திருவிடந்தை கோவில்

**சிவா** · **சிவா** Mon May 20, 2013 5:22 pm

ஸ்தல வரலாறு....

திருவிடவெந்தை திவ்ய தேசம் சென்னையிலிருந்து கோவளம் வழியாக மகாபலிபுரம் செல்லும் சாலையில் 43 கி.மீ. தூரத்தில் இருக்கிறது. மூலவர், லட்சுமி வராகப் பெருமாள், நின்ற திருக்கோலத்தில் கிழக்கு நோக்கிச் சேவை சாதிக்கிறார்.

உற்சவர் பெயர் நித்ய கல்யாணப்பெருமாள், தாயார் கோமளவல்லி நாச்சியார் இவ்விருவர் திருமேனியிலும் தாடையில் பொட்டு இயற்கையாகவே அமைந்திருக்கிறது. ஆண்டாள், ரங்கநாதர், ரங்கநாயகி ஆகியோருக்கும் இங்கு சந்நிதிகள் இருக்கின்றன.

பெருமாள் நின்ற கோலத்தில் 9 அடி உயரத்துடன் காட்சியளிக்கிறார். 108 திவ்ய தேசங்களில் இத்தலத்தில் மட்டுமே மூலவர் வராக ரூபமாக காட்சித்தருகிறார்.

பெருமாள் வலக்கரத்தில் சக்கரமும் இடக்கரத்தில் சங்கும், கீழ் இரு கைகளில் இடக்கை பூதேவியின் திருவடிகளைத் தூக்கியும் வலக்கையில் அணைத்த கோலம் கொண்டு, இடக்காலை ஆதிசேடன் தலை மீது வைத்துக் கொண்டும் வலக்கால் பூமியின் மீது வைத்தும் தேவியை நோக்கியவாறு வராகத் திருமுகத்தோடு அருள்பாளிக்கிறார்.

இங்கு ஆண்டாள், ரங்கநாதர், ரங்கநாயகி, கருடன் ஆகிய சந்நிதிகள் உள்ளன. பலி என்னும் அசுர மன்னனும் காலவமுனிவர், மார்க்கண்டேயர் ஆகியவர்களும் பெருமாளைச் வணங்கி பேறுபெற்ற தலம்.

காலவ முனிவரின் 360 பெண்களையும் ஒரே கன்னிகையாக்கி மடியில் வைத்துக் கொண்டு 360 கன்னிகைகளை 360 நாள் திருமணம் செய்து கொண்டு காட்சியளிப்பதால் இறைவனுக்கு நித்திய கல்யாணப் பெருமாள் என்னும் பெயர் ஏற்பட்டது.

இத்தலம், திரு இட எந்தை- திருவிடந்தை எனவும், கல்யாணபுரி எனவும் பெயர் பெற்றது. திருமணம் வேண்டுவோர் இப்பெருமாளைத் தரிசித்தால் ஓராண்டில் திருமணம் கைகூடும் என்பது ஐதீகம். எனவே, இது ஒரு பிரார்த்தனைத் தலமாகவும் விளங்குகிறது.

திருவிடந்தை கோவில்

திருவிடந்தை கோவில்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக