"ஸ்டிரைக்" மேற்கொள்வோம் - "டாஸ்மாக்' ஊழியர்கள

சேலம்:தமிழக, "டாஸ்மாக்' ஊழியர்களின் கோரிக்கைகள் அடங்கிய, "விடை சொல்லுமா? தமிழக அரசு மே 14' என்ற பரபரப்பு போஸ்டர் அனைத்து டாஸ்மாக் கடைகளிலும் ஒட்டப்பட்டுள்ளது. மேலும், கோரிக்கைகளை வலியுறுத்தி, விரைவில் போராட்டம் மேற்கொள்ள இருப்பதாக, சி.ஐ.டி.யூ., டாஸ்மாக் ஊழியர்கள் சங்கத்தின் மாநில செயலர் திருச்செல்வன் தெரிவித்துள்ளார்.

இலக்கு நிர்ணயம்:தமிழகத்தில், 2003 நவ., முதல் டாஸ்மாக் மூலம், மது விற்பனை துவக்கப்பட்டது. ஆண்டுக்கு ஆண்டு மது விற்பனையில் புதிய சாதனை படைத்து வரும் டாஸ்மாக் நிர்வாகம், 2013-14ம் நிதியாண்டில், 30 ஆயிரம் கோடி ரூபாய்க்கு விற்பனை இலக்கு நிர்ணயித்து உள்ளது.

தமிழகம் முழுவதும் செயல்படும், 6,800 டாஸ்மாக் கடைகளில், 29 ஆயிரம் ஊழியர்கள் பணியாற்றி வருகின்றனர். மது விற்பனையில், புதிய சாதனைகள் படைக்கப்பட்ட போதும், ஊழியர்களின் கோரிக்கைகளுக்கு மட்டும், அரசு செவிசாய்க்க மறுத்து வருகிறது.தமிழக சட்டசபையில், டாஸ்மாக் மானியக் கோரிக்கை மீதான விவாதம் ஏப்ரல், 24ல் நடப்பதாக முதலில் அறிவிக்கப்பட்டது. பின், ஏப்ரல், 29ம் தேதிக்கு மாற்றப்பட்டு, தற்போது மே, 14ல் நடப்பதாக அறிவிக்கப்பட்டுள்ளது.

இந்த மானியக் கோரிக்கையின் போது, கோரிக்கைகளை நிறைவேற்றுவதற்கான அறிவிப்புக்களை வெளியிடக் கோரி, டாஸ்மாக் ஊழியர்கள் சங்கத்தின் சார்பில், தமிழகம் முழுவதும் உள்ள டாஸ்மாக் கடைகளில், பரபரப்பு போஸ்டர் ஒட்டப்பட்டுள்ளது.இந்த போஸ்டரில், "விடை சொல்லுமா? தமிழக அரசு மே 14' என்ற தலைப்பில், டாஸ்மாக் என்னும் ரதத்தை ஊழியர்கள் இழுத்துச் செல்வது போல், படம் பிரிண்ட் செய்யப்பட்டு உள்ளது. இந்த ரதத்தின் பின் பகுதியில், தமிழக அரசின் இலவச திட்டங்களான கம்ப்யூட்டர், பசுமை வீடுகள் திட்டம், ஆடு, மாடு வழங்கும் திட்டம், மிக்சி, கிரைண்டர், பேன், மலிவு விலை அம்மா உணவுத் திட்டம் ஆகியவற்றுக்கு, டாஸ்மாக் வருவாய் செல்வது சித்தரிக்கப்பட்டு உள்ளது.

சம்பளம் கிடைக்குமா?:மேலும், அதை இழுத்துச் செல்லும் ஊழியர்கள், அம்மா சொன்ன வாக்குறுதி நிறைவேறுமா? விலைவாசி உயர்வுக்கு ஏற்ற சம்பளம் கிடைக்குமா? சமூக அந்தஸ்து கிடைக்குமா, எங்கள் பரிதாப நிலை மாறுமா? என, புலம்புவதாக தெரிவிக்கப்பட்டுள்ளது. இந்த பரபரப்பு போஸ்டர், அனைத்து கடைகளிலும் ஒட்டப்பட்டுள்ளது, ஊழியர்கள் மத்தியில் பரபரப்பை ஏற்படுத்தி உள்ளது.சி.ஐ.டி.யூ., டாஸ்மாக் ஊழியர்கள் சங்கத்தின் மாநில செயலர் திருச்செல்வன் கூறியதாவது:

கடந்த ஆட்சியின் போது, போராட்டத்தில் ஈடுபட்ட, டாஸ்மாக் ஊழியர்களுக்கு ஆதரவு தெரிவித்த, தற்போதைய முதல்வர் ஜெயலலிதா, டாஸ்மாக் ஊழியர்களின் கோரிக்கைகள் நிறைவேறும் நாள் தூரத்தில் இல்லை, என்றார். முதல்வராக பொறுப்பேற்று, இரண்டு ஆண்டுகள் ஆகி விட்ட நிலையில், மூன்று நிதி நிலை அறிக்கையை தாக்கல் செய்துள்ள போதிலும், ஒவ்வொரு நிதி நிலை அறிக்கையின் போதும், 300 ரூபாய் முதல் 500 ரூபாய் வரை, பெயர் அளவுக்கே அரசு சம்பள உயர்வு மேற்கொண்டு வருகிறது.

செவி சாய்க்கவில்லை:அரசு எங்களின் கோரிக்கை ஏற்காமல், சம்பளத்தை மட்டும் குறைந்த அளவில் உயர்த்துவதை, எங்களுக்கு பிச்சை போடுவதாக கருதுகிறோம். எனவே, அரசின் இலவச திட்டங்களை மேற்கொள்ள, கற்பக விருட்சமாக செயல்படும், டாஸ்மாக் என்னும் ரதத்தை இழுத்துச் செல்லும் ஊழியர்களின் கோரிக்கைக்கு, அரசு செவி சாய்க்க வேண்டும்.அரசு ஊழியர்களுக்கு இணையான சம்பளம், பணி கால வரன்முறை, பணி நிரந்தரம் ஆகிய கோரிக்கைகளை, அரசு நிறைவேற்றித்தர வேண்டும். இந்த கோரிக்கைகளை நிறைவேற்றாவிட்டால், அனைத்து தொழிற் சங்களையும் இணைத்து விரைவில், காலவரையற்ற, "ஸ்டிரைக்' மேற்கொள்வோம்.இவ்வாறு, அவர் கூறினார்.

மக்கள் குடிச்சு அழிய இலக்கு நிர்ணயம் செய்யும் இலட்சிய அரசு வாழ்க

சம்பளம் கிடைக்குமா?:மேலும், அதை இழுத்துச் செல்லும் ஊழியர்கள், அம்மா சொன்ன வாக்குறுதி நிறைவேறுமா? விலைவாசி உயர்வுக்கு ஏற்ற சம்பளம் கிடைக்குமா? சமூக அந்தஸ்து கிடைக்குமா, எங்கள் பரிதாப நிலை மாறுமா? என, புலம்புவதாக தெரிவிக்கப்பட்டுள்ளது. இந்த பரபரப்பு போஸ்டர், அனைத்து கடைகளிலும் ஒட்டப்பட்டுள்ளது, ஊழியர்கள் மத்தியில் பரபரப்பை ஏற்படுத்தி உள்ளது.

முன்பெல்லாம் சாராயம் விற்பவனை ஊருக்குள்ளேயே விடமாட்டார்கள் , ஊருக்கு ஒதுக்குபுறமா அல்லது சுடுகாடு ஓரத்தில் திருட்டுத்தனமா விற்பார்கள் , இப்ப இவர்களுக்கு பெயர் அரசாங்க ஊழியர்கள் "சமீக அந்தஸ்து வேற கேட்கிறார்கள்" என்ன அந்தஸ்து வேண்டுமாம் கவுரவ மேயர் பதவி கொடுங்களேன். சாராய மகாராணி அவர்களே