சென்னையில் ஐ.பி.எல்., கிரிக்கெட் சூதாட்டம் : அதிரடி "ரெய்டில்' ஆறுபேர் கைது

**முத்துராஜ்** · **முத்துராஜ்** Sat 18 May 2013 - 11:01

ஐ.பி.எல்., கிரிக்கெட்டில், "ஸ்பாட் பிக்சிங்' சர்ச்சையில் சிக்கி, பிரபல கிரிக்கெட் வீரர் ஸ்ரீசாந்த் உட்பட மூன்றுபேர் கைது செய்யப்பட்டதன் தொடர்ச்சியாக, சென்னையில், சி.பி.சி.ஐ.டி.,போலீசார்,நேற்று, 13 இடங்களில் அதிரடிசோதனை நடத்தி, ஆறுபேரை கைது செய்தனர்.

சோதனை நடந்த இடத்தில், 14 லட்சம் ரூபாய்,லேப் - டாப், வயர்லெஸ்போன்கள், மொபைல் போன்கள் ஆகியவை பறிமுதல் செய்யப்பட்டன. கைது நடவடிக்கை தொடரும் என்று அறிவிக்கப்பட்டுள்ளது.ஐ.பி.எல்., தொடரின், ஆறாவது சீசன் கிரிக்கெட் போட்டிகள், ஏப்ரல், 3ம் தேதி துவங்கி, சென்னை, மும்பை, டில்லி உள்ளிட்ட பல்வேறு நகரங்களில் நடந்து வருகின்றன. இந்நிலையில், "ஸ்பாட் பிக்சிங்' என்ற சூதாட்டம் நடந்து வருவதாக கிடைத்த தகவலை அடுத்து, டில்லி போலீசார் தீவிர கண்காணிப்பில் ஈடுபட்டனர். இது தொடர்பாக, ராஜஸ்தான் ராயல்ஸ் அணி வீரர்கள் ஸ்ரீசாந்த், அஜித் சண்டிலா, அங்கித் சவான் ஆகி@யார்நேற்று முன்தினம், கைது செய்யப்பட்டனர்.

இந்நிலையில், சென்னையிலும், கிரிக்கெட் சூதாட்டம் நடைபெறுவதாக, கிடைத்த தகவலை அடுத்து, கடந்த, 20 நாட்களாக, சி.பி.சி.ஐ.டி., போலீசார் தீவிர கண்காணிப்பில் இறங்கினர். நேற்று முன்தினம் காலை, போலீசாருக்கு கிடைத்த ரகசிய தகவலை அடுத்து, சென்னை சவுகார்பேட்டையைச் சேர்ந்த சிலரை பிடித்து விசாரித்தனர்.

அவர்கள் கொடுத்த தகவலை அடுத்து, ஐந்து டி.எஸ்.பி.,க்கள் தலைமையில், 13 தனிப் படையினர், சென்னையில், சைதாப்பேட்டை, அண்ணா நகர், திருவல்லிக்கேணி, சவுகார்பேட்டை, ராஜா அண்ணாமலைபுரம், கீழ்ப்பாக்கம், திருவொற்றியூர், காலடிப்பேட்டை உள்ளிட்ட, 13 இடங்களில்நேற்று சோதனை நடத்தினர்.

இதில், சூளைமேட்டைச் சேர்ந்த ஹரிஷ் பஜாஜ் என்பவர் தான், சென்னையில் நடைபெறும் சூதாட்டத்துக்கு பொறுப்பாளர் என, தெரிய வந்தது. அவரை பிடித்து விசாரித்ததில், கூடுதல் தகவல்கள் கிடைத்தன. இதையடுத்து, சூதாட்டத்தில் ஈடுபட்ட அவரது நண்பர்கள், ராஜா அண்ணாமலைபுரத்தைச்சேர்ந்த விருத்தாசலம், புரசைவாக்கத்தைச் சேர்ந்த லக்கி என்ற நர்பத், சவுகார்பேட்டையைச் சேர்ந்த பிரவீண்குமார் என்ற பப்பு கவுதம், கீழ்ப்பாக்கத்தைச் சேர்ந்த தீபக் பஜாஜ், சுனில் பஜன்லால் ஆகிய, ஐந்து பேரை கைது செய்தனர்.

இவர்களின் சூதாட்ட களமாக பயன்பட்ட, சைதாப்பேட்டைமேற்கு ஜோன்ஸ் சாலையில் உள்ள, "ஹைடெக்' அலுவலகத்தில் இருந்து, 14 லட்சம் ரூபாய்ரொக்கம், 10 லேப் - டாப்கள், ஐந்து வயர்லெஸ் போன்கள், 24 மொபைல் போன்கள், நான்கு கம்ப்யூட்டர்களை, போலீசார் பறிமுதல் செய்தனர்.

