பட்டா மாற்றாததால் எங்களது உரிமை மறுக்கப் படுமா?

SHANMUGHAM · SHANMUGHAM Sun Jul 07, 2013 5:52 pm

நாங்கள் நகரத்தில் சொந்த வீட்டில் இருக்கிறோம்.

பலரும் வீடு கட்டி வரும், எங்கள் நகரத்தை ஒட்டிய கிராமத்தில், ஒரு பிளாட் வாங்கினோம். அதை முறையாக விசாரித்து, வாங்கி, பத்திரப் பதிவுத் துறையில் பதிவு செய்துள்ளோம்.

எங்கள் பிளாட்டில் வேலி போடவில்லை. பட்டா முதலிய விபரங்களின் முக்கியத்துவமும் தெரியவில்லை. (அதுதான் பதிவுத் துறையில் நமது பெயரில் பதிவு செய்துள்ளோமே)

அந்த மொத்த இடத்தின் பூர்வீக உரிமையாளர், (பட்டா பெயர் மாறாததால் அவரின் தந்தையார் பெயரில் உள்ளது.) தனது தாத்தாவால் தனது அத்தைக்கு வாய்மொழியாக பாகம் செய்யப்பட்ட இடம் என்று கூறி, ஒரு ஆண்டுக்கு முன், அந்த இடத்தை வேறு ஒருவருக்கு விற்றுள்ளார். (அந்த மொத்த ஏரியாவையுமே, அவரது தகப்பனார் காலத்திலேயே விற்கப்பட்டு விட்டது.)

ஒரு ஆண்டுக்கு முன்பு வாங்கியவரும் வேலி போடவுமில்லை, பட்டா மாற்றவுமில்லை.

தற்போது மேற்படி வாங்கியவர், வீடு கட்டுவதற்காக, இடத்தில் வந்து பூஜை போட்டுள்ளார்.

விபரம் தெரிந்தவுடன் நாங்கள் சென்று வேலி போட்டுள்ளோம். காவல் நிலைய புகார் மற்றும் நீதிமன்ற வழக்கும் கொடுத்துள்ளோம்.

பட்டா மாற்றாத காரணத்தால் எங்களது உரிமை மறுக்கப்படுமா?

அரசாங்கத் துறைகளுக்குள் ஏன் இந்தத் தகவல் ஒருங்கிணைப்பு இல்லை?

யினியவன் · யினியவன் Sun Jul 07, 2013 6:11 pm

நம்ம நாட்டில் எந்த ஊரில் இடம் வாங்கினாலும் EC - என்கம்பரன்ஸ் 25 வருடங்களுக்கு குறையாமல் பார்த்து பின்னர் தான் பட்டா, சிட்டா, அடங்கல், பத்திரப் பதிவு எல்லாம் செய்யணும். கண்டிப்பாக இவற்றை நல்ல வழக்கறிஞரிடம் காண்பித்த பின்னரே வாங்க வேண்டும்.

முடிவு நீதிமன்ற தீர்ப்பை பொறுத்து தான்.

SHANMUGHAM · SHANMUGHAM Sun Jul 07, 2013 7:09 pm

யினியவன் wrote:நம்ம நாட்டில் எந்த ஊரில் இடம் வாங்கினாலும் EC - என்கம்பரன்ஸ் 25 வருடங்களுக்கு குறையாமல் பார்த்து பின்னர் தான் பட்டா, சிட்டா, அடங்கல், பத்திரப் பதிவு எல்லாம் செய்யணும். கண்டிப்பாக இவற்றை நல்ல வழக்கறிஞரிடம் காண்பித்த பின்னரே வாங்க வேண்டும்.

முடிவு நீதிமன்ற தீர்ப்பை பொறுத்து தான்.

நன்றி நண்பரே !

EC, வழக்கறிஞர் கருத்து எல்லாம் வாங்கும் முன்னரே பார்த்தாகி விட்டது. மிகவும் சரியாக இருக்கிறது.

ஒரே குறை பட்டா மாற்றாதது மட்டும் தான்.

சந்தேகம் தீர்க்க முடியுமா?

தர்மா · தர்மா Sun Jul 07, 2013 7:17 pm

நீதி மன்ற தீர்ப்பு ? சிவில் கேசில் நீதி மன்ற தீர்ப்பை எதிர்பாற்பதற்க்கு பதில் அந்த இடத்தை வாங்கவே இல்லை என்ற நினைப்பிலே இருந்தால் மனம் அமைதிபடும்

Sponsored content · Sponsored content

பட்டா மாற்றாததால் எங்களது உரிமை மறுக்கப் படுமா?

பட்டா மாற்றாததால் எங்களது உரிமை மறுக்கப் படுமா?

Re: பட்டா மாற்றாததால் எங்களது உரிமை மறுக்கப் படுமா?

Re: பட்டா மாற்றாததால் எங்களது உரிமை மறுக்கப் படுமா?

Re: பட்டா மாற்றாததால் எங்களது உரிமை மறுக்கப் படுமா?

Re: பட்டா மாற்றாததால் எங்களது உரிமை மறுக்கப் படுமா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக