புதிய ரயிலுக்கு உயிரிழந்த டெல்லி மாணவியின் பெயர்

**முத்துராஜ்** · **முத்துராஜ்** Thu Mar 14, 2013 7:30 pm

டெல்லியில் ஓடும் பேருந்தில் பாலியல் வன்கொடுமைக்கு உட்படுத்தப்பட்டு, பின்னர் சிகிச்சை பலனின்றி உயிரிழந்த மருத்துவ மாணவியின் பெயரை புதிதாக அறிமுகபடுதப்படும் ரயிலுக்கு சூட்ட முடிவு செய்யப்பட்டுள்ளதாக மத்திய ரயில்வே துறை அமைச்சர் பவன் குமார் பன்சால் தெரிவித்துள்ளார்.

பாராளுமன்றத்தில் நடைபெற்ற ரயில்வே பட்ஜெட் விவாதத்தில் பேசிய அவர்,நாடெங்கும் 19 புதிய ரயில்கள் அறிமுகப்படுத்தப்படும் எனவும்,அவற்றில் சாப்ரா ஆனந்த் விஹார் எக்ஸ்பிரஸ் ரயிலானது, டெல்லியில் கற்பழிக்கப்பட்டு உயிரிழந்த மருத்துவ மாணவியின் சொந்த ஊரான உத்தரப்பிரதேச பல்லியா நகர் வழியாக தலைநகர் டெல்லிக்கு வருகிறது எனவும் கூறினார்.

எனவே, இந்த ரெயிலுக்கு இறந்த மாணவியின் ஞாபகமாக ”நிர்பயா”(Nirbhaya) அல்லது ”பேடி”(Beti) என்று விரைவில் பெயர் வைக்கப்படும் என்று தெரிவித்தார்.