சென்னையில் அம்மா உணவகங்கள் 1000-ஆக உயருகிறது

**சிவா** · **சிவா** Sun Apr 28, 2013 1:55 pm

https://fbcdn-sphotos-f-a.akamaihd.net/hphotos-ak-ash3/47972_10201238709674954_1278768942_n.jpg

சென்னையில் மாநகராட்சி சார்பில் அம்மா உணவகங்கள் என்ற பெயரில் மலிவு விலை உணவகங்கள் திறக்கப்பட்டுள்ளது. வார்டுக்கு ஒன்று வீதம் 200 வார்டுகளிலும் 200 உணவகங்கள் திறக்கப்பட்டுள்ளது.

இந்த உணவகங்களில் இட்லி ரூ.1-க்கும், சாம்பார் சாதம் ரூ.5-க்கும் தயிர்சாதம் ரூ.3-க்கும் விற்கப்படுகிறது. இதற்கு எல்லா தரப்பு மக்களிடமும் நல்ல வரவேற்பு கிடைத்துள்ளது. கடந்த 2 மாதங்களில் 1 கோடிக்கு மேல் இட்லி விற்பனை நடந்துள்ளது.

இந்த உணவகங்களை திறக்க மாநகராட்சி மேயர், கமிஷனர் உள்ளிட்ட அனைத்து ஊழியர்களும் இரவு-பகலாக கடுமையாக உழைத்தனர். உழைத்த ஊழியர்களுக்கு நன்றி தெரிவிக்கும் வகையில் அவர்களுக்கு விருந்து கொடுக்க மேயர் சைதை துரைசாமி ஏற்பாடு செய்து இருந்தார். நேற்று மதியம் அனைவருக்கும் விருந்து வழங்கப்பட்டது. இதில் கமிஷனர் விக்ரம் கபூர், துணை மேயர் பெஞ்சமின் உள்பட ஊழியர்கள் அனைவரும் பங்கேற்றனர். இந்த விருந்தும் பாராட்டும் ஊழியர்களை ஊக்கப்படுத்துவதாக அமைந்துள்ளதாக அதிகாரிகள் நெகிழ்ச்சியுடன் தெரிவித்தனர்.

எந்த தடங்களும் இல்லாமல் வெற்றிகரமாக 200 அம்மா உணவகங்களையும் திறந்து செயல்படுத்தி வருகிறார்கள். 1000 உணவகங்கள் திறக்க வேண்டும் என்பது முதல்- அமைச்சர் ஜெயலலிதாவின் உத்தரவு. அதன்படி படிப்படியாக மேலும் 800 உணவகங்கள் திறக்க மாநகராட்சி முடிவு செய்துள்ளது.

மாலைமலர்

**ராஜா** · **ராஜா** Sun Apr 28, 2013 2:01 pm

வாழ்த்துக்கள் எந்த விட அரசியல் குறுக்கீடும் இல்லாமல் தமிழகம் முழுவதும் இந்த உணவகங்கள் தொடர்ந்து நடைபெற வேண்டும்.

ஒருவேளை டிபன் சாப்பிட ஹோட்டலுக்கு போனால் குறைந்தது 100 ரூபாய் ஆகிறது.

யினியவன் · யினியவன் Sun Apr 28, 2013 2:18 pm

ராஜா wrote:ஒருவேளை டிபன் சாப்பிட ஹோட்டலுக்கு போனால் குறைந்தது 100 ரூபாய் ஆகிறது.

எவ்ளோ படி மாவாட்டுறீங்க ராஜா?

ராஜு சரவணன் · ராஜு சரவணன் Tue May 07, 2013 5:41 pm

நேற்றும் இன்றும் அம்மா உணவகத்திற்கு மதிய வேளை சாப்பிட போனேன்.

தயிர் சாதம் - 3 ரூபாய், சாம்பார் சாதம் - 5 ரூபாய்.

குறைவான விலை தான் எந்த சந்தேகமும் இல்லை.

நான் பள்ளியில் படிக்கும் போது சத்துணவு சாப்பிட்ட அனுபவம். ஆமாம் அதே நாற்றம்...

பொதுவாக புதிதாக திறக்கும் தனியார் உணவகங்கள் ஒரு மாத காலம் தான் வாடிக்கையாளர்களை கவர்வதற்கு நல்ல தரத்துடன் உணவை கொடுப்பார், பிறகு அவர்கள் வேலையை காட்ட தொடங்குவர். இதே நிலை தான் இன்று இந்த அம்மா உணவகங்களில்.

யினியவன் · யினியவன் Tue May 07, 2013 5:43 pm

இது தெரிஞ்ச கதை தானே ராஜூ - ஆகா ஓகோன்னு சொன்னவங்க இனிமேதானே புலம்ப ஆரம்பிப்பாங்க - காத்திருப்போம் மேலும் செய்திகளுக்கு - பார்லி தேர்தல் வரை அம்மாவுக்கு இது முக்கியம் - அப்புறம் பாருங்க என்ன ஆகும்ன்னு.

**ஜாஹீதாபானு** · **ஜாஹீதாபானு** Tue May 07, 2013 6:02 pm

அச்சச்சோ முதல்லயே சாப்பிடாம போயிட்டேனே

ராஜு சரவணன் · ராஜு சரவணன் Tue May 07, 2013 6:05 pm

யினியவன் wrote:இது தெரிஞ்ச கதை தானே ராஜூ - ஆகா ஓகோன்னு சொன்னவங்க இனிமேதானே புலம்ப ஆரம்பிப்பாங்க - காத்திருப்போம் மேலும் செய்திகளுக்கு - பார்லி தேர்தல் வரை அம்மாவுக்கு இது முக்கியம் - அப்புறம் பாருங்க என்ன ஆகும்ன்னு.

இன்னொரு நாள் காலை உணவை சாப்பிட்டு பார்க்க வேண்டும்... அதுல என்ன வாசம் வருதுன்னு பாக்கணும் பாஸ்

**ஜாஹீதாபானு** · **ஜாஹீதாபானு** Tue May 07, 2013 6:25 pm

ராஜு சரவணன் wrote:
யினியவன் wrote:இது தெரிஞ்ச கதை தானே ராஜூ - ஆகா ஓகோன்னு சொன்னவங்க இனிமேதானே புலம்ப ஆரம்பிப்பாங்க - காத்திருப்போம் மேலும் செய்திகளுக்கு - பார்லி தேர்தல் வரை அம்மாவுக்கு இது முக்கியம் - அப்புறம் பாருங்க என்ன ஆகும்ன்னு.

இன்னொரு நாள் காலை உணவை சாப்பிட்டு பார்க்க வேண்டும்... அதுல என்ன வாசம் வருதுன்னு பாக்கணும் பாஸ்

இட்லில ரோஜா வாசம் வரும்

யினியவன் · யினியவன் Tue May 07, 2013 6:27 pm

குல்கந்து போடுறாங்களோ?

Sponsored content · Sponsored content

சென்னையில் அம்மா உணவகங்கள் 1000-ஆக உயருகிறது

சென்னையில் அம்மா உணவகங்கள் 1000-ஆக உயருகிறது

Re: சென்னையில் அம்மா உணவகங்கள் 1000-ஆக உயருகிறது

Re: சென்னையில் அம்மா உணவகங்கள் 1000-ஆக உயருகிறது

Re: சென்னையில் அம்மா உணவகங்கள் 1000-ஆக உயருகிறது

Re: சென்னையில் அம்மா உணவகங்கள் 1000-ஆக உயருகிறது

Re: சென்னையில் அம்மா உணவகங்கள் 1000-ஆக உயருகிறது

Re: சென்னையில் அம்மா உணவகங்கள் 1000-ஆக உயருகிறது

Re: சென்னையில் அம்மா உணவகங்கள் 1000-ஆக உயருகிறது

Re: சென்னையில் அம்மா உணவகங்கள் 1000-ஆக உயருகிறது

Re: சென்னையில் அம்மா உணவகங்கள் 1000-ஆக உயருகிறது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக