மரணப் புள்ளிகள்

**சிவா** · **சிவா** Mon May 06, 2013 3:45 am

மரணம்
மனிதனின் பிறப்போடு
மாற்றங்கள் செய்யமுடியாது
கிரயமாக
எழுதப்பட்டுள்ள
உயிருக்கான உயில்!

மரணம் இருப்பதனால்தான்
மானிடர் வாழ்க்கை
இங்கே
தத்துவமாகிறது!

இது
உணர்ந்தவர்களின்
சாதனை
உணராதவர்களின்
வேதனை!

இன்றைய விதைப்பின்
நாளைய
அறுவடையை நோக்கிய
மனிதனின்
தனிவழிப் பயணம்!

கால மன்றில்
ஒத்தி வைக்கப்படாத
கவிஞர்
பதியத்தளாவ பாறூக்
வக்கீல்கள் இல்லாத
ஒரு
வழக்கு!

ஆடி மகிழ்ந்த
வாழ்க்கை சதுரங்கத்தில்
கடவுளால் வெட்டப்படும்
காய்!

குடும்பக் கூட்டு
கொஞ்சநேர ஒப்பாரி
குறுந்தூர நடை
இவைகள்
ஆறடிக் குழிவரை
அரங்கேறி அடங்கும்
கூத்து!

ஆட்சி அதிகாரம்
அகந்தையின் அடையாளம்
நானென்ற தலை
அனைத்தையும் அழித்து
சரித்திரம் படைக்கும்
சாதனைக் கரம்!

நாட்குறிப்பு மூடப்பட்டதும்
இறைவனின்
ஏட்டுக் கணக்கின்படி
கூட்டுப் புள்ளிகளால்
சொர்க்கத்தையும் நரகத்தையும்
திறந்து வைக்கும் !

வாழ்க்கை நிலைக்குமென்ற
மனித எண்ணம்
மௌனித்து
பாவம் மனிதனென்ற
படைத்தவனின்
பக்குவப்பாடம்
பரீட்சையை முடிக்கும்!

காலம் நேரமென்ற
கட்டுப்பாட்டை உடைத்து
விதியின் விளையாட்டு
மதியினை வெல்லும்!

விண்ணுயரப் பறந்தவனுக்கும்
மண்ணதிர வாழ்ந்தவனுக்கும்
இங்கே எதுவுமே
சொந்தமில்லை என்பதை
இறுதிப் பயணிப்பில்
வெள்ளைத்துணி
விடை சொல்லும் !

கவிஞர்: பதியத்தளாவ பாறூக்

**Muthumohamed** · **Muthumohamed** Mon May 06, 2013 8:19 am

அருமையான கவிதை வரிகள் பகிர்வுக்கு நன்றி

**T.N.Balasubramanian** · **T.N.Balasubramanian** Mon May 06, 2013 6:45 pm

விண்ணுயரப் பறந்தவனுக்கும்
மண்ணதிர வாழ்ந்தவனுக்கும்
இங்கே எதுவுமே
சொந்தமில்லை என்பதை
இறுதிப் பயணிப்பில்
வெள்ளைத்துணி
விடை சொல்லும் !
------------------------------------------------------
முற்றிலும் உண்மை சூப்பருங்க

கவிஞர்: பதியத்தளாவ பாறூக் &
பதிவிட்ட சிவா இருவருக்கும் அன்பு மலர்

ரமணியன்

Sponsored content · Sponsored content

மரணப் புள்ளிகள்

மரணப் புள்ளிகள்

Re: மரணப் புள்ளிகள்

Re: மரணப் புள்ளிகள்

Re: மரணப் புள்ளிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக