ஹீல்ஸ் ஒரு படி மேலே...

**Powenraj** · **Powenraj** Sat Mar 30, 2013 9:04 am

http://media.dinamani.com/article1504202.ece/ALTERNATES/w460/kon5.jpg
ஹை ஹீல்ஸ் (குதி உயர்ந்த காலணிகள்) அணிவது இன்றைய இளம் பெண்கள் பலரிடம் பிரிக்க முடியாத அம்சமாக உள்ளது. முதுகு வலி தொடங்கி கணுக்கால் வலி வரை பல்வேறு உடல் பிரச்னைகள் வர வாய்ப்புள்ளது என்று டாக்டர்கள் எச்சரித்தும், ஹைஹீல்ஸ் அணியும் பெண்களின் எண்ணிக்கை குறையவில்லை. உயரமாகக் காட்டுவது என்பதற்காக மட்டுமல்லாது, நாகரிகத்தின் அடையாளமாகவும் இது மாறிவிட்டது. அணிவதில் சில அசௌகர்யங்கள் இருந்தாலும், அதனை விரும்பாத இளம் பெண்கள் இல்லை.
-
ஹை ஹீல்ஸ் (3.5 அங்குலத்துக்கு மேல்), மிட் ஹீல்ஸ் (2.5 முதல் 3-5 அங்குலம் வரை) , லோ ஹீல்ஸ் (2.5 அங்குலத்துக்கு உள்ளே) என ஹீல்ஸ் மூன்று வகையாகப் பிரிக்கப்பட்டுள்ளது. கோன்,கிட்டன், ஃபிரிசம், பப்பி, ஸ்போல், ஸ்டெலடோ, வெட்ஜ் என பல்வேறு மாடல்களிலும் ஹீல்ஸ் காலணிகள் உண்டு.
ஆனால் ஹை ஹீல்ஸ் காலணிகள் என்பது முதலில் ஆண்களுக்காக உருவாக்கப்பட்டது என்பது ஆச்சரியமளிக்கும் உண்மை. மத்திய கிழக்குப் பகுதியான பெரிஷியாவில் (இன்றைய இரான்) 9-ம் நூற்றாண்டில் முதல்முறையாக ஹை ஹீல்ஸ் காலணிகள் ஆண்களுக்காக வடிவமைக்கப்பட்டன.
-
அன்றைய காலகட்டத்தில் குதிரைகளின் பயன்பாடு அதிகம் இருந்தது. குதிரையில் செல்லும் போது கால்களுக்கு சரியான பிடிமானம் இல்லாதது போர் புரியும்போது வீரர்களுக்குப் பெரும் பிரச்னையாக உருவெடுத்தது. இதனால் வீரர்கள் பலர் குதிரையில் இருந்து கீழே விழுந்து காயமடைந்தனர். இந்தப் பிரச்னையைத் தீர்க்க காலணியின்
பின்பகுதி சற்று நீட்டி வடிவமைக்கப்பட்டது. இதனால் குதிரையில் செல்லும்போது ஏற்பட்ட பிரச்னை தீர்ந்தது.இதுவே ஹீல்ஸ் காலணி தோன்றியவரலாறு.
பின்னர் ஹைஹீல்ஸ் ஐரோப்பியநாடுகளுக்கும் பரவியது. பின்னர் ஐரோப்பியர்கள் சென்ற இடங்களிலெல்லாம் ஹைஹீல்ஸ் நடைபோட்டது.
-
முதலில் குதிரைகளில் செல்லும்போது மட்டும் பயன்பட்ட இந்தக் காலணிகள், காலப்போக்கில் ஆண்களால் பெரிதும் அணியப்படும் ஒருவகை காலணியாக மாறியது. ஒரு கட்டத்தில் உயர் வகுப்பு ஆண்களின் அடையாளமாகவும் ஹைஹீல்ஸ் மாறியது.
பிரான்ஸ் மன்னராக இருந்த 14-ம் லூயி எப்போதும் ஹீல்ஸýம் காலுமாகத்தான் காட்சியளித்தார். அனைவருமே ஹீல்ஸ் அணிவதால் தன்னைப் போன்ற உயர் பிரிவினரை எவ்வாறு வேறுபடுத்துவது என்று யோசித்த அவர், தனது அரசவையில் உள்ளவர்கள் மட்டுமே சிவப்பு நிற ஹீல்ஸ்களை அணிய வேண்டும் என்று உத்தரவு பிறப்பித்தார்.
பிரிட்டன் உள்ளிட்ட ஐரோப்பிய நாடுகளின் அரச குடும்பத்தினரும், செல்வந்தர்களும் ஹீல்ஸ் அணிவதை அந்தஸ்தின் வெளிப்பாடாகவே கருதினார்கள். இதனை உணர்த்தும் வகையிலேயே ஆங்கிலத்தில் "வெல் - ஹீல்ட்' என்ற வார்த்தைக்கு அதிகாரமும், செல்வச் செழிப்பும் மிகுந்தவர்கள் என்ற அர்த்தம் தரப்பட்டது.
-
1630-ம் ஆண்டுகளில் ஐரோப்பாவில் ஆண்களைப் போலவே பெண்களும் உடையணிவது,புகைப் பிடிப்பது, தொப்பி அணிவது ஆகியவை புதிய நாகரிகமாக உருவெடுத்தது. அப்போது முதல்முறையாக ஆண்களின் கால்களில் இருந்து பெண்களின் கால்களுக்கு ஹீல்ஸ் மாறியது.
பின்னர் குதிரைகளின் பயன்பாடு மெல்ல குறையத் தொடங்கியதும், ஆண்கள் ஹீல்ஸ் அணிவதைக் குறைத்துக் கொண்டனர். ஆனால்பெண்கள் மத்தியில் ஹீல்ஸ் மோகம் அதிகரிக்கத் தொடங்கியது. "கெü பாய் பூட்',"பிளாட்பார்ம் ஷு' உள்ளிட்ட சில வகை ஆண்கள் காலணிகளில் மட்டுமே ஹீல்ஸ் உள்ளது. ஆனால் பெண்கள் காலணிகளில் ஹீல்ஸ் என்பது பிரிக்க முடியாத அம்சமாக ஒட்டிக் கொண்டது.
இந்தியாவில் செருப்பு என்பது வாசலிலேயே விட்டுச் செல்லும் மதிப்பு குறைந்த பொருளாகவே நீண்டகாலமாக இருந்தது. ஆனால் இப்போது நாகரிக மாற்றத்தால் அதன் முக்கியத்துவம் அதிகரித்துள்ளது. குறிப்பாககல்லூரி மாணவிகள், வேலைக்குச் செல்லும் பெண்கள் மத்தியில் ஹீல்ஸ் அதிக முக்கியத்துவம் பெற்றுள்ளது. அணிந்து கொள்ளும் உடைக்கு ஏற்பவும்,பங்கேற்கச் செல்லும் நிகழ்ச்சிக்கு ஏற்பவும் ஹீல்ஸ் அணிவது என்பதை பெரும்பாலான பெண்கள் கடைப்பிடிக்கத் தொடங்கிவிட்டனர். இதற்காகவேஏராளமான காலணிகளை வாங்குவது என்பதும் வழக்கமாகிவிட்டது. நாகரிகம்என்று மட்டுல்லாது ஹீல்ஸ் அணிவதால் தாங்கள் உயரமாகத் தோன்றுகிறோம், இதனால் எங்கள் தன்னம்பிக்கை அதிகரிக்கிறது என்றும் இதனை அணியும் பெண்களின் அதிகம் பேர் கூறுகின்றனர்.
-
அடுத்த 2 ஆண்டுகளில் இந்தியாவின் காலணி சந்தையில் மட்டும் ரூ.38,500 கோடி புழங்கும். இவற்றில் 30 சதவீதம் இளம் பெண்கள் அணியும் ஹீல்ஸ் காலணிகளை மையமாகக் கொண்டிருக்கும் என மதிப்பிடப்பட்டுள்ளது.
-
தினமணி

**முத்துராஜ்** · 24/12/2011

பெண்கள் அணியும் ஹீல்ஸ் காலணிகளால் முதுகுவலி ஏற்படும் என மருத்துவ நிபுணர்களால் தெரிவிக்கபட்டுள்ளது பெண்கள் இதை தவிர்ப்பது நல்லது .

**Muthumohamed** · **Muthumohamed** Sun Mar 31, 2013 2:00 am

சில பெண்களுக்கு தெரிந்தே இதை பயன்படுத்துகிறார்கள் என்ன செய்வது அநியாயம்

balakarthik · balakarthik Sun Mar 31, 2013 2:15 am

ஏம்பா பெண்கள் அவுங்க சொந்த காலில் உயர்ந்து நிக்கிறது உங்களுக்கெல்லாம் புடிக்கலையா சும்மா குறை கூறிக்கிட்டு ச்சே வாட் எ பிட்டி வாட் எ பிட்டி சிரி

**Muthumohamed** · **Muthumohamed** Sun Mar 31, 2013 2:22 am

balakarthik wrote:ஏம்பா பெண்கள் அவுங்க சொந்த காலில் உயர்ந்து நிக்கிறது உங்களுக்கெல்லாம் புடிக்கலையா சும்மா குறை கூறிக்கிட்டு ச்சே வாட் எ பிட்டி வாட் எ பிட்டி

இப்போது உயர்ந்து நின்று விட்டு பிறகு படுத்தே கிடக்க வேண்டி வரும் அண்ணா

யினியவன் · யினியவன் Sun Mar 31, 2013 2:22 am

உள்ளங்காலை குத்தி உடல் நலத்தை கெடுக்கும்ன்னு
உள்குத்து குத்தி அவங்க உள்ளத்தை குத்திட்டாங்களே!!!

balakarthik · balakarthik Sun Mar 31, 2013 2:36 am

யினியவன் wrote:உள்ளங்காலை குத்தி உடல் நலத்தை கெடுக்கும்ன்னு
உள்குத்து குத்தி அவங்க உள்ளத்தை குத்திட்டாங்களே!!!

சரி சரி ஏதோ தப்பா சொல்லிட்டாங்க அவுங்களை குத்தி காட்டாதிங்க பாஸ் பொழைச்சு போகட்டும்

**Muthumohamed** · **Muthumohamed** Sun Mar 31, 2013 2:39 am

யினியவன் wrote:உள்ளங்காலை குத்தி உடல் நலத்தை கெடுக்கும்ன்னு
உள்குத்து குத்தி அவங்க உள்ளத்தை குத்திட்டாங்களே!!!

உள்ளங்களை குத்தவில்லை அவர்களின் உடல்நலன் பேண வேண்டும் என்பதே எனது கருத்து

யினியவன் · யினியவன் Sun Mar 31, 2013 2:41 am

Muthumohamed wrote:உள்ளங்களை குத்தவில்லை அவர்களின் உடல்நலன் பேண வேண்டும் என்பதே எனது கருத்து

அட தெரியுது முகம்மத் - நானும் அதையே தான் கிண்டலா சொன்னேன்

**Muthumohamed** · **Muthumohamed** Sun Mar 31, 2013 2:45 am

யினியவன் wrote:
Muthumohamed wrote:உள்ளங்களை குத்தவில்லை அவர்களின் உடல்நலன் பேண வேண்டும் என்பதே எனது கருத்து
அட தெரியுது முகம்மத் - நானும் அதையே தான் கிண்டலா சொன்னேன்