லகாட் டத்துவில் மலேசியப் பாதுகாப்புப்படை வீரர்கள் இருவர் பலி

**சிவா** · **சிவா** Wed Mar 13, 2013 12:18 pm

http://www.selliyal.com/wp-content/uploads/2013/03/226x233xbf828a61b0305cbf26638d2af6d9d971.jpg.pagespeed.ic_.1NNrUxWkJ_.jpg

லகாட் டத்து, தஞ்சோங் பத்துவில் இன்று காலை நமது மலேசியப் பாதுகாப்புப் படையினருக்கும்,ஊடுருவல்காரர்களுக்கும் இடையே நடைபெற்ற துப்பாக்கிச் சண்டையில் 3 எதிரிகள் கொல்லப்பட்டனர். அதே நேரத்தில் துரதிஷ்டவசமாக நமது மலேசிய பாதுகாப்புப் படையைச் சேர்ந்த வீரர் ஒருவரும் கொல்லப்பட்டார். இதற்கு முன் நமது காவல்துறையைச் சேர்ந்த 8 வீரர்கள் பலியாகி இருந்த நிலையில், பாதுகாப்புப் படையைச் சேர்ந்த முதல் வீரர் இன்று நடந்த துப்பாக்கிச் சண்டையில் பலியாகியுள்ளார் என்று பாதுகாப்புப்படைத் தலைவர் ஜுல்க்கி பெலி (படம்) செய்தியாளர்களிடம் தெரிவித்தார்.

மேலே வெளியிடப்பட்டிருக்கும் செய்தியின் தொடர்ச்சி பின்வருமாறு:-

மலேசியப் பாதுகாப்புப் படைத் தலைவர் ஜுல்க்கி பெலி வெளியிட்டிருந்த அறிவிப்பைத் தொடர்ந்து, மாலை நடைபெற்ற செய்தியாளர்கள் கூட்டத்தில் பேசிய தலைமை காவல்துறை ஆணையர் ஹம்சா தாயிப் மறு அறிவிப்பு ஒன்றை வெளியிட்டுள்ளார் அதில், “இன்று நடைபெற்ற துப்பாக்கிச் சண்டையில் மூன்று பேர் சுடப்பட்டனர்,ஆனால் இரண்டு சடலங்கள் மட்டுமே இதுவரை கைப்பற்றப்பட்டுள்ளது, எனவே குண்டடிபட்ட அந்த எதிரி காயத்துடன் தப்பி இருக்கலாமென்று நினைக்கிறோம்” என்று தெரிவித்துள்ளார்.

சாலை விபத்தில் ஒரு வீரர் பலி

அதுமட்டுமின்றி, இன்று லகாட் டத்து நகரத்தை நோக்கி பாதுகாப்புப் படை வீரர்கள் இருவர் சென்று கொண்டிருந்த ராணுவ வாகனம் விபத்திற்குள்ளாகி ஒருவர் மருத்துவமனையில் சேர்க்கப்பட்டு பின் உயிரிழந்தார் என்றும், மற்றொருவர் முகத்தில் காயத்துடன் மருத்துவமனையில் சிகிச்சை பெற்று வருவதாகவும் ஹம்சா தாயிப் தெரிவித்தார்.

செல்லியல்.காம்

**சிவா** · **சிவா** Wed Mar 13, 2013 12:20 pm

சண்டை நடக்கும் பகுதியில் தான் அஜிமுடி பதுங்கி இருக்கிறார் – காவல்துறை ஆணையர்

http://www.selliyal.com/wp-content/uploads/2013/03/lahad-datu-hamza-taib-sabah-police-1103latest.jpg

சுலு சுல்தான் வாரிசுகளும், சுலு படைகளின் முதன்மைத் தளபதிகளுமான அஜிமுடி கிராமும், அவரது சகோதரர் ஜமால் கிராமும் நிச்சயம் லகாட் டத்துவில் தான் இருக்க வேண்டும் என்று தலைமை காவல்துறை ஆணையர் ஹம்சா தாயிப் இன்று காலை லகாட் டத்துவில் ‘ஓப்ஸ் டவுலத்’ நடவடிக்கையின் செயல்பாடுகள் குறித்த தகவல்களைத் தெரிவிக்க நடைபெற்ற செய்தியாளர்கள் சந்திப்பில் தெரிவித்துள்ளார்.

அது பற்றி ஹம்சா கூறுகையில், ”அஜிமுடி கிராமும் மற்றும் அவரது சகோதரர் ஜமால் கிராமும் நிச்சயம் லகாட் டத்துவில் தான் பதுங்கி இருக்க வேண்டும். காரணம் எந்த ஒரு தலைவரும் தனது படைகளை தனியாக விட்டு ஓட மாட்டார். அவர்கள் தான் அப்படையினரை வழி நடத்திச் செல்ல வேண்டும். எனவே அவர்களைத் தேடும் பணியில் நாங்கள் மிகத் தீவிரமாக இறங்கியுள்ளோம்.” என்று செய்தியாளர்களிடம் தெரிவித்தார்.

**ராஜா** · **ராஜா** Wed Mar 13, 2013 12:56 pm

இது என்ன தல , உள்நாட்டு கலவரமா இல்லை எதுவும் விடுதலை இயக்கமா ??

**சிவா** · **சிவா** Wed Mar 13, 2013 1:11 pm

ராஜா wrote: இது என்ன தல , உள்நாட்டு கலவரமா இல்லை எதுவும் விடுதலை இயக்கமா ??

லகாட் டத்துவில் மலேசியப் பாதுகாப்புப்படை வீரர்கள் இருவர் பலி Sulu10

சூலு இன மக்கள் அதிகம் வாழும் லாஹாட் டத்து என்னுமிடத்திற்கு பிலிப்பைன்ஸை சேர்ந்த ஜமாலுல் கிராமின் என்பவர் இவர்களுக்கு நான் தான் (சுல்தான்) தலைவன் என்று தானாகப் பிரகடனப்படுத்திக் கொண்டுள்ளார். இவருடன் நூற்றுக் கணக்கான இவரது வீரர்களும் மலேசியப் பகுதிக்குள் ஊடுருவியுள்ளனர். இதுவரை 6 போலிஸ்காரர்கள் மற்றும் இரு இராணுவ வீரர்கள் மலேசிய தரப்பில் கொல்லப்பட்டுள்ளனர். சூலு வீரர்கள் 60க்கும் மேற்பட்டோர் கொல்லப்பட்டுள்ளனர்.

இன்னும் ஓரிரு மாதங்களில் மலேசியாவில் பொதுத்தேர்தல் வரவிருக்கும் நிலையில் இச்சம்பவம் ஆளும் கட்சியான பாரிசானை வெகுவாக அச்சமடையச் செய்துள்ளது. தேர்தலை தள்ளி வைக்க முயற்சிகள் செய்து வருகின்றனர். இந்த நெருக்கடியை எதிர்க்கட்சிகள் மிகச் சாதுர்யமாக பயன்படுத்தி மக்களிடம் ஆளும் கட்சி மீது வெறுப்பை ஏற்படுத்த முயல்கின்றனர்.

எது எப்படியோ, மலேசியாவில் சுதந்திரம் பெற்றது முதல் தோல்வியடையாமல் ஆட்சியைத் தக்க வைத்து வரும் பாரிசான் கட்சி வரும் தேர்தலில் தோல்வியுற்றால் நாட்டில் என்ன நிகழும் என்று அச்சமாகத்தான் உள்ளது. பதவி சுகத்திலேயே வாழ்ந்தவர்கள் தோல்வியுற நேர்ந்தால் எப்படி சும்மா இருப்பார்கள். அடுத்து உள்நாட்டுக் கலவரம் தான்!

- இவைகள் என் யூகமே தவிர, இப்படித்தான் நிகழும் என்று கூறமுயலவில்லை!

**ராஜா** · **ராஜா** Wed Mar 13, 2013 1:34 pm

எதற்கு இவர்களுக்குள்!! அடித்துகொள்கிறார்கள் , அது சரி இதை பற்றி நாம் பேசினால் அப்புறம் பிரச்சினைகள் தான் அதிகமாகும்.

Sponsored content · Sponsored content

லகாட் டத்துவில் மலேசியப் பாதுகாப்புப்படை வீரர்கள் இருவர் பலி

லகாட் டத்துவில் மலேசியப் பாதுகாப்புப்படை வீரர்கள் இருவர் பலி

Re: லகாட் டத்துவில் மலேசியப் பாதுகாப்புப்படை வீரர்கள் இருவர் பலி

Re: லகாட் டத்துவில் மலேசியப் பாதுகாப்புப்படை வீரர்கள் இருவர் பலி

Re: லகாட் டத்துவில் மலேசியப் பாதுகாப்புப்படை வீரர்கள் இருவர் பலி

Re: லகாட் டத்துவில் மலேசியப் பாதுகாப்புப்படை வீரர்கள் இருவர் பலி

Re: லகாட் டத்துவில் மலேசியப் பாதுகாப்புப்படை வீரர்கள் இருவர் பலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக