அவளும் நானும்

மீனு · மீனு Tue Oct 20, 2009 11:25 pm

விம்மிய முகத்துடன் நான்
அருகில் விசும்பற் குரலுடன் அவள்
அன்று
ஆண்டு ஒன்றின் முதன்நாள்
ஆண், பெண் என்பதே
அறியாத அந்நாள்

ஆங்கிலம் கற்கத்தொடங்கிய
ஆண்டு மூன்று
அருகிலே அவள் இல்லை
அவன்
அருகிருக்கவும் தோன்றவில்லை
வித்தியாசம் என ஏதோ புரிந்தது

ஆண்டு ஐந்துப் பரீட்சை
அவளைவிட அதிக மார்க்
எடுத்தாக வேண்டும்
ஏதோ ஒரு வைராக்கியம்
அதுவும் முடிந்தது

அடுத்த பாடசாலை
அவளுக்கு வேறு
எனக்கு வேறு
டியூசன் வகுப்பிலும்
தெளிவான இரண்டுபக்கம்
வித்தியாசம் நிச்சயிக்கப்படுகிறது

திடீரென ஓர்நாள்
அவள் இல்லை - பின்
வந்தாள் வாரம் இரண்டு
ஏதோ வித்தியாசம்
எனக்குப் புரிந்தது
எனக்குள்ளும் புரிந்தது

அவள்
தற்செயலாய்த் திரும்பினாலே
தறிகெட்டுத் துள்ளியது மனது
ஆம், என்னைத்தான் பார்க்கிறாள்
நானும் அவளையே

எல்லோரும் என்னையே
பார்ப்பதாய் உணர்கிறேன்
ஆடைகள் விசயத்திலும் நான்
அவ்வளவு கவனம்
தனியாக ஒரு நண்பர் கூட்டம்
என்னைச் சுற்றி
அவளுக்கும் தான்

அவள் என்னைவிட வேகமாக
சைக்கிள் விடுகின்றாள்
அவளுக்குப் பின்னாலே நான்
அடுத்தடுத்த பரீட்சையிலும்

அடுத்துப் பல்கலைக்கழகம்
மீண்டும் அவளோடு நான்
அருகிலேயே
தெளிவாகத் தெரிகின்ன
எதிர்காலக் கேள்விக்குறி
ஆனால்
இப்போது நான்
அதே ஆண்டு ஒன்று!

mdkhan · mdkhan Wed Oct 21, 2009 12:13 am

அவள்
தற்செயலாய்த் திரும்பினாலே
தறிகெட்டுத் துள்ளியது மனது
ஆம், என்னைத்தான் பார்க்கிறாள்
நானும் அவளையே

அவள் தற்செயலாய்த் திரும்பி யாரை பார்த்தாலும்
தன்னைத்தான் பார்க்கிறாள் என்று சொல்லும்
தறிகெட்ட மனது......... அவளும் நானும் 733974

kirupairajah · kirupairajah Wed Oct 21, 2009 1:10 am

அவள்
தற்செயலாய்த் திரும்பினாலே
தறிகெட்டுத் துள்ளியது மனது
ஆம், என்னைத்தான் பார்க்கிறாள்
நானும் அவளையே

எல்லோரும் என்னையே
பார்ப்பதாய் உணர்கிறேன்
ஆடைகள் விசயத்திலும் நான்
அவ்வளவு கவனம்
தனியாக ஒரு நண்பர் கூட்டம்
என்னைச் சுற்றி
அவளுக்கும் தான்

இதுதான் எதிர்பார்ப்பு என்று சொல்வார்களோ
பதிவிற்கு நன்றி மீனு!

Sponsored content · Sponsored content

அவளும் நானும்

அவளும் நானும்

Re: அவளும் நானும்

Re: அவளும் நானும்

Re: அவளும் நானும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக