இந்தியாவுக்குள் 5 கி.மீ தூரத்துக்கு சீனா மீண்டும் ஊடுருவலா?: இந்திய ராணுவம் மறுப்பு

காஷ்மீர் மாநிலம் லடாக் செக்டாரில் உள்ள தபுலத் பெக் ஓல்டி பகுதியில் சீன ராணுவம் கடந்த மாதம் அத்துமீறி நுழைந்து ஆக்கிரமித்தது. 5 இடங்களில் சீன ராணுவம் கூடாரமும் அமைத்தது.

சீன ராணுவ அதிகாரிகளுடன் 3 தடவை பேச்சு நடத்தியும் அவர்கள் பின் வாங்கிச் செல்ல மறுத்தனர். லடாக் செக்டார் தங்களுக்கு சொந்தமானது என்று உரிமை கொண்டாடினார்கள்.

இந்த நிலையில் கடந்த 17-ந்தேதி சீனப்பிரதமர் இந்தியா வருவதற்கு 2 நாட்களுக்கு முன்பு லடாக் செக்டரில் இருந்து சீன ராணுவம் பின்வாங்கிச் சென்றது. இதனால் எல்லையில் ஏற்பட்ட பிரச்சினை சுமூகமாக தீர்ந்து விட்டதாகக் கருதப்பட்டது.

இந்நிலையில் சீன ராணுவ வீரர்கள் காஷ்மீர் மாநிலம் லடாக் செக்டாரில் முன்பு எந்த பகுதியில் ஊடுருவினார்களோ, அதே பகுதியில் மீண்டும் ஊடுருவி இருக்கிறார்கள். முன்பு போலவே சீன வீரர்கள் அதிநவீன ஆயுதங்களுடன் வந்துள்ளனர். ஏராளமான மோப்ப நாய்களும் கொண்டு வரப்பட்டுள்ளன.

சீன வீரர்களின் இந்த செயலால் இந்திய ராணுவ மூத்த அதிகாரிகள் கடும் அதிர்ச்சி அடைந்துள்ளனர். சீன ராணுவ உயர் அதிகாரிகளுடன் தொடர்பு கொண்டு அவர்கள் பேசத் தொடங்கி உள்ளனர். இதற்கிடையே காஷ்மீர் மாநிலத்துக்குள் ஊடுருவி இருக்கும் சீன ராணுவ வீரர்கள், அந்த பகுதியை சீனாவுடன் இணைக்க ரோடு போடும் பணியைத் தொடங்கி உள்ளனர். நேற்று வரை சுமார் 5 கிலோ மீட்டர் தொலைவுக்கு ரோடு போடும் பணி முடிக்கப்பட்டுள்ளது. தொடர்ந்து ரோடு போடும் வேலை நடந்து வருகிறது. இதனால் ஊடுருவிய பகுதியில் நிரந்தரமாக தங்கும் முடிவில் சீன ராணுவம் இருப்பதாகத் தெரிகிறது.

இந்நிலையில், இந்தியாவுக்குள் சீன ராணுவம் மீண்டும் ஊடுருவியதாக வெளியாகியுள்ள தகவலை இந்திய ராணுவ வட்டாரங்கள் மறுத்துள்ளன.

மாலைமலர்

இதே வேலை இவங்களுக்கு - அவங்க ஊடுருவ - அதை இவங்க மறுக்க!!!

பேசாம டோல்கேட் போட்டு வசூலாவது பண்ணுனா நமக்கு லாபம்.

தங்க நாறகர சாலைகளில் இருக்கும் இரண்டு திஷ்டி படங்களை எல்லை பகுதி எங்கும் வைத்து விட்டால் ஒரு நாய் கூட நம்ம எல்லை கோட்டை தாண்டி வராது பாஸ்

யினியவன் wrote:இதே வேலை இவங்களுக்கு - அவங்க ஊடுருவ - அதை இவங்க மறுக்க!!!

பேசாம டோல்கேட் போட்டு வசூலாவது பண்ணுனா நமக்கு லாபம்.

பணம் பாக்கலாமுன்னு சொல்றீங்க அதுவும் நல்ல யோசனை தான்

அப்படியே தென் இந்தியா வரை வந்தால் நம்ம கதை கந்தல் தானுங்கோ

இந்நிலையில், இந்தியாவுக்குள் சீன ராணுவம் மீண்டும் ஊடுருவியதாக வெளியாகியுள்ள தகவலை இந்திய ராணுவ வட்டாரங்கள் மறுத்துள்ளன.

தவறு .. ராணுவம் இது பற்றி கருத்து கூற மறுத்தது ஆனால் அவர்கள் ஊடுருவியதாக வெளியாகியுள்ள தகவலை உறுதி செய்தது ..இந்திய அரசும் இந்த தகவலை உறுதி செய்தது ..நமது ராணுவ ரோந்து படையையும் சீன வீரர்கள் திருப்பி அனுப்பியதையும் இந்திய ராணுவம் உறுதி செய்தது