இலங்கைக்கு எதிரான தீர்மானம் ஐ.நா. மனித உரிமை ஆணையத்தில் நிறைவேற்றப்பட்டது.

**சாமி** · **சாமி** Thu Mar 21, 2013 4:23 pm

ஐ.நா. மனித உரிமைகள் ஆணையத்தில் அமெரிக்கா தாக்கல் செய்யும் தீர்மானத்தின் மீது, இதுவரை ஆதரவளித்துள்ள நாடுகள் எவை என்பது குறித்து தெரியவந்துள்ளது. இந்தத் தீர்மானத்துக்கு ஆதரவாக இந்தியா இதுவரை கையெழுத்திடவில்லை. இலங்கைக்கு எதிரான இந்தத் தீர்மானத்தின் மீது வாக்கெடுப்பு நடத்தப்படுவதற்கு முன்னதாகவே 33 நாடுகள் ஆதரவு அளித்துள்ளன. இந்தப் பட்டியலில் இந்தியா இதுவரை இணையவில்லை. மத்திய அமைச்சர் ப.சிதம்பரம் உள்ளிட்டோர் தெரிவிப்பதுபோல், திருத்தத்துடன் கூடிய தீர்மானத்தை ஆதரிக்கக் கூடும் என்று தெரிகிறது.

இலங்கைக்கு எதிராக அமெரிக்கா ஐ.நா.மனித உரிமை சபையில் தாக்கல் செய்யும் தீர்மானத்துக்கு ஆதரவளிக்கும் நாடுகளின் பட்டியல் இது...

ஆஸ்திரியா,
பெல்ஜியம்,
பல்கேரியா,
கானடா,
குரோஷியா,
டென்மார்ம்,
எஸ்டோனியா,
பின்லாந்த்,
பிரான்ஸ்,
ஜியார்ஜியா,
ஜெர்மனி,
கிரீஸ்,
ஹங்கேரி,
ஐஸ்லாந்து,
அயர்லாந்து,
இத்தாலி,
லிச்டென்ஸ்டீன்,
லிதுவேனியா,
மால்டா,
மொனாகோ,
மாண்டெனெக்ரோ,
நார்வே,
போலாந்து,
போர்ச்சுகல்,
ரொமானியா,
செயிண்ட் கிட்ஸ்-நெவிஸ்,
ஸ்லோவாகியா,
ஸ்லோவேனியா,
ஸ்பெயின்,
ஸ்வீடன்,
ஸ்விட்சர்லாந்து,
கிரேட் பிரிட்டன்,
வடக்கு அயர்லாந்து,
அமெரிக்கா...

ஆகிய நாடுகள் இந்தத் தீர்மானத்துக்கு ஆதரவாக உள்ளன.

நன்றி-தினமணி

**சாமி** · **சாமி** Thu Mar 21, 2013 4:25 pm

இலங்கைக்கு எதிரான தீர்மானம்: ஆதரவு கோரியது அமெரிக்கா
இலங்கைக்கு எதிராக தான் கொண்டு வந்துள்ள தீர்மானத்தை முன்வைத்த அமெரிக்கா, தனது தீர்மானத்தின் மீது உலக நாடுகளின் ஆதரவைக் கோரியது. இலங்கை அரசு இதற்கு முன்னர் தெரிவித்த வாக்குறுதிகளை நிறைவேற்றவில்லை, அது, எல்.எல்.ஆர்.சி.,யின் பரிந்துரைகளை நிறைவேற்ற வேண்டும் எனக் கூறியது அமெரிக்கா. மேலும், இலங்கைக்கு எதிராகத் தாங்கள் கொண்டு வந்துள்ள தீர்மானம் வாக்கெடுப்புக்கு விடப்பட்ட நிலையில், இந்தத் தீர்மானத்தை ஆதரிக்க வேண்டும் என அமெரிக்கா வேண்டுகோள் விடுத்தது.

தீர்மானம் குறித்து இலங்கை அதிருப்தி
ஐ.நா. மனித உரிமைச் சபையில் இலங்கையைக் குற்றம் சாட்டி அமெரிக்கா கொண்டு வந்துள்ள இந்தத் தீர்மானம் தங்களுக்கு எதிரமறையானதாக உள்ளது என்று இலங்கை கூறியது. இந்தத் தீர்மானத்தில் இலங்கையில் நடைபெறும் மறுவாழ்வுப் பணிகள் குறித்து எதுவும் தெரிவிக்கப்படவில்லை. அமெரிக்கா கூறியுள்ள புகார்கள் உள்நோக்கத்துடன் கூறப்படுபவை என்று கூறியது இலங்கை. இலங்கைக்கு எதிராக சர்வதேச விசாரணை தேவையில்லை. எங்கள் நாட்டுக்கு எதிராக இவ்வளவு எதிர்ப்புக்காட்டுவது ஏன் என்று கேள்வி எழுப்பினார் இலங்கைப் பிரதிநிதி.

இலங்கைக்கு எதிராக அயர்லாந்து, சுவிட்சர்லாந்து, பிரேசில் வாக்கு:
ஐ.நா. மனித உரிமை ஆணையத்தில் இன்று இலங்கை அரசுக்கு எதிரான தீர்மானத்தின் மீது, அயர்லாந்து, சுவிட்சர்லாந்து, பிரேசில், செய்ரா நாடுகள் ஆதரவு தெரிவித்து வாக்களித்துள்ளன.

இலங்கை அரசுக்கு எதிராக கொண்டு வரப்பட்ட தீர்மானத்தை வரவேற்றுள்ள இந்நாடுகள், இலங்கையில் வாழும் தமிழர்களின் நலனைக் காக்கும் வகையில் நடவடிக்கை எடுக்கப்பட வேண்டும் என்று தாங்கள் விரும்புவதாகவும், அதனால் இந்த தீர்மானத்துக்கு ஆதரவு தெரிவிப்பதாகவும் குறிப்பிட்டுள்ளனர்.

இலங்கைக்கு எதிராக வாக்களித்தது இந்தியா : தீர்மானம் நிறைவேற்றம்
ஐ.நா. மனித உரிமை ஆணையத்தில், இலங்கை அரசுக்கு எதிராகக் கொண்டு வரப்பட்ட தீர்மானத்துக்கு ஆதரவு தெரிவித்து இந்தியா வாக்களித்துள்ளது.

இந்தியா உட்பட 25 நாடுகளின் பிரதிநிதிகள், இந்த தீர்மானத்துக்கு ஆதரவு தெரிவித்ததை அடுத்து, பெரும்பான்மையுடன் தீர்மானம் நிறைவேற்றப்பட்டுள்ளது. இலங்கைக்கு எதிராக அமெரிக்கத் தீர்மானத்துக்கு இந்தியா உட்பட 25 நாடுகள் ஆதரவாக வாக்களித்தன. பாகிஸ்தான், வெனிசுலா உட்பட 13 நாடுகள் எதிர்ப்பு தெரிவித்து வாக்களித்தன. இந்த வாக்கெடுப்பில் 8 நாடுகள் பங்கேற்கவில்லை. இதனால், பெரும்பான்மையுடன், இலங்கைக்கு எதிரான தீர்மானம் ஐ.நா. மனித உரிமை ஆணையத்தில் இன்று நிறைவேற்றப்பட்டது.

**உமா** · **உமா** Thu Mar 21, 2013 4:33 pm

ஒற்றுமை நிச்சயம் வெல்லும்....

mbalasaravanan · mbalasaravanan Thu Mar 21, 2013 4:41 pm

soplangi · soplangi Thu Mar 21, 2013 4:48 pm

ஜெனீவா: இலங்கைக்கு எதிரான அமெரிக்காவின் தீர்மானம் ஐ.நா. மனித உரிமை கவுன்சிலில் நிறைவேறியது. ஐ.நா. மனித உரிமை கவுன்சிலில் விவாதத்துடன் தொடங்கிய வாக்கெடுப்பில் தீர்மானத்துக்கு இந்தியா உட்பட ஆதரவாக 25 நாடுகள் வாக்களித்தது. தீர்மானத்துக்கு எதிராக 13 நாடுகள் வாக்களித்தது.

இந்தியா வலியுறுத்தல்

இலங்கை நிகழ்வுகள் பற்றி சுயேச்சையான நம்பகத்தனமான விசாரணை நடத்த வேண்டும் என்று இந்தியா வலியுறுத்தியுள்ளது. மேலும் தமிழருக்கு அரசியல் உரிமை தர ஆக்கபூர்வ நடவடிக்கை இலங்கை எடுக்க வேண்டும் என்றும் இந்தியா வலியுறுத்தியுள்ளது. தொடர்ந்து பேசிய இந்தியா இலங்கை சம்பவங்கள் குறித்து இந்தியா பொருட்படுத்தாமல் இருக்க முடியாது என்றும் தெரிவிக்கப்பட்டுள்ளது.

தீர்மானத்துக்கு பாகிஸ்தான் எதிர்ப்பு

விவாதத்தில் கலந்து கொண்டு பேசிய பாகிஸ்தான், இலங்கைக்கு எதிரான அமெரிக்காவின் தீர்மானத்துக்கு எதிர்ப்பு தெரிவித்துள்ளது. மேலும் விவாதத்தில் பேசிய பாகிஸ்தான் பிரதிநிதி இந்த தீர்மானம் ஏற்க முடியாது என்று கூறினார். சர்வேதச பரிந்துரைகள் இந்த தீர்மானத்தில் இதில் இல்லை என்றும், இலங்கைக்கு கால அவகாசம் தேவைப்படுகிறது என்றும் அவர் கூறினார். இதனால் தீர்மானத்தை நிராகரிக்கிறோம் என்று அவர் கூறினார்.

-- dinakaran

shenbagakumar · shenbagakumar Thu Mar 21, 2013 8:42 pm

இந்த தீர்மானம் தமிழர்களின் மானம் காக்குமா

shenbagakumar · shenbagakumar Thu Mar 21, 2013 8:42 pm

இந்த தீர்மானம் தமிழர்களின் மானம் காக்குமா

raja sekar.v · raja sekar.v Thu Mar 21, 2013 9:16 pm

ஓன்று பட்டால் உண்டு வாழ்வு, ஈழம் வேல்லட்டும்.....

mbalasaravanan · mbalasaravanan Fri Mar 22, 2013 11:26 am

Sponsored content · Sponsored content

இலங்கைக்கு எதிரான தீர்மானம் ஐ.நா. மனித உரிமை ஆணையத்தில் நிறைவேற்றப்பட்டது.

இலங்கைக்கு எதிரான தீர்மானம் ஐ.நா. மனித உரிமை ஆணையத்தில் நிறைவேற்றப்பட்டது.

Re: இலங்கைக்கு எதிரான தீர்மானம் ஐ.நா. மனித உரிமை ஆணையத்தில் நிறைவேற்றப்பட்டது.

Re: இலங்கைக்கு எதிரான தீர்மானம் ஐ.நா. மனித உரிமை ஆணையத்தில் நிறைவேற்றப்பட்டது.

Re: இலங்கைக்கு எதிரான தீர்மானம் ஐ.நா. மனித உரிமை ஆணையத்தில் நிறைவேற்றப்பட்டது.

Re: இலங்கைக்கு எதிரான தீர்மானம் ஐ.நா. மனித உரிமை ஆணையத்தில் நிறைவேற்றப்பட்டது.

Re: இலங்கைக்கு எதிரான தீர்மானம் ஐ.நா. மனித உரிமை ஆணையத்தில் நிறைவேற்றப்பட்டது.

Re: இலங்கைக்கு எதிரான தீர்மானம் ஐ.நா. மனித உரிமை ஆணையத்தில் நிறைவேற்றப்பட்டது.

Re: இலங்கைக்கு எதிரான தீர்மானம் ஐ.நா. மனித உரிமை ஆணையத்தில் நிறைவேற்றப்பட்டது.

Re: இலங்கைக்கு எதிரான தீர்மானம் ஐ.நா. மனித உரிமை ஆணையத்தில் நிறைவேற்றப்பட்டது.

Re: இலங்கைக்கு எதிரான தீர்மானம் ஐ.நா. மனித உரிமை ஆணையத்தில் நிறைவேற்றப்பட்டது.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக