கடலம்மா கடலம்மா !

அ.இராஜ்திலக் · அ.இராஜ்திலக் Fri Mar 22, 2013 5:24 pm

கடலம்மா கடலம்மா !
தமிழன் என் நிலை தெரியுமா ?
உன் போலே நானம்மா
உப்பாய் தான் மாறினேன்மா?
இடிமின்னல் பார்த்துண்டு
எதிர்த்த புயல் வென்றதுண்டு
திமிங்கலங்கள் விரட்டும்போதும்
தீதின்றி பிழைத்ததுண்டு

கடலம்மா கடலம்மா
தமிழன் என் நிலை தெரியுமா ?

நாள் சோற்றுக்கு நான் இங்கே,
நடுகடலில் அடிபட்டேன்
நாதியின்றி தத்தளித்து
நம்பிக்கையால் கரைசேர்ந்தேன்
அடித்தவன் பேரு தெரியுமம்மா
ஆனால் சொல்ல பயமம்மா?
ஊமையாக்கும் அரசாங்கத்தால்
உண்மை சொன்னால் வலிக்குதும்மா ?

கடலம்மா கடலம்மா
தமிழன் என் நிலை தெரியுமா ?

வலையும் படகும் வாழ்க்கையானால்
வருங்காலம் இல்லை தெரியுமம்மா ?
கொலையோ இல்லை குத்துபட்டு
கூனி குறுகி இருக்கனும்மம்மா ?
நீலம் கூட உன் நிறமாய் இனி
நீண்ட நாள் இருக்காதம்மா
குருதி நிறமாய் மாறி மாறி
கொடுமையாய் நீயும் இருப்பாயம்மா?

**T.N.Balasubramanian** · **T.N.Balasubramanian** Fri Mar 22, 2013 5:48 pm

அம்மம்மா , கடலம்மா
உண்மையம்மா சொன்னதெல்லாம்
உண்மையம்மா !

"நீலம் கூட உன் நிறமாய் இனி
நீண்ட நாள் இருக்காதம்மா
குருதி நிறமாய் மாறி மாறி
கொடுமையாய்"
அருமையிருக்கு