30, 2013 1:02 pm

அட என்னாச்சு காங்கிரஸ் அரசுக்கு?

தமிழ் தெரிந்த ஒருத்தரை கவுரவப்படுத்தி இருக்காங்களே!!!

balakarthik · balakarthik Thu May 30, 2013 1:05 pm

யினியவன் wrote:அட என்னாச்சு காங்கிரஸ் அரசுக்கு?
தமிழ் தெரிந்த ஒருத்தரை கவுரவப்படுத்தி இருக்காங்களே!!!

அவரு ஜப்பான் நாட்டுகாரருங்கரதுனால இருக்கும் இதே இலங்கை தமிழரா இருந்தா இல்ல இந்திய தமிழரா இருந்தா அப்புத்தான் கிடைக்கும்

**Muthumohamed** · **Muthumohamed** Thu May 30, 2013 1:09 pm

வாழ்த்துக்கள் தமிழ் அறிஞ்சரே

Sponsored content · Sponsored content

ஜப்பான் தமிழ் அறிஞருக்கு பத்மசிறீ விருது : பிரதமர் மன்மோகன் சிங் வழங்கி கௌரவித்தார்

ஜப்பான் தமிழ் அறிஞருக்கு பத்மசிறீ விருது : பிரதமர் மன்மோகன் சிங் வழங்கி கௌரவித்தார்

Re: ஜப்பான் தமிழ் அறிஞருக்கு பத்மசிறீ விருது : பிரதமர் மன்மோகன் சிங் வழங்கி கௌரவித்தார்

ஜப்பானிய தமிழறிஞருக்கு "பத்மஸ்ரீ' விருது

Re: ஜப்பான் தமிழ் அறிஞருக்கு பத்மசிறீ விருது : பிரதமர் மன்மோகன் சிங் வழங்கி கௌரவித்தார்

Re: ஜப்பான் தமிழ் அறிஞருக்கு பத்மசிறீ விருது : பிரதமர் மன்மோகன் சிங் வழங்கி கௌரவித்தார்

Re: ஜப்பான் தமிழ் அறிஞருக்கு பத்மசிறீ விருது : பிரதமர் மன்மோகன் சிங் வழங்கி கௌரவித்தார்

Re: ஜப்பான் தமிழ் அறிஞருக்கு பத்மசிறீ விருது : பிரதமர் மன்மோகன் சிங் வழங்கி கௌரவித்தார்

Re: ஜப்பான் தமிழ் அறிஞருக்கு பத்மசிறீ விருது : பிரதமர் மன்மோகன் சிங் வழங்கி கௌரவித்தார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக