மனதோடு வந்து மணமோடு சென்ற நீ ......

பூவன் · பூவன் Sat May 25, 2013 9:20 pm

எட்டி எட்டி பிடித்தும்
தொடமுடியாமல் பறந்த
பட்டாம்பூச்சியோடு ஒட்டி
சென்ற வர்ணம் போலவே
என் மனதோடு ஒட்டி
மணமோடு சென்றாயோ !

காட்சிக்கு மட்டும் அழகாக
காண்போருக்கு கனவாக
காணமல் மறையும்
கானல் நீர் போலவே
என் மனதோடு ஒட்டி
மணமோடு சென்றாயோ !

நீல வானமெல்லாம் நீந்திடும்
நிலா போலவே
நித்தம் என் மனதோடு நீந்தியே
நீங்கா நினைவுகளை மட்டும்
என் மனதோடு ஒட்டி
மணமோடு சென்றாயோ !

நெஞ்சமெல்லாம் நிறைந்திருக்கும்
வஞ்சமில்லா அன்பென வந்தே
நெஞ்சம் நீங்கா நினைவை தந்தே
என் மனதோடு ஒட்டி
மணமோடு சென்றாயோ !

மனமெல்லாம் மணம் வீசி
மலரென மனதை உதிர்த்து
என் மனதோடு ஒட்டிய நீ
மணமோடு சென்றாயோ !