பா.ஜனதா ஆட்சிக்கு வந்தால் வலுவான தீவிரவாத தடுப்பு சட்டம் கொண்டு வரப்படும்

**சிவா** · **சிவா** Thu Apr 18, 2013 6:21 pm

பெங்களூரில் நேற்று பா.ஜனதா அலுவலகம் அருகே நடந்த குண்டுவெடிப்பில் 16 பேர் காயம் அடைந்து மருத்துவமனையில் சேர்க்கப்பட்டுள்ளனர். சட்டசபைத் தேர்தலையொட்டி நடந்த இந்த தாக்குதல் சம்பவம் கர்நாடக மாநிலத்தில் பதட்டத்தை ஏற்படுத்தியுள்ளது.

இந்நிலையில், பா.ஜனதா தலைவர் முக்தார் அப்பாஸ் நக்வி பெங்களூரில் நிருபர்களிடம் கூறியதாவது:-

பெங்களூரில் நடந்த குண்டுவெடிப்பு சம்பவத்தை அரசியலாக்க பாரதீய ஜனதா விரும்பவில்லை. ஆனால் இந்த தீவிரவாத மற்றும் மனிதநேயமற்ற தாக்குதல் பற்றி காங்கிரஸ் தெரிவித்த கருத்து அனைவருக்கும் தெரியும். தீவிரவாதிகள் மற்றும் சமூகவிரோத சக்திகளை ஒடுக்குவதில் மத்திய அரசு மென்மையான போக்கை கையாளுவதால் பெங்களூர் குண்டுவெடிப்பு போன்ற சம்பவங்கள் நடக்கின்றன.

அடுத்த மக்களவைத் தேர்தலில் பாரதீய ஜனதா தலைமையிலான தேசிய ஜனநாயக கூட்டணி வெற்றி பெற்று ஆட்சிக்கு வந்தால், வலுவான தீவிரவாத எதிர்ப்பு சட்டம் கொண்டு வருவதற்கு முதல் முன்னுரிமை அளிக்கப்படும். ஒவ்வொரு தேர்தலிலும் உள்நாட்டு மற்றும் தேசிய பாதுகாப்பு விவகாரங்களுக்கு பா.ஜனதா முன்னுரிமை அளித்து வருகிறது. சட்டசபைத் தேர்தலுக்கான பா.ஜனதாவின் பிரச்சாரம் ஏப்ரல் 21-ம் தேதி தொடங்குகிறது. மூத்த தலைவர்கள் அத்வானி, கட்சி தலைவர் ராஜ்நாத் சிங், சுஷ்மா சுவராஜ், அருண் ஜெட்லி, வெங்கையா நாயுடு மற்றும் ஆனந்த் குமார் ஆகியோர் பிரச்சாரம் செய்ய உள்ளனர்.

குஜராத் முதல்வர் நரேந்திர மோடி, கோவா முதல்வர் மனோகர் பாரிக்கர் ஆகியோரும் பிரச்சாரத்தில் பங்கேற்கின்றனர். கர்நாடக சட்டசபைத் தேர்தலில் பா.ஜனதா மீண்டும் வெற்றி பெறும்.

இவ்வாறு அவர் கூறினார்.

மாலைமலர்

mbalasaravanan · mbalasaravanan Thu Apr 18, 2013 6:41 pm

சரி பாப்போம்

பா.ஜனதா ஆட்சிக்கு வந்தால் வலுவான தீவிரவாத தடுப்பு சட்டம் கொண்டு வரப்படும்

பா.ஜனதா ஆட்சிக்கு வந்தால் வலுவான தீவிரவாத தடுப்பு சட்டம் கொண்டு வரப்படும்

Re: பா.ஜனதா ஆட்சிக்கு வந்தால் வலுவான தீவிரவாத தடுப்பு சட்டம் கொண்டு வரப்படும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக