கண்ணதாசன் கவிதைகள்

**முனைவர் ம.ரமேஷ்** · 21/08/2011

First topic message reminder :

நன்றி : கண்ணதாசன்

"பெண்ணாக ஏன் பிறந்தேன்
பேராசை ஏன் அசைந்தேன்-
கண்ணாரத் தூக்கம் இல்லையே-தோழி
கண்ணாரத் தூக்கம் இல்லையே
கண்ணாடி முன்னிருந்து
கட்டி யணைப்பதற்கு
கண்ணன்தன் உருவம் இல்லையே - தோழி
கண்ணன்தன் உருவம் இல்லையே'

**முனைவர் ம.ரமேஷ்** · 21/08/2011

"எழில்மகவு பிறந்துதன்பின் கணவன் தொல்லை!
மணிவிளக்கின் ஒளிவடிக்கும் இருளைப்போல
மக்களின்முன் இருளவான் கணவன்! ஆமாம்!
கனிமணக்கும் சிறுவாயர் பிறந்து விட்டால்
கணவனுளம் துறவறத்தை நாட வேண்டும்!

**முனைவர் ம.ரமேஷ்** · 21/08/2011

"கட்டிலுக்கு வாயிருந்தால் கதறும்! அந்தக்
காதலுக்கு "வெறி' என்ற பெயர்தான் உண்டு!
தொட்டிலுக்குக் கையிருந்தால் அணைக்கும்! பிள்ளை
தொட்டதெனிற் பிணங்கூட விழித்துப் பார்க்கும்!'

**முனைவர் ம.ரமேஷ்** · 21/08/2011

"இன்றைக்கும் என்றைக்கும்
இப்போதும் எப்போதும்
இவள்மேனி கொள்ளை அழகு
அன்புக்குப் பேர்போன
சம்சாரம் அவளோடு
ஆனந்த மான இரவு
அதுபோல எதிலுண்டு
முழுதான சுகமுண்டு
ஆரோக்ய மான உறவு!'

**முனைவர் ம.ரமேஷ்** · 21/08/2011

"அழுகல் பிணம் தொட்டு
நகரம் அணைக்கின்ற
அறிவற்ற பேதை மனிதர்!
ஐந்தொன்றும் பத்தென்றும்
விலைபேசி வருகின்ற
அன்பென்ன உறவி லினதா?
இழுப்பார்க்கும் அணைப்பார்க்கும்
இரவுக்குப் பெண்டாகும்
இருகாட்டுப் பேய்கள் சுகமா?

**முனைவர் ம.ரமேஷ்** · 21/08/2011

"கண்போட ஒருமேனி
கைபோட ஒருமேனி
என்பாரின் காதல் சுகமோ
கழுதைக்குப் பொட்டிட்டு
மையிட்டு வைத்தாலும்
கனிவான காதல் தருமோ'

**முனைவர் ம.ரமேஷ்** · 21/08/2011

"கலைபோல வாழுமோர்
குலமாதர் கற்பெலாம்
கதையாக மாறிவிடுமே
காக்கைகள் மாடுகள்
கழுதைகள் செய்ததுபோல
காதலும் பேமுறுமே'

**முனைவர் ம.ரமேஷ்** · 21/08/2011

"கற்பாம் மானமாம்
கண்ணகியாம் சீதையாம்
கடைத்தெருவில் விற்குதடா - ஐயோ பாவம்!
காசிருந்தால் வாங்கலாம் - ஐயோ பாவம்!'
(கண்ணதாசன் கவிதை, தொகுதி 6, ப.115)

**முனைவர் ம.ரமேஷ்** · 21/08/2011

போற்றுபவர் போற்றட்டும் புழுதி வாரித்
தூற்றுபவர் தூற்றட்டும்; தொடர்ந்து செல்வேன்
ஏற்றதொரு கருத்தைஎன துள்ளம் என்றால்
எடுத்துரைப்பேன் எவர்வரினும் நில்லேன் அஞ்சேன்

**முனைவர் ம.ரமேஷ்** · 21/08/2011

"இருள் நிறைந்த சூழலில் இருந்துகொண்டே
உன்னதமான உலகைப் பல் கவிஞர்கள்
படைத்து மகிழ்ந்திருக்கிறார்கள் அதற்கெல்லாம்
காரணம் நல்லெதிர்கால நம்பிக்கைதான்'

**முனைவர் ம.ரமேஷ்** · 21/08/2011

"கம்பன் ஷெல்லி விட்மன் ஜிப்ரான்
தம்பியைப் போலத் தலைநிமிர்ந் திருப்போம்
நம்பிக்கை என்னும் நந்தா விளக்கு
உள்ள வரையில் உலகம் நமக்கு

Sponsored content · Sponsored content

கண்ணதாசன் கவிதைகள்

கண்ணதாசன் கவிதைகள்

Re: கண்ணதாசன் கவிதைகள்

Re: கண்ணதாசன் கவிதைகள்

Re: கண்ணதாசன் கவிதைகள்

Re: கண்ணதாசன் கவிதைகள்

Re: கண்ணதாசன் கவிதைகள்

Re: கண்ணதாசன் கவிதைகள்

Re: கண்ணதாசன் கவிதைகள்

Re: கண்ணதாசன் கவிதைகள்

Re: கண்ணதாசன் கவிதைகள்

Re: கண்ணதாசன் கவிதைகள்

Re: கண்ணதாசன் கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக