பிளஸ் 2 தேர்வு முடிவுகள் மே 9-ல் வெளியிடப்படுகிறது

**சிவா** · **சிவா** Mon Apr 29, 2013 2:38 am

First topic message reminder :

சென்னை: பிளஸ் 2 தேர்வு முடிவுகள், மே 9ம் தேதி காலை, 10:00 மணிக்கு வெளியிடப்படுகிறது. இதற்கான அதிகாரபூர்வ அறிவிப்பு நேற்று வெளியானது.

தமிழகம் மற்றும் புதுச்சேரியில், மார்ச் 1ம் தேதி முதல் 27ம் தேதி வரை, பிளஸ் 2 தேர்வுகள் நடந்தன. எட்டு லட்சத்து 4,534 மாணவ, மாணவியர், தேர்வை எழுதினர். இவர்களில், 3 லட்சத்து 73 ஆயிரத்து, 788 பேர், மாணவர்கள்; 4 லட்சத்து, 30 ஆயிரத்து 746 பேர், மாணவியர். 2,020 மையங்களில் தேர்வுகள் நடந்தன. எந்த ஆண்டும் இல்லாத அளவிற்கு, இந்த ஆண்டு பொதுத் தேர்வுகள், பெரும் சர்ச்சையை ஏற்படுத்தின.

பிளஸ் 2, கணிதத் தேர்வில், கடினமான கேள்விகள், நாமக்கல் மாவட்டத்தில், இயற்பியல் தேர்வு முறைகேட்டில் ஆசிரியர்களே ஈடுபட்டது போன்ற சம்பவங்கள் நடந்தன. தேர்வு முறைகேடுகளில் ஈடுபடக்கூடாது என, தேர்வுத் துறை, விழிப்புணர்வு ஏற்படுத்திய போதும், பல்வேறு முறைகேடுகளில் ஈடுபட்டு, 300க்கும் அதிகமான மாணவ, மாணவியர், பறக்கும் படை குழுவினரிடம் பிடிபட்டனர்.

மாநிலம் முழுவதும், 50க்கும் மேற்பட்ட மையங்களில், விடைத்தாள்கள் திருத்தி முடிக்கப்பட்டு, தற்போது, மதிப்பெண்களை தொகுக்கும் பணிகள், சென்னை, "டேட்டா சென்டரில்” நடந்து வருகிறது.

பொறியியல், மருத்துவப் படிப்புகளுக்கான விண்ணப்பம் வழங்கும் தேதி அறிவிக்கப்பட்டதால், முதலில், பிளஸ் 2 தேர்வு முடிவை, மாணவர்கள் ஆவலுடன் எதிர்பார்த்து இருந்தனர். மே 9ம் தேதி வெளியாக வாய்ப்புகள் இருப்பதாக, ஏற்கனவே கூறப்பட்ட நிலையில், தற்போது, அதே தேதியை இறுதி செய்து, தமிழக அரசு அறிவித்துள்ளது.

பள்ளிக்கல்வி அமைச்சர் வைகை செல்வன், நேற்று மாலை வெளியிட்ட அறிவிப்பில், "பிளஸ் 2 தேர்வு முடிவு, மே 9ம் தேதி காலை 10:00 மணிக்கும், 10ம் வகுப்பு தேர்வு முடிவுகள், மே 31ம் தேதி, காலை, 9:15 மணிக்கும் வெளியிடப்படும்” என, தெரிவித்துள்ளார்.

ஒவ்வொரு ஆண்டும், 40க்கும் மேற்பட்ட தனியார், "வெப்சைட்” நிறுவனங்கள் மூலம், தேர்வு முடிவுகள் வெளியிடப்பட்டன. தேர்வுத் துறை இயக்குனரகத்திடம், உரிய கட்டணத்தை செலுத்தி, தேர்வு முடிவுகள் அடங்கிய, "சிடி”க்களை பெற்று, உடனடியாக அந்நிறுவனங்கள் வெளியிட்டன. இது, மாணவ, மாணவியருக்கு மிகவும் பயனுள்ளதாக இருந்து வந்தது. மாணவ, மாணவியர், மதிப்பெண்களுடன் கூடிய முடிவை, உடனுக்குடன் அறிய முடிந்தது.

இந்த ஆண்டு, தனியார் நிறுவனங்களுக்கு, தேர்வு முடிவு வழங்கப்பட மாட்டாது என்றும், அரசு இணையதளத்தில் மட்டும் வெளியிடப்படும் என்றும் அறிவிக்கப்பட்டுள்ளது. 8 லட்சம், 10 லட்சம் மாணவர்கள், ஒரே நேரத்தில், இணையதளத்தை முற்றுகையிட்டால், இணையதளம் முடங்கிவிடும் ஆபத்து உள்ளது.

பள்ளிக்கல்வித் துறை செயலர் சபிதா கூறியதாவது: தனியார் நிறுவனங்களுக்கு, தேர்வு முடிவை தரக்கூடாது என்ற எண்ணம், அரசுக்கு கிடையாது. அரசிடமே போதுமான தொழில்நுட்ப வசதிகள் இருக்கும் போது, அரசு இணையதளத்தில் மட்டும் வெளியிடலாம் என்ற முடிவால், இந்நடவடிக்கை எடுக்கப்பட்டுள்ளது.

தேர்வு முடிவை அறிவதில், மாணவர்களுக்கு எந்தப் பிரச்னையும் ஏற்படாது. "நிக்” (தேசிய தகவல் மையம்) மூலம், தேவையான ஏற்பாடுகள் செய்யப்பட்டுள்ளன. மேலும், அனைத்துப் பள்ளிகளிலும், இணையதள வசதிகள் உள்ளன. மாணவர்கள், பள்ளிகளுக்குச் சென்றும், முடிவை அறியலாம். மேலும், தேர்வு முடிவுடன் கூடிய மதிப்பெண் பட்டியலும், பள்ளிகளுக்கு அனுப்பப்படும். அந்த பட்டியலையும், மாணவர்கள் பார்க்கலாம். இவ்வாறு சபிதா தெரிவித்தார்.

தினமலர்

md.thamim · md.thamim Wed May 01, 2013 1:26 am

யினியவன் wrote:அண்ணன நம்பி கடன் குடுத்தேன் - அத டீ குடிச்சு தான் வசூல் பண்ண வேண்டி இருக்கு என்ன பண்றது?

இல்லயே சிவா அண்ணன் பாக்குர பிகர் பூரா உங்கல தான் சைட் அடிகுதுனு சிவா அண்ணன்ட சண்ட போடுரதா நம்ப தகுந்த இடத்துல இருந்து செய்தி வந்துருக்கே :farao:

**பார்த்திபன்** · 24/07/2011

+2 தேர்வு முடிவுகள் எப்போன்னு தெளிவா சொல்றீங்க. ஈகரைக் கவிதைப் போட்டி முடிவுகள் எப்போன்னு கேட்டா மட்டும் பதில் சொல்ல மாட்டேங்குறீங்க. என்ன?

யினியவன் · யினியவன் Wed May 01, 2013 1:41 pm

பார்த்திபன் wrote:+2 தேர்வு முடிவுகள் எப்போன்னு தெளிவா சொல்றீங்க. ஈகரைக் கவிதைப் போட்டி முடிவுகள் எப்போன்னு கேட்டா மட்டும் பதில் சொல்ல மாட்டேங்குறீங்க.

பாத்திபன் - ஆதிரா கவிதைகளை நல்ல தமிழ் அறிஞர்களுக்கு மதிப்பிட அனுப்பி இருக்கார்.

அவர்களும் இந்த +2, 10 வது வகுப்புகள், மற்றும் கல்லூரி மாணவர்களின் பரீட்சை தாள்களை திருத்துவதில் பிசியா இருக்காங்கன்னு நினைக்கிறேன்.

விரைவில் ஆதிரா அறிவிப்பார் கவிதை போட்டி முடிவுகளை - பொறுத்திருக்கவும் பெங்களூர் ராசாவே, லால் பாக் ரோசாவே.

**பார்த்திபன்** · 24/07/2011

[quote="யினியவன்"]

பார்த்திபன் wrote: பெங்களூர் ராசாவே, லால் பாக் ரோசாவே.

போங்க இனியவன் எனக்கு வெக்கம் வெக்கமா வருது! ஒன்னும் புரியல

**ராஜா** · **ராஜா** Wed May 01, 2013 2:11 pm

பார்த்திபன் wrote:
யினியவன் wrote:பெங்களூர் ராசாவே, லால் பாக் ரோசாவே.
போங்க இனியவன் எனக்கு வெக்கம் வெக்கமா வருது!

அட இன்னுமா உங்களுக்கு இதெல்லாம் இருக்கு , நாங்கல்லாம் கல்யாணம் ஆனதுமே இதையெல்லாம் பேக் பண்ணி பீரோவுல வச்சுட்டோம். புன்னகை

யினியவன் · யினியவன் Wed May 01, 2013 2:12 pm

ராஜா wrote:அட இன்னுமா உங்களுக்கு இதெல்லாம் இருக்கு , நாங்கல்லாம் கல்யாணம் ஆனதுமே இதையெல்லாம் பேக் பண்ணி பீரோவுல வச்சுட்டோம்.

என்னது பீரோவில வச்சிருக்கீங்களா?????????

தெரிஞ்சா டேஞ்சரு ராஜா - இன்னிக்கே எடுத்து வீசிடுங்க இல்லேன்னா உங்கள வீசிடுவாங்க புன்னகை

**பார்த்திபன்** · 24/07/2011

ஒரு சின்ன பொய் சொன்னாலும் உடனே கண்டு பிடிசிரீங்களே! வெக்கம் மானம் எல்லாம் ஒரு காலத்துல இருந்ததா ஞாபகம்! சோகம்

Sponsored content · Sponsored content

பிளஸ் 2 தேர்வு முடிவுகள் மே 9-ல் வெளியிடப்படுகிறது

பிளஸ் 2 தேர்வு முடிவுகள் மே 9-ல் வெளியிடப்படுகிறது

Re: பிளஸ் 2 தேர்வு முடிவுகள் மே 9-ல் வெளியிடப்படுகிறது

Re: பிளஸ் 2 தேர்வு முடிவுகள் மே 9-ல் வெளியிடப்படுகிறது

Re: பிளஸ் 2 தேர்வு முடிவுகள் மே 9-ல் வெளியிடப்படுகிறது

Re: பிளஸ் 2 தேர்வு முடிவுகள் மே 9-ல் வெளியிடப்படுகிறது

Re: பிளஸ் 2 தேர்வு முடிவுகள் மே 9-ல் வெளியிடப்படுகிறது

Re: பிளஸ் 2 தேர்வு முடிவுகள் மே 9-ல் வெளியிடப்படுகிறது

Re: பிளஸ் 2 தேர்வு முடிவுகள் மே 9-ல் வெளியிடப்படுகிறது

Re: பிளஸ் 2 தேர்வு முடிவுகள் மே 9-ல் வெளியிடப்படுகிறது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக