அன்பை, "நிபந்தனை"யோடு குழந்தைகளுக்குக் கொடுத்தால்

தாமு · தாமு Wed Oct 21, 2009 5:46 am

குழந்தைகளின் உண்மையான வளர்ச்சிக்கு உணவு மட்டுமல்ல, அன்பு, அரவணைப்பு, ஆறுதல் ஊக்கப்படுத்துதல், பாராட்டுதல், ஏற்றுக்கொள்ளுதல். மதிப்புத் தருதல், பாதுகாப்புத் தருதல் போன்ற காரணிகள் மிக மிகத் தேவை.

இவை குழந்தைகளின்பிஞ்சுப் பருவத்தில் கொடுக்கப்படாத்போது, அவர்களின் வளர்ச்சி மிகவும் பாதிக்கப்படுகிறது என்பதை உளவியல் வல்லுநர்கள் பல ஆராய்ச்சிகளின் மூலம் தெளிவாக்கியுள்ளனர்.

குழந்தைகள் தங்கள இரண்டு வயதுக்குள் பெறும் அறிவே அவர்களுக்கு வாழ்வின் ஆணிவேராக அமைகின்றன. பெற்றோர்களின் அன்பு, முத்தம், அரவணைப்பு, தாலாட்டு, இன்முகம் காட்டல் எல்லாம் குழந்தையின் வளமான வாழ்வுக்குக் கொடுக்கப்படும் சத்துணவு. ஆனால், பெற்றோர்களின் கோபம், வெறுப்பு, கடுமை, கண்டுகொள்ளாமை, பாராட்டாமை இவைகள் எல்லாம் அவர்களின் வளார்ச்சியைக் கொல்லும் நஞ்சு என்றே கூறலாம்.

மனித உள்ளம் இயங்கிக்கொண்டே இருக்கும் ஒரு டேப் ரிக்கார்டர். எக்காலத்திலோ பதிந்த குரல்கள் அதில் கேட்கும். அதில் கடந்த காலம் நிகழ்காலமாகி, நினைவுகள் நிகழ்ச்சியாகின்றன. பேசாப் பருவத்தில் பதிவான இவ்வுணர்ச்சிகள், பேசும் பருவத்தில் உறுதியடைகின்றன.

குழந்தைகளைக் கொஞ்சும்போது நாம் கூறும் அன்பு வார்த்தைகள் குழந்தைகளின் உள்ளத்தில் பதிந்து அவர்களுக்கு பாதுகாப்பை உணர்த்துகின்றன.

அன்போடு சொல்லும் அறிவுரைகள் அவர்கள் உள்ளத்தில் ஆழப்பதிந்து அவர்களை இயக்குகின்றன. கல்வி பற்றிய முக்கியத்துவத்தை அறிவுறுத்தும்போதும்கூட. இத பாரும்மா செல்லம்.......நீ இப்பவே நல்லாப் படிச்சீன்னாதான், நம்ம பூங்குழலி ஆன்ட்டி மாதிரி பெரிய டாக்டரா ஆகலாம்! சாந்தி ஆன்ட்டி மாதிரி வெளிநாட்டுல பெரிய கம்பெனில வேலைக்குப் போலாம்!" ...இப்படி!

அதேபோல் எதிர்மறையான செய்திகளை குழந்தையின் மனத்தில் விதைத்துவிடாதீர்கள். இப்பவே படிக்காம எல்லா பாடத்திலேயும் கொறச்சல்லா மார்க் வாங்கினேன்னா அவ்வளவுதான்! சரியா படிக்காம், ஒவ்வொரு வருஷமும் பெயிலாகி, எல்ல பிள்ளைகளும் உன்னை கேலி பண்ணும்!".....இப்படி!

ஆனால் அதே அன்பை, "நிபந்தனை"யோடு குழந்தைகளுக்குக் கொடுத்தால், அது அவர்களிடத்தில் பல்வேறு உணர்ச்சிகளை உருவாக்கிவிடும்.

எடுத்துக்காட்டாக

, "நீ நான் சொல்றதக் கேட்டீன்னாத்தான் உனக்கு சாக்லெட், ஐஸ்க்ரீம் எல்லாம் வாங்கித்தருவேன்! அண்ணன் மாதிரி நீ நல்லாப் படிச்சாத்தான் உனக்கு ந்ல்ல ட்ரஸ் எல்லாம் வாங்கித்தருவேன்!" என்று நிபந்தனைக்ளோடு அன்பு காட்டும்போது, பிறரது விருப்பத்தை நிறை வேற்றுவதிலோ, நிறைவேற்றாமல் இருப்பதிலோதான் தன் வாழ்வின் வெற்றி அடங்கியுள்ளதாக நினைத்துக்கொண்டுவிடுகிறது. தன்னைவிட, தன் திறமைகள்தான் பெற்றோரால் மதிக்கப்படுகின்றன என்று குழந்தை உணர்வதால், அது தன்னையே வெறுக்கத்துவங்கிவிடும்.தன்னை வெறுப்பது' என்பது ஒரு கொடிய நோய்.

அது சிறு வயதிலேயே குழந்தைகளின் உள்ளத்தைப் பாதித்து, அதன் எதிர்காலத்தை கெடுத்துவிடும்.

ஆகவேதான் பெற்றோர்கள் குழந்தைகள்மீது நிபந்தனையோடு அன்பு செலுத்துவதை, "தாய்ப்பாலை விலைக்கு விற்பதற்குச் சமம்." என்று ஒரு உளவியல் நிபுணர் தெரிவிக்கிறார்.

குழந்தையின் உடலை மட்டும் பெற்றெடுப்பவள் அல்ல தாய் அதன் புகழையும் பெற்றெடுப்பவள் என்று கூறியுள்ளார் ஒரு அறிஞர். குழந்தையின் மேம்பாட்டிற்கு தாயின் எண்னமும் காரணமாக அமைகிறது.

எந்த எண்ணத்துடன் தன்னுடைய பாலை குழந்தைகு ஊட்டுகிறாளோ அந்த எண்ணம்தான் குழந்தைக்கு உருவாகும். இதைத்தான் "தாயைப்போல் பிள்ளை, நூலைப்போல் சேலை" என்னும் பழமொழியும் தெரிவிக்கிறது

நன்றி

தமிழ்குடும்பம்

நிஷா

kirupairajah · kirupairajah Wed Oct 21, 2009 9:27 am

தாமு wrote:குழந்தைகளின் உண்மையான வளர்ச்சிக்கு உணவு மட்டுமல்ல, அன்பு, அரவணைப்பு, ஆறுதல் ஊக்கப்படுத்துதல், பாராட்டுதல், ஏற்றுக்கொள்ளுதல். மதிப்புத் தருதல், பாதுகாப்புத் தருதல் போன்ற காரணிகள் மிக மிகத் தேவை.