சென்னையில் செயல்படும் சூதாட்ட கும்பலில், 13 பேர் முக்கியமானவர்கள். இவர்களில், தற்@பாது பிடிபட்ட, ஹரிஷ் பஜாஜ் உள்ளிட்ட, ஆறு பேரை தவிர்த்து, மற்றவர்கள் தலைமறைவாகி விட்டனர். அவர்களும் விரைவில் பிடிபடுவர் என, போலீசார் தெரிவித்தனர்.
இந்த சூதாட்ட கும்பலுக்கு, சென்னை, ஐதராபாத், மும்பை, டில்லி, ஆமதாபாத் ஆகிய நகரங்களில் மிகப்பெரிய "நெட்வொர்க்' இருப்பதும், டில்லியில் இருந்து வரும் உத்தரவுகளின் படியே, சூதாட்டம் நடைபெறுவதும் தெரிய வந்துள்ளது. கைது செய்யப்பட்ட, ஆறு பேரும், சவுகார்பேட்டை, சைதாப்பேட்டை உள்ளிட்ட பகுதிகளில் வசிக்கும், வசதியான இளைஞர்களை வசப்படுத்தி, சூதாட்டத்தில் ஈடுபடுத்தி உள்ளனர்.

மாணவர்களையும் விட்டு வைக்கவில்லை: கிரிக்கெட் சூதாட்ட புரோக்கர்கள், 1,000 முதல், அதிகபட்சம், 50 லட்சம் ரூபாய் வரை சூதாட்டம் நடத்தி வந்துள்ளனர். இது தவிர, கிரிக்கெட் விளையாட்டில் ஆர்வம் உடைய பள்ளி மாணவர்களையும், அவர்கள் விட்டு வைக்கவில்லை. அவர்களிடம் இருந்து பணம் கறப்பதற்காக, 1,000 ரூபாய், சூதாட்டத்தை துவங்கியதும் குறிப்பிடத்தக்கது.

100 ரூபாய்கட்டினால், 140 ரூபாய்கிடைக்கும் என்ற அடிப்படையில், இந்த ‹தாட்டம் நடந்துள்ளது.டில்லியில் இருந்து வரும் உத்தரவுகளின்படி, ‹தாட்ட தொகை, அவ்வப்@பாது மாற்றப்படும். ‹தாட்டத்தில் ஈடுபடும் நபர்களிடம் இருந்து, பணத்தை வாங்கி வர, "கொரியர்' என்ற பெயரில், ஒருவரை நியமித்து செயல்பட்டுள்ளனர்.

யினியவன் · யினியவன் Sat 18 May 2013 - 11:30

ஜெனியூனாக நோபால் போடும் பவுலர் பாவம் அம்பயர் காலில் விழுந்து நோபால் குடுத்துடாதீங்கன்னு கெஞ்சும் நினைக்கு கொண்டு வந்துட்டானுங்க இந்த புல்லுருவிகள்.

**சிவா** · **சிவா** Sat 18 May 2013 - 11:52

எனக்கு கிரிக்கெட் மற்றும் அது தொடர்பான செய்திகளைப் படிக்கவே விருப்பம் வருவதில்லை! சோகம்

பூவன் · பூவன் Sat 18 May 2013 - 11:56

சிவா wrote:எனக்கு கிரிக்கெட் மற்றும் அது தொடர்பான செய்திகளைப் படிக்கவே விருப்பம் வருவதில்லை!

இதுக்கு தான் கிரிக்கெட் இப்போது தறி கெட் கிடக்குது ...

ராஜு சரவணன் · ராஜு சரவணன் Sat 18 May 2013 - 11:57

தன மகன் தவறு செய்யவில்லை என்று டிவியில் பேசும் ஸ்ரீசாந்தின் தாய் , என்ன ஒரு நம்பிக்கை தன மகன் மீது. தவறை அவனே ஒப்புகொண்டபின் என்ன பேச்சு வேண்டியிருக்கு.

இவர்கள் காசுக்காக எனது வேன்மேன்றாலும், எவ்வளவு மோசமான செயல்களை செய்ய தயங்கமாட்டார்கள்

**Muthumohamed** · **Muthumohamed** Sat 18 May 2013 - 20:50

பூவன் wrote:
சிவா wrote:எனக்கு கிரிக்கெட் மற்றும் அது தொடர்பான செய்திகளைப் படிக்கவே விருப்பம் வருவதில்லை!

இதுக்கு தான் கிரிக்கெட் இப்போது தறி கெட் கிடக்குது ...