பெண் போலீஸ் ஜெயமணி உட்பட 8 பெண்கள் கற்பழித்து கொலை

பெண் போலீஸ் உட்பட எட்டு பெண்களை கத்தியைக் காட்டி மிரட்டி, கற்பழித்து கொலை செய்து, அவர்களின் நகையை கொள்ளையடித்த லாரி டிரைவர் கைது செய்யப்பட்டார். ஈரோடு மாவட்டம், அரச்சலூரைச் சேர்ந்தவர் மணியம். இவரது மனைவி ஜெயமணி(39); போலீஸ் கான்ஸ்டபிள். காங்கயம் மகளிர் போலீஸ் ஸ்டேஷனில் பணியாற்றினார்.


ஆக., 23ல், திருப்பூரில் ஒரு வி.ஐ.பி., பங்கேற்ற விழாவின் பாதுகாப்பு பணிக்கு அனுப்பப்பட்டார். அன்று இரவு பணி முடித்து திரும்பியவர், மாயமானார். இவரை கண்டுபிடிக்க போலீசார் தீவிர தேடுதல் வேட்டை நடத்தினர். இந்நிலையில், செப்.,18ல், பெருமாநல்லூர் அருகே, ஜெயமணியின் உடல், போலீஸ் யூனிபார்மில் எலும்புக்கூடாக கண்டுபிடிக்கப்பட்டது. கடத்தி கொலை செய்யப்பட்டிருக்கக் கூடும் என்ற சந்தேகம் எழுந்தது. கொலைக்கும்பலை கண்டுபிடிக்க, ஐந்து தனிப்படைகள் அமைக்கப்பட்டன. திருப்பூர், சேலம், தர்மபுரி,பெங்களூரு உட்பட பல்வேறு பகுதிகளுக்கு சென்ற தனிப்படையினர் தீவிர விசாரணை மேற்கொண்டனர்.


இதில் எவ்வித முன்னேற்றமும் ஏற்படாததால், ஐந்து நாட்களுக்கு முன், ஏ.டி.எஸ்.பி., ஜெயபாண்டியன் தலைமையில் மேலும், ஒரு தனிப்படை அமைக்கப்பட்டது. ஜெயமணியின் தாலி, கம்மல் மற்றும் மொபைல்போனை கொலையாளிகள், திருடிச் சென்றிருந்தனர். தனிப்படை போலீசார் ஜெயமணியின் மொபைல்போன் பற்றி விசாரிக்க துவங்கினர். மொபைல்போனின் இ.எம்.இ.ஐ.,எண்ணை வைத்து தேடியதில், சேலத்தில் மொபைல் இருந்தது கண்டுபிடிக்கப்பட்டது. மொபைல்போன் வைத்திருந்தவரை பிடித்து விசாரித்ததில் லாரி டிரைவரான ஜெய்சங்கர் என்பவர், சில நாட்களுக்கு முன் இவருக்கு விற்றிருந்தது தெரிய வந்தது.


சேலம், எடப்பாடி அருகேயுள்ள காணியாம்பட்டியில் தங்கியிருந்த ஜெய்சங்கரை பிடித்து போலீசார் விசாரித்தனர். விசாரணையில், பெண் போலீஸ் ஜெயமணி தனது வீட்டுக்கு செல்வதற்காக இரவு 9.00 மணிக்கு, பெருமாநல்லூர் சாலையில் நின்றிருந்தார். அப்போது மொபட்டில் அங்கு வந்த ஜெய்சங்கரிடம், "லிப்ட்' கேட்டு ஏறியுள்ளார். சிறிது தூரம் சென்றதும், கத்தியைக் காட்டி மிரட்டி, மறைவிடத்துக்கு அழைத்துச் சென்று, கற்பழித்து, கொலை செய்துள்ளான். பின், ஜெயமணியின் தாலி, தங்கத்தோடு, மொபைல் போனை எடுத்துக் கொண்டு சேலத்துக்கு தப்பித்துள்ளான்.


கைது செய்யப்பட்ட டிரைவர் ஜெய்சங்கரை ரகசிய இடத்தில் வைத்து போலீசார் விசாரிக்கின்றனர். விசாரணையில், பெண் போலீஸ் ஜெயமணி உட்பட எட்டு பெண்களை ஜெயசங்கர் கற்பழித்து கொலை செய்துள்ளதாக "திடுக்' தகவல் வெளியாகியுள்ளது. பெண் போலீசை கடத்தி கற்பழித்து, கொலை செய்த லாரி டிரைவரை பிடித்த தனிப்படையினருக்கு ஐ.ஜி.,பிரமோத்குமார் பாராட்டு தெரிவித்தார். காமக்கொடூரனின் கற்பழிப்பு கொலைகள்: கைது செய்யப்பட்ட ஜெய்சங்கர் லாரி டிரைவர். ஒசூர் - கோவை - நாமக்கல் நெடுஞ்சாலையில் லாரி ஓட்டி வந்தான்.


பெண் வேட்டையாட செல்லும் போதெல்லாம் மொபட்டில் தான் பயணம் செய்வானாம். நெடுஞ்சாலைக்கு ஒரு கிலோ மீட்டர் தூரத்தில்,வயல் வெளிகளில் ஆடு,மாடு மேய்க்கும் பெண்களைத்தான் குறி வைத்துள்ளான். இதுவரை, திருப்பூர், தர்மபுரி, கிருஷ்ணகிரி, நாமக்கல், திருச்சி மாவட்டங்களைச் சேர்ந்த எட்டு பெண்களை கற்பழித்து கொலை செய்துள்ளான். இரண்டு கொலை வழக்கு, ஐந்து கொள்ளை வழக்குகள், ஒரு கற்பழிப்பு கொள்ளை உட்பட 16 வழக்குகள் இவன் மீது ஏற்கனவே உள்ளன.

காவல் துறை: ஆமா அதுக்கு இன்னா இப்போ ?
சீக்கிரமா கண்டுபுடிச்சிருவோம்
போ போ போயி வேலய பாருங்க
இல்லனா உங்கள தான் சந்தேகத்து பேருல
கைது செய்ய வேண்டியது வரும்