சென்னை அருகே புயல் சின்னம்

சென்னைக்கு அருகே 1200 கிமீ தொலைவில் வங்கக் கடலில் உருவாகி உள்ள காற்றழுத்த தாழ்வு மண்டலம் வலுவடைந்து புயல் சின்னமாகி சென்னையில் மழை பெய்யும் வாய்ப்பு அதிகரித்துள்ளது.
.
சென்னைக்கு 1,200 கி.மீ. தொலைவில் குறைந்த காற்றழுத்தம் உருவாகி இருப்பதால், அது வலுவடைந்து மகாசேன் புயலாக உருவெடுக்கும் என்று எதிர்பார்க்கப்படுகிறது. இதனால் அடுத்த வாரம் தமிழ்நாட்டில் கனமழை பெய்ய உள்ளது. வங்கக்கடலில் பெரும்பாலும் அக்டோர், நவம்பர் மாதங்களில்தான் புயல் சின்னங்கள் உருவாகும்.

கோடை காலத்தில் புயல் சின்னங்கள் உருவாவது மிகவும் அபூர்வம். அந்தவகையில், அக்னி நட்சத்திர காலமான தற்போது வங்கக்கடலில் புயல் சின்னம் உருவாகி உள்ளது. கடந்த செவ்வாய்க்கிழமை வங்கக்கடல் மீது காற்றின் மேல் நோக்கிய சுழற்சி காரணமாக இந்த வானிலை மாற்றம் ஏற்பட்டுள்ளது.

இதையடுத்து, நேற்றுமுன்தினம் சென்னைக்கு 1,200 கி.மீ. தொலைவில் தென்கிழக்கு வங்கக்கடலில் குறைந்த காற்றழுத்தம் (புயல் சின்னம்) மையம் கொண்டுள்ளது. இது தீவிரம் அடைந்து காற்றழுத்த தாழ்வு மண்டலமாகவும், பின்னர், தீவிர காற்றழுத்த தாழ்வு மண்டலமாகவும் மாறும் என்று எதிர்பார்க்கப்படுகிறது.

இது மேலும் வலுவடைந்து புயலாக உருவெடுக்கும் என்று எதிர்பார்க்கப்படுகிறது. இந்த புயலுக்கு மகாசேன் என்று பெயர் சூட்டி உள்ளனர். இந்த புயல் தீவிர புயலாக மாறி, ஒரிசா அருகே 16ந்தேதிக்குள் கரையை கடக்கும் என்று எதிர்பார்க்கப்படுகிறது.இதனால் அடுத்த வாரம் தமிழ்நாட்டில் கனமழை பெய்யும் என்று வானிலை ஆராய்ச்சி மையம் தெரிவித்துள்ளது. ஆனால், வானிலை ஆராய்ச்சி நிபுணர் எஸ்.ராமச்சந்திரன் வேறுவிதமாக கருத்து தெரிவித்துள்ளார்.

மகாசேன் புயல், எதிர்பார்க்கப்பட்ட வலிமையை இழந்து தமிழ்நாடு அல்லது ஆந்திரா கடற்கரை அருகே 15ந்தேதிக்குள் கரையை கடக்கும் என்று அவர் கூறினார். அவர் மேலும் கூறியதாவது:

15ந்தேதியன்று தமிழ்நாட்டில் மழை பெய்யும். ஆனால் இந்த புயல் பலமிழந்து ஆந்திர கடற்கரை அருகே கரையை கடக்கும். தானே புயல், கடுமையான சூறைக்காற்றுடன் மழையை கொடுத்தது.

ஆனால், மகாசேன் புயல், தமிழ்நாட்டுக்கு சூறைக்காற்றை விட கனமழையைத்தான் அதிகமாக கொடுக்கும். ஆந்திராவில் மழையை விட சூறைக்காற்று அதிகமாக வீசும். ஒரிசா, மேற்கு வங்காளத்தின் மேற்கு பகுதிகள் மற்றும் வடகிழக்கு மாநிலங்களிலும் மழை பெய்யும்.இவ்வாறு அவர் கூறினார்.

அதிக சேதம் விளைவிக்காமல் ஒழுங்கா
மழையை பெய்துவிட்டு போக சொல்லுங்க ராஜூ

யினியவன் wrote:அதிக சேதம் விளைவிக்காமல் ஒழுங்கா
மழையை பெய்துவிட்டு போக சொல்லுங்க ராஜூ

அது தான் எல்லாத்துக்கும் நல்லது

வந்தமா போனமா அப்படின்னு இருக்கனும் , நொந்து போற அளவு ஏதும் செய்யாமல் ....

வர்ரவங்க நேர நம்ம ஊருக்கு வாங்க அவன் கூப்பிடான், இவன் கூப்பிடான் என்று ஆந்திரா பக்கம் போயிடாதீங்க

ராஜு சரவணன் wrote:வர்ரவங்க நேர நம்ம ஊருக்கு வாங்க அவன் கூப்பிடான், இவன் கூப்பிடான் என்று ஆந்திரா பக்கம் போயிடாதீங்க

வரவில்லை என்றால் காணவில்லை கடல் அப்படின்னு அறிவிப்பு கொடுங்க

பூவன் இது காதல் புயல் இல்லை - கண்டிப்பா போயிடும்

யினியவன் wrote:பூவன் இது காதல் புயல் இல்லை - கண்டிப்பா போயிடும்

காதல் புயல் அடித்தால் கண்ணீர்
கடற்கரை புயல் அடித்தால் தண்ணீர் ?


நல்ல டைமிங் எப்புடி !!!!

இதுல டைமிங் முக்கியம் இல்லை - அதில் அதில் தான் டைமிங் வொர்க் அவுட் ஆகணும்

யினியவன் wrote:இதுல டைமிங் முக்கியம் இல்லை - அதில் அதில் தான் டைமிங் வொர்க் அவுட் ஆகணும்

டைமும் ரய்மும் காலத்துக்கு கத்துக்கணும்
இல்லேன்னா நம்ம டைமே நமக்கு கற்றுகொடுக்கும் ,..