பேஸ்புக், டுவிட்டரை கண்காணிக்க தனிப்படை அமைத்தது சென்னை போலீஸ்

சென்னை: தவறான நோக்கத்திற்காக பேஸ்புக், டுவிட்டர் சமூக வலைதளங்கள் பயன்படுத்தப்படுவதால் அவற்றை கண்காணிக்க சென்னை மாநகர காவல்துறை தனிப்படை அமைத்துள்ளது.

தற்போது, பேஸ்புக், டுவிட்டர் சமூக வலைதளங்கள் தவிர்க்க முடியாத சக்தியாக உருவெடுத்துவிட்டது. இளைஞர்கள் முதல் பெரியவர்கள், சிறியவர்கள் என்று அனைவரும் பேஸ்புக், டுவிட்டர் வலைதளங்களை பயன்படுத்துகின்றனர்.

முன்பெல்லாம், கம்ப்யூட்டரில்தான் இணையதளங்கள் பயன்படுத்தப்பட்டு வந்தன. என்றைக்கு செல்போன்களி்ல் இணையதளங்கள் பார்க்கும் வசதிகள் அமைந்ததோ, அன்று முதல் இணையதங்களை பார்க்கும் மக்களின் எண்ணிக்கை அதிகரித்து கொண்டே செல்கிறது.

பேஸ்புக், டுவிட்டர் வலைதளங்களை சிலர் நல்லதுக்காவும், சிலர் தவறான நோக்கத்திற்காகவும் பயன்படுத்துகின்றனர். இது தொடர்பாக, காவல்துறைக்கும் அவ்வப்போது புகார்களும் வந்து கொண்டுதான் இருக்கிறது.

கடந்த சில மாதங்களாகவே இணைய தளங்களை கண்காணித்த காவல்துறையினர், சமீபத்தில் மாணவர் போராட்டத்தை பேஸ்புக், டுவிட்டர் என இணையதளங்கள் மூலமாகவே ஒருங்கிணைத்ததை கண்டுபிடித்துள்ளனர்.

செல்போனில் தனித்தனியாக அழைப்பது கடினம் என்றும் எஸ்.எம்.எஸ் கொடுத்தாலும் எளிதாக காவல்துறையினர் கண்டுபிடித்துவிடுவார்கள் என்பதால், அவர்கள் பேஸ்புக்கை பயன்படுத்தியது தெரியவந்துள்ளது.

இது குறித்து ஏற்கனவே காவல்துறையினர் 2 வழக்குகளை பதிவு செய்துள்ளனர். இதனால்தான், பேஸ்புக், டுவிட்டர் இணையதளத்தை காவல்துறையினர் கண்காணிக்க முடிவு செய்துள்ளனர்.

இது தொடர்பாக சென்னை போலீஸ் கமிஷனர் ஜார்ஜ், நேற்று அதிகாரிகளுடன் ஆலோசனை நடத்தினார்.அப்போது, சமூக வலைதளங்களை கண்காணிப்பது குறித்து ஆய்வு நடத்தப்பட்டது. இந்த கூட்டத்தில் வலைதளங்களை கண்காணிக்க, இணை கமிஷனர் அருண் தலைமையில் தனிப்படை அமைக்கப்பட்டது.

இந்த தனிப்படையினர், பேஸ்புக், டுவிட்டர் வலைதளங்களை கண்காணித்து, சட்டத்துக்கு எதிரான நடவடிக்கைகள், தகவல்களை பரிமாறும் பயன்பாட்டாளர்களுக்கு முதலில் எச்சரிக்கை செய்ய முடிவு செய்துள்ளனர்.

அதையும் மீறி செயல்பட்டால், அவர்கள் மீது காவல்துறை நடவடிக்கை எடுப்பதோடு, குறிப்பிட்ட பேஸ்புக், டுவிட்டர் முகவரியை முடக்க முடிவு செய்துள்ளனர்.

விகடன்

இவங்கதான் அந்த தனிப்படை!

லைக் பண்ணமுடியாது அன்லைக் பண்ணவேண்டியதுதான் --- தனிபடைக்கு

பேஸ் முன்னாடி
பேஸ் பண்ணற பிரச்சனைகளை கண்காணிக்க முடியவில்லை இதில்
பேஸ் புக் கண்காணிக்க போறாங்களாம் ...

சிவா wrote: இவங்கதான் அந்த தனிப்படை!

முதல் போனி நீங்கதானோ?

யினியவன் wrote:

சிவா wrote: இவங்கதான் அந்த தனிப்படை!

முதல் போனி நீங்கதானோ?

இரண்டாவது நீங்கள் தானே அண்ணா

பூவன் wrote:இரண்டாவது நீங்கள் தானே அண்ணா

வருந்தி வருந்தி வளச்சு வளச்சு காதல் கவிதை எழுதற நீங்க இருக்கறப்ப நான் எதுக்கு உள்ள போகணும் - ஏற்கனவே உள்ளதான இருக்கேன்

யினியவன் wrote:

பூவன் wrote:இரண்டாவது நீங்கள் தானே அண்ணா

வருந்தி வருந்தி வளச்சு வளச்சு காதல் கவிதை எழுதற நீங்க இருக்கறப்ப நான் எதுக்கு உள்ள போகணும் - ஏற்கனவே உள்ளதான இருக்கேன்

அவங்க கணக்கை முடக்குவதகுள் நானே கணக்கை முடக்கி பலவருடம் ஆச்சு ...
முடக்கிய கணக்கை எங்கே முடக்க ....

யினியவன் wrote:

சிவா wrote: இவங்கதான் அந்த தனிப்படை!

முதல் போனி நீங்கதானோ?

அரட்டை அடிக்கும் ஆயிரம் பேரும், அறிவு வளர்க்கும் ஒரு சில வேரும் நிறைந்துள்ளதால், வேரை களையெடுக்க வேலையத்த தனிப்படை....நடக்கட்டும்.....நாடு வளர்வது இவர்களுக்கு பிடிக்காது.