சாதத்தை சுத்தமாக சமைக்கும் முறை!

**krishnaamma** · **krishnaamma** Mon May 20, 2013 7:27 pm

பொதுவாக சமையல் என்பதை அனைவரும் ரசித்து செய்ய வேண்டும். அவ்வாறு ரசித்து செய்தால்தான் சமையல் ருசியாக இருக்கும். ஏனோ தானோவென்று சமைத்தால் அது சரியாக வராது. அதுபோல, சமையல் செய்யும் போது சுத்தமாக செய்ய வேண்டியதும் அவசியம். அது ஆரோக்கியத்தைக் காக்கும். மற்ற எதையும் விட, சாதத்தை சுத்தமாக சமைக்கும் முறை என்று ஒன்று உள்ளது. அதாவது, அடுப்பில், சுத்தமான பாத்திரத்தை வைத்து அதில் தேவையான அளவு தண்ணீர் ஊற்றி சூடேற்ற வேண்டும். வேறொரு பாத்திரத்தில் அரிசியை அளந்து போட்டு அதில் தண்ணீர் ஊற்றி 5 நிமிடம் ஊற வைக்க வேண்டும். பிறகு அரிசியில் இருக்கும் தண்ணீரை ஊற்றிவிட்டு, இரண்டாவது முறையாக தண்ணீர் ஊற்றி கைகளால் நன்கு பிசைந்து கழுவி, அந்த நீரையும் வெளியேற்றி விட வேண்டும். பிறகு மீண்டும் தண்ணீர் ஊற்றி பிசைந்து கழுவி தண்ணீரை வெளியேற்றிவிட்டு, அதனை சூடாகியிருக்கும் உலையில் போட வேண்டும். அரிசியை கழுவி தண்ணீரை வடிக்கும் போதும் சரி, உலையில் அரிசியைப் போடும் போது ஒரு அரிசி கூட வீணாகாமல் பார்த்துக் கொள்ள வேண்டும். ஒரு அரிசி தானே என்று நினைக்கக் கூடாது. காரணம், அந்த அரிசிக்காக, எத்தனையோ விவசாயிகளின் உழைப்பு, தண்ணீர், உரம், மண்ணின் உழைப்பு என எத்தனையோ பயன்படுத்தப்பட்டிருக்கிறது. ஒரு அரிசியை வீணாக்கும் போது இத்தனையும் உங்களால் வீணாக்கப்படுகிறது என்பதை நினைவில் கொள்ள வேண்டும். மேலும், இந்த ஒரு அரிசி கூட கிடைக்காமல், பட்டினியால் சாகும் எத்தனையோ குழந்தைகள் நம் நாட்டில் இருக்கிறார்கள் என்பதையும் எண்ணிப் பார்க்க வேண்டும். அடுத்து, சாதம் வேகும் போது, மூன்று நான்கு முறை கிளறிவிட்டு, சாதம் வெந்ததும் வடித்துக் கொள்ளலாம். பொதுவாகவே, சாதத்தில் அதிகமாக தண்ணீர் ஊற்றி அதனை வடித்துவிட்டு சாப்பிடாமல், சரியான அளவில் தண்ணீர் ஊற்றி, சாப்பாடு வெந்தபிறகு தண்ணீரை வடிக்காமல் சாப்பிடும் முறையைப் பின்பற்றுவது உடலுக்கு நலத்தை அளிக்கும். சாதத்தை வடித்து சாப்பிடுவதால் வெறும் சக்கையை மட்டுமே சாப்பிடும் நிலை ஏற்படுகிறது. உணவை, வெளி இடங்களிலும், கடைகளிலும் வாங்கி சாப்பிடுவதை விட, சுயமாக நாமே தயாரித்து சாப்பிடுவதுதான் சிறந்ததாகவும் இருக்கும். அனைத்தையும் சுத்தமாக செய்து சாப்பிடுவதால் நோய் நொடி அண்டாமல் பார்த்துக் கொள்ளலாம். நன்றி : தினமணி

Guest · Guest Mon May 20, 2013 7:32 pm

இப்படிதான் அந்த காலத்துல சமைத்தோம் . .. இப்பதான் பாலாய் போன குக்கர் வந்து விட்டதே அம்மா .. அதிர்ச்சி

இந்த பதிவைத் துவங்கியவர் நன்றி கூறியுள்ளார் Guest

**krishnaamma** · **krishnaamma** Mon May 20, 2013 7:34 pm

ஆமாம் , முடியும்போதாவது இப்படி வடித்து, ( சக்கையாக சாப்பிடாமல் ) சத்தாக சாப்பிடலாமே புன்னகை

**Muthumohamed** · **Muthumohamed** Mon May 20, 2013 7:54 pm

சத்தான பதிவுக்கு நன்றி அம்மா

ராஜு சரவணன் · ராஜு சரவணன் Mon May 20, 2013 7:59 pm

krishnaamma wrote:ஆமாம் , முடியும்போதாவது இப்படி வடித்து, ( சக்கையாக சாப்பிடாமல் ) சத்தாக சாப்பிடலாமே

அம்மா எங்கள் வீட்டில் எப்போதும் அரிசியை கொதிக்கும் தண்ணிரில் போட்டு வேகவைத்து பின்பு வடித்து தான் சாப்பிடுவோம். குக்கர் சாப்பாடு சில உடல் ஊபதைகளை வயதான காலங்களில் தருவதாக சொல்கிறார்கள்.

**krishnaamma** · **krishnaamma** Mon May 20, 2013 8:23 pm

ராஜு சரவணன் wrote:
krishnaamma wrote:ஆமாம் , முடியும்போதாவது இப்படி வடித்து, ( சக்கையாக சாப்பிடாமல் ) சத்தாக சாப்பிடலாமே
அம்மா எங்கள் வீட்டில் எப்போதும் அரிசியை கொதிக்கும் தண்ணிரில் போட்டு வேகவைத்து பின்பு வடித்து தான் சாப்பிடுவோம். குக்கர் சாப்பாடு சில உடல் ஊபதைகளை வயதான காலங்களில் தருவதாக சொல்கிறார்கள்.

ரொம்ப சரி ராஜு புன்னகை

குக்கர் சாதம் பிற்காலத்தில் ப்ரோப்ளம் தான்; வடித்து சாப்பிடுவது சாலச்சிறந்தது புன்னகை

யினியவன் · யினியவன் Mon May 20, 2013 9:27 pm

பிற்காலத்தில் குக்கருக்கு பிரச்சினைன்னா ரிப்பேர் பண்ணிக்கலாம் இல்லேன்னா மாத்திடலாம் ஆனால் உடம்புக்கு அப்படீன்னா மாத்த முடியுமா - எனவே சாதத்தை வடிச்சு சாப்பிடுங்க தண்ணி காச்சி குடிங்க - டாஸ்மாக்குக்கு போட்டின்னு அந்த அம்மா புடிச்சு உள்ள போட்டுடப் போறாங்க.

நல்ல பகிர்வும்மா.

ராஜு சரவணன் · ராஜு சரவணன் Mon May 20, 2013 9:30 pm

பிற்காலத்தில் குக்கருக்கு பிரச்சினைன்னா ரிப்பேர் பண்ணிக்கலாம் இல்லேன்னா மாத்திடலாம் ஆனால் உடம்புக்கு அப்படீன்னா மாத்த முடியுமா

ஐயோ என்ன ஒரு தத்துவம் பாஸ் தத்துவம் நம்பர் 102 சூப்பருங்க

தளிர் அலை · தளிர் அலை Mon May 20, 2013 10:26 pm

தினமும் ஒரு வேளை சாதம் அம்மா சொன்ன அதே முறையில் அச்சு பிசகாமல் எங்கள் அம்மா செய்து தருவதை நினைத்து ஆனந்தம் அடைகிறேன்.. நன்றி அம்மா..! இருவருக்கும்...!! மகிழ்ச்சி