தீர்ப்புகள் திருத்தப்படவே !

பூர்ணகுரு · பூர்ணகுரு Sat 30 Mar 2013 - 1:10

அம்மா !

ஆசை ஆசையாய்

என்னை பெற்றேடுத்தாயே

அதற்காக உன்னை வாட்டி வதைத்தாயே

நான் வளர வளர உன் ஆயுள் குறைந்ததே

வளர்ந்த பின்னே உன்னை நான் சுமக்க

நீ பட்ட துன்பங்கள் நீக்க முடியாது

நீ விட்ட இன்பங்கள் என்னால் கொடுக்க முடியாது

என் எண்ணினாயோ என்னை ஏங்க விட்டாயோ

அதற்குள் பாரம் என்று நினைத்து

மாற்றான் கையில் என்னை சேர்த்தாயோ ...?

அப்பா !

அன்புக்கு அன்பாய்

என்னை சுமந்தீரே

அதற்காக துன்ப வியர்வை விட்டீரே

என்னை வளர்த்து ஆளாக்கத் துடித்து

என் வளர்ச்சியில் ஆனந்தக் கண்ணீர் விட்டு

அதில் எனக்கு மஞ்சள் நீராட்டு செய்தீரே

நான் பூப்படைந்தும் குழந்தையாய் பாவித்து

எனக்கு நல்லது கேட்டது சொல்லித் தந்த நீங்கள்

இன்று தள்ளி நின்று அழுது புலம்புவது சரிதானா

என்னை மருமகளாய் தத்து கொடுப்பது முறைதானா ...?

ஏ(ன்) சமூகமே மாற்றுங்கள் உங்கள் சட்டத்தை

ஏ(ன்) சமுதாயமே கூர்தீட்டுங்கள் உங்கள் சம்பிரதாயத்தை

ஏ(ன்) சீர்திருத்தவாதிகளே சீராக்குங்கள் உங்கள் பழமைகளை

இரவும் பகலும் மாறி மாறி வருகையில்

பெண்கள் தனியே மறுவீட்டினில் மட்டுமா

ஆண்களின் கடமை தன் வரையில்

பெண்களின் கடமை மாற்றான் வரவிலா ...?

என்ன வரைமுறை இது ...? எதற்கிந்த வரையறை ..?

நாடாறு மாதம் காடாறு மாதம் என

சக்கரவர்த்திகள் வாழ்ந்த மண்ணிது

ராமனின் வனவாசமும் பதினான்கு வருடம் மட்டுமே

எங்களின் மனவாசம் மட்டும் காலம் முழுவதிலுமா ...?

தீர்ப்புகள் திருத்தப்படவே !