தாங்காது கடலம்மா!-நீ தந்த துயர் போதுமம்மா.

**கார்த்திக் செயராம்** · 29/10/2015

தாகமெடுத்த தண்ணீர்! (சுனாமி நினைவு)

குடியிருந்த வீடும் போச்சு
கூண்டோடு ஊரும் போச்சு
பழகிய முகங்கலெல்லாம்
பலதிசையில் சடலமாச்சி
இதையெல்லாம் பார்க்கத்தானா
என்னை மட்டும் விட்டுபோச்சு?

தங்கமே தங்கமென்று
தாலாட்டி வளர்த்த ரெண்டு
பிள்ளைகள் உயிரைக்கொண்டு
போனதே பேயலை இன்று!

தாய் தகப்பன் தண்ணியோட
தம்பியவன் மன்ணுக்குள்ள
நான் மட்டும் கரையொதுங்கி
நாதியற்று போனேனே.

அந்திக்கு வீடுவந்தா
அன்போட செல்லமக
கழுத்தை கட்டிக்கொண்டு
கன்னத்தில் முத்தமிடும்.
முத்தமிடும் சிரிப்பலையை
முறித்துவிட்ட பேரலையே!
இனி...
அந்திவரும் நாள்தோறும்
அந்த முத்தம் யார்தருவா?

தாங்காது கடலம்மா!-நீ தந்த துயர் போதுமம்மா. VcKQCNWJRtWb03Tsy2EH+sri1

தாங்காது கடலம்மா!-நீ தந்த துயர் போதுமம்மா. VcKQCNWJRtWb03Tsy2EH+sri1

நீரும் நிலமும்
நிகழ்த்திய வன்முறை...
கல்லறையானதே - ஒரு
கடலோர தலைமுறை.

தாங்காது கடலம்மா!-நீ தந்த துயர் போதுமம்மா. 63zDTZsSpCndw4RGkkgi+2005-01-23-tsunami+(1)

தாங்காது கடலம்மா!-நீ
தந்த துயர் போதுமம்மா.
இன்னோரு முறைவந்தா
ஏமாந்து போயிடுவ
மனிதரெல்லாம் மாண்டபின்
மறுபடி நீ என்ன செய்வ?

தாகம் தீர்ந்ததா தண்ணீரே!?
உன்னால்...
தரணி சிந்துதே கண்ணீரே!.

(ஆழிப்பேரலை அஞ்சலிக்காக வாசிக்கப்பட்ட கவிதையில் சிலதுளிகள்)

நன்றி கருணா
அன்புடன் நான் வளைபூ.

**பழ.முத்துராமலிங்கம்** · 27/09/2015

கார்த்திக் செயராம் wrote:
தங்கமே தங்கமென்று
தாலாட்டி வளர்த்த ரெண்டு
பிள்ளைகள் உயிரைக்கொண்டு
போனதே பேயலை இன்று!

மேற்கோள் செய்த பதிவு: 1183062
இந்த சோகம் அவ்வளவு சீக்கிரத்தில் மறையக்கூடியது அல்ல.
நிறைய பேர் வாழ்வில் நீங்க துயரத்தை விதைத்து விட்டு
சென்றுள்ளது.அவர்கள் சோகத்தில் நாமும் பங்கேற்போம்.