சும்மாக் கிடைக்குமோ சுதந்தர சுகமது-நாமக்கல் கவிஞர்

nandhtiha · nandhtiha Thu Oct 22, 2009 6:18 pm

சும்மா கிடைக்குமோ?

பல்லவி

சும்மா கிடைக்குமோ சுதந்தர சுகமது--மனமே!

அநுபல்லவி

சுத்தமும் பக்தியும் சத்தியம் இல்லாமல்
சூரமும் வீரமும் சொல்லுவ தால்மட்டும் (சும்மா)

சரணங்கள்

உழுது பயிரிடாமல் உணவுகள் கிடைக்குமோ?
உழைப்பும் களைப்புமின்றி உரிமைகள் அடுக்குமோ?
அழுது அழுதுருகி அன்பின்கண் ணீர்பெருக
ஆர்வத்தால் அனைவர்க்கும் சேவைகள் செய்யாமல். (சும்மா)

என்னுடைச் சுகங்களில் இம்மியும் குறையாமல்
எல்லாரும் தியாகம்செய்ய இல்லையென் றேசுவேன்
'சொன்னதைச் செய்வதும் செய்வதே சொல்வதும்'
சுலபமோ நான் அந்தச் சுத்தத்தில் குளிக்காமல். (சும்மா)

ஒற்றுமை பேசுவேன் உடன்கூடி நிற்காமல்
ஒவ்வொரு சமயத்தில் வெவ்வேறு சொல்லுவேன்
கற்றஎன் வித்தையை காட்டின தேயன்றிக்
கசிந்து கசிந்துருகிக் காரியம் செய்யாமல். (சும்மா)

சத்தியம் சாந்தமென்பேன் சட்டென் றதைவிடுத்துச்
சரித்திரப் படிஅது சரியல்ல வென்றுசொல்வேன்
வைத்தஎன் கொள்கையில் வைராக்ய மில்லாமல்
வார்த்தைக்கும் செய்கைக்கும் வேற்றுமை விலகாமல் (சும்மா)

நாமக்கல் வெ இராமலிங்கம் பிள்ளை

kirupairajah · kirupairajah Thu Oct 22, 2009 6:52 pm

nandhtiha wrote:சும்மா கிடைக்குமோ?

உழுது பயிரிடாமல் உணவுகள் கிடைக்குமோ?
உழைப்பும் களைப்புமின்றி உரிமைகள் அடுக்குமோ?
அழுது அழுதுருகி அன்பின்கண் ணீர்பெருக
ஆர்வத்தால் அனைவர்க்கும் சேவைகள் செய்யாமல். (சும்மா)

சத்தியம் சாந்தமென்பேன் சட்டென் றதைவிடுத்துச்
சரித்திரப் படிஅது சரியல்ல வென்றுசொல்வேன்
வைத்தஎன் கொள்கையில் வைராக்ய மில்லாமல்
வார்த்தைக்கும் செய்கைக்கும் வேற்றுமை விலகாமல் (சும்மா)

நாமக்கல் வெ இராமலிங்கம் பிள்ளை

எதுவும் சும்மா கிடைக்காது என்பதை அருமையாக சித்தரிக்கிறது இப்பாடல்!

nandhtiha · nandhtiha Thu Oct 22, 2009 7:00 pm

வணக்கம்
ஒரு முதியவர் (வயது 96) உண்ண உணவின்றி ஈ மொய்க்க நோயால் முள்வேலிக்குள் முனகிக் கொண்டு கிடக்கிறார் என்ற சேதி சற்று முன் கிடைத்தது, தெய்வமே எம் தமிழ் மக்களை ஏன் இவ்வாறு சோதிக்கின்றனை என்ற சோகத்துடன் தான் இதனைப் பதிப்பித்தேன். கருத்துச் சொன்ன இளவலுக்கு நன்றி
அன்புடன்
நந்திதா

Sponsored content · Sponsored content

சும்மாக் கிடைக்குமோ சுதந்தர சுகமது-நாமக்கல் கவிஞர்

சும்மாக் கிடைக்குமோ சுதந்தர சுகமது-நாமக்கல் கவிஞர்

Re: சும்மாக் கிடைக்குமோ சுதந்தர சுகமது-நாமக்கல் கவிஞர்

Re: சும்மாக் கிடைக்குமோ சுதந்தர சுகமது-நாமக்கல் கவிஞர்

Re: சும்மாக் கிடைக்குமோ சுதந்தர சுகமது-நாமக்கல் கவிஞர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக