பார்த்தால் சிணுங்கி - 1 (தபூ ஷங்கர்)

நான் உன்னை பற்றி
எழுதிய கவிதைகள் எல்லாம்
முதல் முறையாய் உன்னை
நேரில் பார்த்த போது
என் மீது கற்கள் ஏறிய
ஆரம்பித்துவிட்டன

இவ்வளவு
அழகான தேவதையை பற்றி
இவ்வளவு சுமாரான
கவிதைகளைத்தானா
எழுத முடிந்தது உன்னால் என்று
****************************************************
நீ
வளர்க்கும்
நாய்க்குட்டி கூட
எப்போதாவது
உன்னைப் பார்த்து
குறைக்கலாம்

ஆனால்
எப்போதும்
உனக்காகத்
துடிக்க மட்டுமே
செய்யும்
என் இதயம்
*****************************************
ஆளுயரக்
கண்ணாடி முன் நின்று
உன்னையே நீ
அழகு பார்த்த அழகை
நான் பார்த்த
பிறகு தான்
உன்னை
எப்படி பார்க்க வேண்டும்
என்பதே
தெரிந்தது எனக்கு
******************************
நட்சத்திரங்களை
எண்ண முடியாதுதான்
ஆனால் நீ எண்ண ஆரம்பித்தால்
மொத்தம் எத்தனை நட்சத்திரங்கள்
என்பதை நட்சத்திரங்களே
ஓடி வந்து உன்னிடம் சொல்லிவிடும்
***********************************************
பேருந்தில்
நீ எனக்காக
எடுத்துக் கொடுத்த
பயணச் சீட்டு

இன்னும்
பயணித்து
கொண்டிருகிறது
என்னோடு
*****************************
எனக்கு லீப்
வருடங்களைத்தான்
ரொம்ப ரொம்பப்
பிடிக்கிறது

அந்த வருடங்களில்தான்
இன்னும் ஒருநாள்
அதிகமாக
வாழலாம்
உன்னோடு
*************************************
நிலவைச் சுற்றி வர
விஞ்ஞானிகள்
செயற்கைக்கோள்
அனுப்புவது மாதிரி

உன்னைச் சுற்றிவர
என்னை
அனுபியிருக்கிறது
காதல்
**********************************
தினமும்
நான் தூங்கிய
உடனையே
என் கனவில்
வந்து விடுகிறாயே

நான் எப்போது
தூங்குவேன் என்று
நீ எங்கிருந்து
கவனிக்கிறாய்
**********************************
நீ என்னைக்
காதலிக்கக்கூட
வேண்டாம்

உன் தோழிகள்
ஒருதியிடமாவது
என்னைக் காட்டி
அவன் என்னைக்
காதலிக்கிறான் தெரியுமா
என்று
ஒரே ஒரு முறை சொல்
அது போதும்
*****************************************
நன்றி தபூ ஷங்கர் அவர்களுக்கு

காதல் கவிதைகள் என்றாலே தபூ சங்கர்தான்

அனைத்து கவிதைகளும் சிறப்பு ... பகிர்வுக்கு நன்றி