மழலை

**பார்த்திபன்** · 24/07/2011

மழலை

மயக்கியே பழக்கப்பட்ட மகுடிகள்
மயங்கிக் கிடந்தன,
பாம்பாட்டி வீட்டுப்
பாப்பாவின் மழலையில்!

விற்பனைக்கல்ல!

வளர்க்க வசதியில்லையென்று
வந்த விலைக்குத் தன்
சொந்தப் பிள்ளையை விற்றவள்
தற்கொலைக்குத் தயாரானாள்!
மடியில் கட்டிய தன் குழந்தையுடன்
மாடு மேய்த்துக் கொண்டிருந்த
மற்றொரு தாயைக் கண்டு!

நிலவைக் காணவில்லை!

நிலவைக் காட்டி கதை சொன்னதில்
நிம்மதியாய் தூங்கிப்போனாள் குழந்தை!
மறுநாள் பொழுது விடிந்தது,
நிலவைக் காணவில்லை என்ற
அவளது நீண்ட அழுகையுடன்!

குழந்தை வரம்

"சன்னதியில் நிம்மதியாய்
சாமி கும்பிட விடுதா சனியன்?"
எதிர் வரிசையில் அழுத
ஏதோவொரு குழந்தையின்மேல்
எரிச்சல் கக்கிவிட்டு
கும்பிட வந்த
சாமியின் பக்கம் திரும்பி
தன் குறை சொல்லி அழுதாள்
குழந்தை வரம் வேண்டி!
இதுவரை கல்லாய் மட்டுமே
இருந்த கடவுள் இப்போது
காதும் பொத்திக் கொண்டார்!

நிலவை.பார்த்திபன்

யினியவன் · யினியவன் Wed May 08, 2013 10:06 pm

பார்த்திபன்

சாபம் விலக குழந்தை வரம் வேண்டி வந்தவள்
பாவம் குழந்தையை திட்டி சாபம் பெற்றாளே
பெற்றவளாக முடியுமா இவளால்?

பாலாஜி · பாலாஜி Thu May 09, 2013 2:50 pm

நல்ல கவிதைகள் ..... பகிர்வுக்கு நன்றி சூப்பருங்க

**பார்த்திபன்** · 24/07/2011

யினியவன் மற்றும் பாலாஜிக்கு என் நன்றிகள்!

**ஜாஹீதாபானு** · **ஜாஹீதாபானு** Fri May 10, 2013 4:37 pm

அனைத்தும் அருமை கடைசி கவிதை ரொம்ப சூப்பருங்க

**கா.ந.கல்யாணசுந்தரம்** · 28/02/2009

கவிதைகள் சிறப்பு. சுயநலத்தில் பொதுநலமும் கலந்திருப்பது அவசியம் என்று முடிவு கவிதை அறிவுறுத்துகிறது.

**பார்த்திபன்** · 24/07/2011

ஜாஹீதாபானு அவர்களுக்கும் திரு.கா.ந.கல்யாணசுந்தரம் அவர்களுக்கும் என் அன்பான நன்றிகள்.

Pakee · Pakee Fri May 24, 2013 4:57 pm

நல்ல கவிதை சூப்பருங்க

Sponsored content · Sponsored content

மழலை

மழலை

Re: மழலை

Re: மழலை

Re: மழலை

Re: மழலை

Re: மழலை

Re: மழலை

Re: மழலை

Re: மழலை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக