கவிக்கோ அப்துல் ரகுமான் கவிதைகள்

**முனைவர் ம.ரமேஷ்** · 21/08/2011

First topic message reminder :

நான் ரசித்த கவிக்கோ அப்துல் ரகுமான் கவிதைகளின் தொடர் இது

நன்றி: கவிக்கோ அப்துல் ரகுமான்

அப்துல் ரகுமான், ‘கவிக்கோ’ என்ற பட்டப் பெயரால் அழைக்கப்படும் கவிஞராக வலம் வருகின்றார். பால்வீதி என்ற தமது முதல் கவிதைத் தொகுதியிருந்தே இன்றும் தம்மை ஒரு பரிசோதனைப் படைப்பாளியாக தனித்து இனங்காட்டிக் கொண்டு வருபவர். சிறந்த கவிஞராக மட்டுமல்லாது தமிழ்ப் பேராசிரியராகவும் பணியாற்றி விருப்ப ஓய்வு பெற்றவர். பல பட்டச் சிறப்புகளைப் பெற்ற கவிக்கோ, ‘ஆலாபனை’ என்னும் கவிதைத் தொகுதிக்காகச் சாகித்ய அகாடெமி விருதையும் பெற்றவர் ஆவார்.

இன்றையத் தமிழன்
தன் தாய்மொழியையே கொல்லத்
தயாராகி விட்டான்
‘தமிழைப் பழித்தவனைத்
தாய் தடுத்தாலும் விடேன்’ என்றான்
புரட்சிக் கவிஞன்
நான் சொல்கிறேன்
தாய் மொழியைக் கொல்லத்
தாயே முனைந்தால்,
தமிழா!
தாயைக் கொன்று விட்டுத்
தாய்மொழியைக் காப்பாற்று. (மு.மு., ப.92)

**முனைவர் ம.ரமேஷ்** · 21/08/2011

உன் தளைகளை அகற்றும்
ஆவேசத்தில்
வாழ்க்கைக்கு ஆதாரமான
பந்தங்களையும் அல்லவா வெட்டிவிட்டாய்
உனக்குக் கிடைத்த சுதந்திரம்
இந்த நாட்டுக்குக் கிடைத்த
சுதந்திரம் போலவே ஆகிவிட்டது (சு.வி., ப.80)

**முனைவர் ம.ரமேஷ்** · 21/08/2011

பரிதாபமான பறவையே
முன்பு
சிறகு கத்தரிக்கப்பட்டாய்
இப்போதோ
கூண்டென்று நினைத்துக்
கூட்டையே துறந்துவிட்டாயே (சு.வி., ப.81)

**முனைவர் ம.ரமேஷ்** · 21/08/2011

எல்லாம் மாறிய
வெளி வேகத்தில்
உன் அகராதி அர்த்தங்களும்
வேறாகிவிட்டன.
அதில்
கைப்பிடித்தவனுக்கு உதவுவது
அடிமைத்தனம்
கூலிக்காக
அந்நியனின் ஏவல் செய்வது
சுதந்திரம். (சு.வி., பக்.81-82)

**முனைவர் ம.ரமேஷ்** · 21/08/2011

வீட்டுக் கண்ணாடிகளுக்குப்
பின்னால்
தங்கள் அசல் முகங்களை
ஒளித்து வைத்துவிட்டுப்
போகிறார்கள்
அலுவலுக்குப் போகும்
பெண்கள் (ப.பா., ப.72)

**முனைவர் ம.ரமேஷ்** · 21/08/2011

அலுவலகத் தொலைபேசி
சிணுங்கியவுடன் அள்ளியெடுக்கத்
தயாராய் இருக்கிறாய் நீ
வீட்டிலோ
பாலுக்கு அழும் உன்
குழந்தையின் குரல்
அனாதையாக (சு.வி., ப.82)

**முனைவர் ம.ரமேஷ்** · 21/08/2011

வீட்டுக் கண்ணாடிகளுக்குப்
பின்னால்
தங்கள் அசல் முகங்களை
ஒளித்து வைத்துவிட்டுப்
போகிறார்கள்
அலுவலுக்குப் போகும்
பெண்கள் (ப.பா., ப.72)

**முனைவர் ம.ரமேஷ்** · 21/08/2011

பால் குடிக்கும் வரை
உங்களைத்
தாய் என்போம்;
பிறகு
பேய் என்போம்.
எந்தத் தனம்
எங்களுக்குப்
பாலூட்டியதோ
அந்தத் தனத்தை
மூலதனம் ஆக்கும்
வியாபாரிகள் நாங்கள். (மு.மு., ப.53)

**முனைவர் ம.ரமேஷ்** · 21/08/2011

புதிய ஒப்பனைகளோடு
சந்தையில் நிற்கின்றனர்
பழைய வேசிகள் (ப.பா., ப.64)

**முனைவர் ம.ரமேஷ்** · 21/08/2011

தாய்மைக்காகச் சமைபவளே!
உன் சதையைத் தின்று
பசியாறும் கழுகுகள் நாம்
இலக்கணங்களை உனக்கு வற்புறுத்தினோம்
நாம் வழு அமைதிகளாக இருந்தோம்
நீ உன்னை விற்றால் அது விபச்சாரம்
நாம் எங்களை விற்றால்
அது திருமணம் என்றோம் (ஆலா., ப.9)

**முனைவர் ம.ரமேஷ்** · 21/08/2011

மண்ணுக்குத்தான் நாம்
அரசர்கள் ஆகின்றோம்
கற்புக்கு உங்களைத்தான்
அரசிகள் ஆக்குகிறோம் (மு.மு., ப.57)

Sponsored content · Sponsored content

கவிக்கோ அப்துல் ரகுமான் கவிதைகள்

கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக