இது ஸ்ருதி மாறாத இசை !

**அகல்** · **அகல்** Mon 1 Apr 2013 - 11:57

குஞ்சுகளோடு கொஞ்சிக் பேச
கூடு திரும்பம் பறவைகள்

காற்றின் திசையில் பயணம் செய்யும்
முகவரி இழந்த இலவம் பஞ்சு

அதைக் கட்டிப்போட எட்டிப்பிடிக்கும்
கரையோர மக்கள்

கண்களால் மொழிபெயர்ப்பாகும்
காதல் மொழி
அதைச் சிதைத்து விட்டுப்போகும்
சுண்டல் விற்கும் சிறுவனின் கீச்சுக்குரல்

பிஞ்சுக் குழந்தையோடு
கொஞ்சி விளையாடும் குடும்பம்

படகின் மறைவில்
இதழ்மொழி பேசும் இளசுகள்

அரைகுறை ஆடை, கவ்பாய் தொப்பி,
கறுப்புக் கண்ணாடி, கையில் கேமராவுடன்
கைகோர்த்துச் செல்லும் வெளிநாட்டுக் கூட்டம்

விளையாட்டை நிறுத்திவிட்டு - அதை
வெறித்துப் பார்க்கும் உள்ளூர்க் கூட்டம்

இரவின் மறைவில்
எல்லைமீறத் தயாராகும்
மணிக்கணக்கு மனைவிகள்

ஒரு ருபாய் தந்த வழிப்போக்கனை
உள்ளூரத் திட்டும் பிச்சைகாரன்

உலகை இரண்டாய்ப் பார்க்கும்
டாஸ்மாக் தீவிர-வாதி

உப்புநீரில் கால்ப்பதிக்கும்
இளம்-பெண் பாதங்கள்

கட்டிப்பிடித்து உருளும்
கலகலப்பு இளைஞர்கள்

இயர் போனில் இளையராஜா பாடல்
வெள்ளை உடையில்
வாக்கிங் போகும் மக்கள்

பெற்றோர் கட்டிய மணல் வீட்டை
ஓடி மிதித்து உடைத்துவிட்டு
சிரிப்பைச் சிந்தும் மழலைச் சிறுமி

சிந்திய சிரிப்பை
இந்தனையில் சேகரித்துக்கொண்டு
அடுத்த அடிவைக்கும்
தனிமை விரும்பி

அரைமணிப் பார்வையில் துளிர்விட்டு
வளரும் அசாத்தியக் காதல்

எலெக்ட்ரானிக் ஹெலிகாப்டரை இயக்கும்
பணக்காரப் பையன்
அதை ஏக்கத்துடன் பார்க்கும்
ஏழைச் சிறுவன்

சாவரிக்கு ஆள் தேடும்
தாடிவைத்த குதிரைக்காரன்
தன் தாகத்தைச் சொல்ல முடியாது
தவிக்கும் வெள்ளைக் குதிரை

மணலில் சண்டையிட்டுக் கொள்ளும்
குப்பத்துத் சிறுவர்கள்
வானில் சண்டையிட்டுக் கொள்ளும்
பச்சை மஞ்சள் பட்டங்கள்

சிவப்புக் கொடியுடன்
நடுக்கடலில் புகைகக்கும்
வெளிநாட்டுக் கப்பல்

குஞ்சு மீனும் கிடைக்காமல்
கரை திரும்பும் கடைசிப் படகு

ஊரை எரித்துவிட்டு
உறங்கப் போகும் சூரியன்

ஆங்காங்கே கண்சிமிட்டும்
அழகிய விண்மீன்கள்

என்று எதையுமே கண்டு கொள்ளாமல்...

ஸ்ருதி மாறாத இசையை
இசைத்துக் கொண்டிருகிறது...

கரையோடு முத்தமிடும்
கடலலை !

Original Source: http://kakkaisirakinile.blogspot.in/2013/03/blog-post_8437.html

அன்புடன்,
அகல்

mbalasaravanan · mbalasaravanan Mon 1 Apr 2013 - 12:00

ஸ்ருதி மாறாத இசையை
இசைத்துக் கொண்டிருகிறது...

கரையோடு முத்தமிடும்
கடலலை !

அருமையான வரிகள்

யினியவன் · யினியவன் Mon 1 Apr 2013 - 12:01

ஸ்ருதி மாறாத இசையின் அழகு நன்று அகல்.

அந்த ஸ்ருதியோட அப்பா எதுக்கு உங்கள தேடிட்டு இருக்காரு?

**அகல்** · **அகல்** Mon 1 Apr 2013 - 12:10

mbalasaravanan wrote:
ஸ்ருதி மாறாத இசையை
இசைத்துக் கொண்டிருகிறது...

கரையோடு முத்தமிடும்
கடலலை !
நன்றிகள் பாலா ,,,

அருமையான வரிகள்

**அகல்** · **அகல்** Mon 1 Apr 2013 - 12:11

யினியவன் wrote:ஸ்ருதி மாறாத இசையின் அழகு நன்று அகல்.

அந்த ஸ்ருதியோட அப்பா எதுக்கு உங்கள தேடிட்டு இருக்காரு?

ஸ்ருதினால அவ அப்பாவுக்கும் நமக்கு ஒரு சின்ன தகராறு அதன் தேடுறாருன்னு நெனைக்கிறேன் அண்ணே புன்னகை

...

Sponsored content · Sponsored content

இது ஸ்ருதி மாறாத இசை !

இது ஸ்ருதி மாறாத இசை !

Re: இது ஸ்ருதி மாறாத இசை !

Re: இது ஸ்ருதி மாறாத இசை !

Re: இது ஸ்ருதி மாறாத இசை !

Re: இது ஸ்ருதி மாறாத இசை !

Re: இது ஸ்ருதி மாறாத இசை !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக