கவிப்பேரரசு வைரமுத்துவின் தந்தை மரணம்

**சிவா** · **சிவா** Sun Mar 17, 2013 7:35 am

கவிப்பேரரசு வைரமுத்துவின் தந்தை ராமசாமி தேவர் இன்று மதுரையில் சிகிச்சை பலனின்றி மரணமடைந்தார். அவருக்கு வயது 87.

நிழல்கள் படத்தில் பாடலாசிரியராக அறிமுகமாகி இன்று தமிழர்கள் அனைவரும் அறிந்த கவிஞராக இருப்பவர் வைரமுத்து. இவரின் தந்தை ராமசாமி தேவர்.

சிறுநீரக கோளாறு காரணமாக இவர் சிகிச்சை எடுத்து வந்தார். சமீபத்தில் நிலைமை மோசமடைய மதுரையில் உள்ள தனியார் மருத்துவமனையில் அவரை அனுமதித்தனர். இன்று அவரது உடல்நிலை மிகவும் மோசமடைந்தது. மருத்துவர்கள் தீவிரமாக போராடியும் அவரை காப்பாற்ற முடியவில்லை.

தேனி பெரியகுளத்தை அடுத்த வடுகப்பட்டியை சேர்ந்த ராமசாமி தேவருக்கு அங்கம்மாள் என்ற மனைவியும், வைரமுத்து, பாண்டியன் என்ற மகன்களும் விஜயலட்சுமி என்ற மகளும் உள்ளனர். நாளை அவரின் இறுதிச் சடங்கு வடுகப்பட்டியில் நடக்கிறது.

**Aathira** · **Aathira** Sun Mar 17, 2013 7:44 am

ஒரு கவி பிரம்மாவை உருவாக்கிய இந்த பிரம்மாவுடன் சிலமணி நேரம் அமர்ந்து கவிஞரைப் பற்றிப் பேசும் வாய்ப்பைப் பெற்றேன் என்பதில் மகிழ்ச்சி. அந்த நினைவுகள் இப்போது கண்ணீர்க்கோடுகள் போடுகின்றன.

ஐயாவின் ஆன்மா அமைதியடையவும் கவிஞரின் மற்றும் அவரது இல்லத்தாரின் மனம் ஆறுதல் அடையவும் இறைவனை வேண்டுகிறேன்.

இந்த பதிவைத் துவங்கியவர் நன்றி கூறியுள்ளார் Aathira

**முத்துராஜ்** · **முத்துராஜ்** Sun Mar 17, 2013 8:49 am

கவிஞர் வைரமுத்துவின் தந்தை ராமசாமித்தேவர் நேற்று பகல் 12.30 மணியளவில் சொந்த ஊரான வடுகபட்டியில் மரணம் அடைந்தார். அவருக்கு வயது 82.

சிறிது காலம் நோய்வாய்ப்பட்டிருந்த அவர் சிறுநீரகச் சிகிச்சைக்காக மதுரை மருத்துவமனையில் அனுமதிக்கப்பட்டிருந்தார். சிகிச்சை பலனின்றி மருத்துவமனையிலிருந்து வடுகபட்டிக்குக் கொண்டுவரப்பட்டார். வீட்டுக்குள் நுழைந்த சில நிமிடங்களில் அவரது உயிர் பிரிந்தது.

மறைந்த ராமசாமித்தேவருக்கு அங்கம்மாள் என்ற மனைவியும், கவிஞர் வைரமுத்து -பாண்டியன் (காவல்துறை துணைக் கண்காணிப்பாளர்) என்ற இரண்டு மகன்களும், விஜயலட்சுமி என்ற மகளும் உள்ளனர். தகவல் அறிந்த கவிஞர் வைரமுத்து குடும்பத்தினருடன் வடுகபட்டி விரைந்தார்.

வைரமுத்துவின் சொந்த ஊரான பெரியகுளத்தை அடுத்த வடுகபட்டியில் இன்று (ஞாயிற்றுக்கிழமை) பிற்பகல் 1 மணிக்கு இறுதிச் சடங்கு நடக்கிறது.

றினா · றினா Sun Mar 17, 2013 7:15 pm

அன்னாரின் ஆத்மா சாந்தியடையட்டும்.

அவரது குடும்பத்துக்கு எனது ஆழ்ந்த அனுதாபங்கள்.

Sponsored content · Sponsored content

கவிப்பேரரசு வைரமுத்துவின் தந்தை மரணம்

கவிப்பேரரசு வைரமுத்துவின் தந்தை மரணம்

Re: கவிப்பேரரசு வைரமுத்துவின் தந்தை மரணம்

கவிஞர் வைரமுத்துவின் தந்தை மரணம் : வடுகபட்டியில் இன்று இறுதிச் சடங்கு நடைபெறும்

Re: கவிப்பேரரசு வைரமுத்துவின் தந்தை மரணம்

Re: கவிப்பேரரசு வைரமுத்துவின் தந்தை மரணம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக