"எனக்காக பிராத்தனை செய்' * ஸ்ரீசாந்த் உருக்கம்!!

**அருண்** · **அருண்** Mon 27 May 2013 - 14:12

First topic message reminder :

புதுடில்லி: டில்லி கோர்ட்டில் மாணவனிடம் "தயவு செய்து எனக்காக இறைவனிடம் பிரார்த்தனை செய்யவும்,' என, ஸ்ரீசாந்த் "ஆட்டோகிராப்' வழங்கினார்.

ஆறாவது பிரிமியர் கிரிக்கெட் தொடரில் "பிக்சிங்கில்' ஈடுபட்ட ஸ்ரீசாந்த், சண்டிலா, அங்கித் சவான், அமித் சிங் மற்றும் அமித் சிங், குடேவார், பாபுராவ் போன்ற ரஞ்சி கோப்பை வீரர்களை டில்லி போலீசார் கைது செய்தனர்.

இதனிடையே, காவல் நீட்டிப்புக்காக கோர்ட்டுக்கு வந்த ஸ்ரீசாந்தை, பார்க்க 8ம் வகுப்பு படிக்கும் 12 வயது டில்லி மாணவன் டுசார், முண்டியடித்துக் கொண்டிருந்தான். கடைசியில் ஒருவழியாக, ஸ்ரீசாந்தை நெருங்கிய அவன், இரண்டு மணி நேரமாக நடந்த விசாரணையின் போது, அருகிலேயே நின்று கொண்டிருந்தான்.

திடீரென திரும்பிய ஸ்ரீசாந்த், அவனிடம் "என்ன விஷயம்' என்று கேட்க, டுசார் தனது அமைதியான குரலில்," ஏன் "பிக்சிங்' செய்தீர்கள்' என்று கேட்டான். இதற்கு "நான் இதை செய்யவில்லை' என்று மறுத்தார்.

இந்த பதிலில் திருப்தியடையாத டுசார், தொடர்ந்து கேள்விகளால் ஸ்ரீசாந்தை துளைத்து எடுத்தான். விசாரணை முடிய இருந்த நிலையில், எங்கிருந்தோ ஒரு சிறிய பேப்பரை கொண்டு வந்த டுசார், "ஆட்டோகிராப்' கேட்டான்.

இதற்கு," நான் போலீஸ் காவலில் உள்ளதால் தரமுடியாது,' என்றார். பின், கோர்ட்டை விட்டு வெளியே வந்த போது, மீண்டும் வந்து வற்புறுத்தினான். வேறு வழியில்லாத நிலையில் அந்த பேப்பரை வாங்கிய ஸ்ரீசாந்த்," டியர் டுசார், தயவு செய்து, எனக்காக இறைவனிடம் பிரார்த்தனை செய்யவும்,' என, எழுதி "ஆட்ரோகிராப்' வழங்கினார்.

தினமலர்!