வடிவேலு ஜோடியாக பார்வதி ஓமனகுட்டன்

soplangi · soplangi Sat 20 Apr 2013 - 14:20

காமெடி நடிகர் வடிவேலு கடந்த இரண்டு வருடமாக புதுப்படங்களில் நடிக்காமல் இருந்தார். சட்டமன்ற தேர்தல் பிரசாரத்தில் ஈடுபட்டதால் பல இயக்குனர்கள் அவரை புறக்கணிக்கவும் செய்தனர். அத்துடன் வழக்கு சர்ச்சைகளிலும் சிக்கினார். தற்போது அவற்றில் இருந்து மீண்டுள்ளார்.

அவருக்கு பட வாய்ப்புகளும் வரத் துவங்கியுள்ளன. இம்சை அரசன் 23-ம் புலிகேசி படத்தின் 2-ம் பாகத்தில் நடிப்பார் என பேச்சு அடிபட்டது. ஆனால் அதற்கு பதில் தெனாலிராமன் என்ற படத்தில் கதாநாயகனாக நடிக்க முடிவாகியுள்ளது. இப்படத்தை யுவராஜ் இயக்குகிறார். இதில் வடிவேலு இரட்டை வேடத்தில் நடிக்கிறார்.

வடிவேலு ஜோடியாக நடிக்க கதாநாயகி தேர்வு நடந்தது. தற்போது பார்வதி ஓமனகுட்டனை ஒப்பந்தம் செய்துள்ளனர். பார்வதி ஓமனகுட்டன் ‘பில்லா 2’ படத்தில் அஜீத்துடன் நடித்தவர். ஆர்தர்வில்சன் ஒளிப்பதிவு செய்கிறார். தமன் இசையமைக்கிறார். ஏஜி.எஸ்.என்டர் டெய்ன்மென்ட் பட நிறுவனம் தயாரிக்கிறது.

-- மாலைமலர்

soplangi · soplangi Sat 20 Apr 2013 - 14:50

இரண்டு ஆண்டு இடைவேளைக்குப்பிறகு வடிவேலு நடிக்கும் புதிய படம் தெனாலிராமன். இப்படத்தை போட்டாபோட்டி டைரக்டர் யுவராஜ் இயக்குகிறார். ஏஜிஎஸ் எண்டர்டெயின்மென்ட் சார்பில் கல்பாத்தி அகோரம் இப்படத்தை தயாரிக்கிறார். இம்சை அரசன் 23-ம் புலிகேசி போன்று இப்படத்திலும் இரண்டு வேடங்களில் நடிக்கிறார் வடிவேலு. அதனால், தனது உடம்பிலும், முகத்திலும் எந்த முதிர்ச்சியும் தென்படக்கூடாது என்பதற்காக இப்போது டயட்ஸை கடைபிடித்து உடம்பையும் பராமரித்து வருகிறார்.

இந்த படத்தில் வடிவேலுவுக்கு ஜோடியாக ஒரு பிரபல நடிகையைத்தான் நடிக்க வைப்பது என்பதில் உறுதியாக இருந்தார் இயக்குனர் யுவராஜ். அப்படி அவர் பல நடிகைகளிடம் பேச்சுவார்த்தை நடத்தியதில் இப்போது அஜீத்துடன் பில்லா-2 படத்தில் நடித்த பார்வதி ஓமணக்குட்டன் வடிவேலுவுக்கு ஜோடியாக நடிக்க ஒப்புதல் தெரிவித்துள்ளதாக கூறப்படுகிறது. இருந்தும் இன்னும் அதிகாரப்பூர்வமாக சொல்லவில்லை. அதேசமயம் இன்னொரு ஹீரோயினி தேடும் படலமும் தொடங்கியுள்ளது.

- dinamalar