போதி மரம் நட்டிடுவோம்

**நாகசுந்தரம்** · 27/12/2011

அடிமைத்தளை வீழ அன்றுபல வீரர் அவதரித்தார்
ஓடிவிரட்டிடவே உண்ணா நோன்பிருந்தார்
பாடிபலபுலவர் பரங்கியரை போக்கடித்தார்
ஒடியும் விட்டதிங்கு பலகாலம் பாரினிலே
நாடிநல்லசெயல் நாட்டிலே நடக்கவேண்டும்
கூடிவாழ்ந்து நாமும் குற்றம் களையவேண்டும்
ஆனால்
தேடித்தான் பிடிக்கவேண்டும் தூயமனதினையே
அன்று
மூன்றாம் வகுப்பினிலே காந்திமகான் பயணித்தார்
என்றும் எளியவராய் ஏற்றம்பெற வாழ்ந்திட்டார்
உப்பெடுத்து நிற்கையிலே நடுங்கிநின்றதவ்வரசு
இன்றோ
வகுப்புக்கள் மாறவில்லை தாழ்வுணர்ச்சி தீரவில்லை
உப்பைகையெடுத்து ஊழியில் கரைப்பதுபோல்
எப்பயனும் இல்லாமல் சுயநலமே கொள்கையென
தப்பான மனிதர்களாய் மண்ணில் இருக்கின்றார்
அன்று
போதி மரத்தடியில் புத்தனவன் அறிவுபெற்றான்
இன்றோ
புத்தமதம் பேணுவதாய் பாரில் சொல்லுகின்றார்
புத்தனவன் போதித்த அன்புணர்வு
சுத்தமாய் அழித்துவிட்டார்
கத்தகத்த அழிக்கின்றார் காட்டுத்தனமாக
மன்னராட்சி முடிந்திங்கே பலகாலம் கடந்தபின்பும்
சோழர் காலம் முதல் ஈழப்பகை மாறவில்லை
உலகநாடுகளில் உட்பகைகள் தீரவில்லை
இறைவனிடம் வேண்டுகின்றேன்
இன்று
பலவகுப்பு இல்லாமல்
ஒருவகுப்பு வண்டிவேண்டும்
தென்னைவாழை நடவேண்டாம்
பார்க்கும் இடமெல்லாம்
போதி மரம் நட்டிடுவோம்
ஆதிசிவன் அவர்களுக்கு
போதிக்கட்டும் அன்புணர்வு

mbalasaravanan · mbalasaravanan Sat 23 Mar 2013 - 12:58

யினியவன் · யினியவன் Sat 23 Mar 2013 - 13:08

கவிதை சூப்பருங்க.

போதி மர நிழலில் இளைப்பாறி
புத்தனவன் பெயர் சொல்லி நம்மவரை
கருவறுக்கும் காவாலிகளை வேரறுத்துவிட்டு
பார்க்கும் இடமெல்லாம் போதி மரம் நட்டிடுவோம் நாகசுந்தரம்

**ஹிஷாலீ** · **ஹிஷாலீ** Sat 23 Mar 2013 - 14:04

Sponsored content · Sponsored content

போதி மரம் நட்டிடுவோம்

போதி மரம் நட்டிடுவோம்

Re: போதி மரம் நட்டிடுவோம்

Re: போதி மரம் நட்டிடுவோம்

Re: போதி மரம் நட்டிடுவோம்

Re: போதி மரம் நட்டிடுவோம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக