தமிழகம் முழுதும் மலிவு விலை 'அம்மா கேண்டீன்கள்'

**சிவா** · **சிவா** Tue Apr 02, 2013 3:58 pm

First topic message reminder :

சென்னை: சென்னையைப் போல் மற்ற மாநகராட்சிகளிலும் மலிவு விலை உணவகங்கள் தொடங்கப்படும் என முதல்வர் ஜெயலலிதா அறிவித்துள்ளார்.

சட்டப்பேரவையில் இன்று விலைவாசி உயர்வு பற்றிய கவன ஈர்ப்பு தீர்மானம் கொண்டுவரப்பட்டது. அதற்கு பதிலளித்து பேசிய முதல்வர் கூறியதாவது:

விலைவாசி உயர்வுக்கு மத்திய அரசின் தவறான கொள்கை தான் காரணம். தமிழக அரசும் விலைவாசி உயர்வை கட்டுப்படுத்த பல்வேறு நடவடிக்கை எடுத்து வருகிறது.

இதில் சென்னை மாநகாரட்சியைப்போல் மற்ற மாநகராட்சிகளிலும் மலிவு விலை உணவகங்கள் திறக்க நடவடிக்கை எடுக்கப்படும்.

மலிவு விலையில் காய்கறிகளை விற்பனை செய்ய, பண்ணை பசுமை நுகர்வோர் கடை திறக்க நடவடிக்கை எடுக்கப்படும்.

விலைவாசியை கட்டுப்படுத்துவதற்கான நிதி ரூபாய் 50 கோடியிலிருந்து ரூபாய் 100 கோடியாக்கப்படும் என தெரிவித்தார்.

ஒரு கிலோ, ரூபாய் 20 என்ற விலையில் 1 லட்சம் மெட்ரிக் டன் அரிசியை விற்க நடவடிக்கை எடுக்கப்படும் எனவும் தெரிவித்துள்ளார்.

127 மலிவு விலை உணவகங்கள்

முன்னதாக இன்று 127 மலிவு விலை உணவகங்களை முதல்வர் ‌‌ஜெயலலிதா வீடியோ கான்பரன்சிங் மூலம் திறந்து வைத்தார்.

சென்னை மாநகராட்சிக்குட்பட்ட வார்டுகளில் திறக்கப்பட்டுள்ள மலிவு விலை உணவகங்களில் ஒரு ரூபாய்க்கு இட்லி, 5 ரூபாய்க்கு சாம்பார் சாதம், 3 ரூபாய்க்கு தயிர் சாதமும் விற்கப்படுகிறது. இத்திட்டத்திற்கு பல தரப்பிலும் ஆதரவு கிடைத்துள்ளது. இதையடுத்து சென்னையில் மாநகராட்சி முழுவதும் மலிவு விலை உணவகங்கள் திறக்கப்பட்டுள்ளன என்பது குறிப்பிடத்தக்கது.

தட்ஸ்தமிழ்

ராஜு சரவணன் · ராஜு சரவணன் Wed Apr 03, 2013 9:26 am

அப்படி என்றால் இளமாறன் மதுவுக்கு மக்கள் மட்டும் அடிமையாகவில்லை அரசும் தான் சரியா?

kalimuthu1 · kalimuthu1 Wed Apr 03, 2013 3:04 pm

உணவகம் திறந்திருப்பது நல்ல விஷயம்தான் அனால் அதற்க்கு அம்மா என்று பெயர் வைத்து இருக்கிறார்களே இவர்கள் சொந்த பணத்தில் கொடுத்து வைத்து இருகிறார்களோ என்னவோ

Sponsored content · Sponsored content

தமிழகம் முழுதும் மலிவு விலை 'அம்மா கேண்டீன்கள்'

தமிழகம் முழுதும் மலிவு விலை 'அம்மா கேண்டீன்கள்'

Re: தமிழகம் முழுதும் மலிவு விலை 'அம்மா கேண்டீன்கள்'

Re: தமிழகம் முழுதும் மலிவு விலை 'அம்மா கேண்டீன்கள்'

Re: தமிழகம் முழுதும் மலிவு விலை 'அம்மா கேண்டீன்கள்'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக