காஷ்மீர்: பெண்ணை கற்பழித்த குற்றவாளி வி.வி.ஐ.பி. ஹெலிகாப்டரில் தப்பிய வினோதம்

DERAR BABU · DERAR BABU Mon Mar 11, 2013 6:15 pm

ஜம்மு-காஷ்மீர் மாநிலத்தில் உள்ள ரஜோரி மாவட்ட வனப்பகுதியில் தனியாக சென்ற இளம்பெண்ணை கடந்த வாரம் ஒரு நபர் கற்பழித்தான். இதுதொடர்பாக அந்த பெண் அளித்த புகாரின் அடிப்படையில் போலீசார் அவனை கைது செய்தனர்.

தனக்கு உடல் நலம் சரியில்லை என கூறியதையடுத்து அவனை ஆஸ்பத்திரியில் அனுமதித்த போலீசார் அவனுக்கு காவல் காத்து வந்தனர். இந்நிலையில், அம்மாநிலத்தில் நிகழ்ந்த பஸ் விபத்தில் காயமடைந்தவர்களை போலீசார் வி.வி.ஐ.பி.க்கள் பயணிக்கும் ஹெலிகாப்டரில் ஏற்றிக்கொண்டு வந்து அந்த கைதி சிகிச்சை பெற்று வந்த ஆஸ்பத்திரியில் அனுமதித்தனர்.

காயமடைந்த அனைவருக்கும் அரசின் சார்பில் ரூ.5 ஆயிரம் ரொக்கப் பணம் வழங்கப்பட்டது. இந்த பணத்தை பெற காயமடைந்தவர்களின் உறவினர்கள் வரிசையில் நின்றிருந்தனர். இந்த சந்தர்ப்பத்தை சாதகமாக்கிக் கொண்ட கற்பழிப்பு குற்றவாளி, போலீசாரின் பார்வையில் இருந்து நழுவி நிவாரணத் தொகை வாங்க காத்திருந்தவர்களின் வரிசையில் இணைந்துக்கொண்டான்.

ரூ.5 ஆயிரத்தை பெற்றுக்கொண்டு, புறப்பட தயாராக இருந்த வி.வி.ஐ.பி. ஹெலிகாப்டரில் ஏறி அந்த குற்றவாளி பறந்து சென்றான்.

அவன் தப்பிச் சென்ற ஹெலிகாப்டர், காஷ்மீர் முதல்வர் உமர் அப்துல்லா, கவர்னர் மற்றும் மாநில மந்திரிகள் பயணிப்பதற்காக வாங்கப்பட்டது என்பது குறிப்பிடத்தக்கது.

மாலைமலர்

chinnavan · chinnavan Mon Mar 11, 2013 6:17 pm

ஊராங்க இது

ச. சந்திரசேகரன் · 16/09/2012

**SajeevJino** · **SajeevJino** Tue Mar 12, 2013 9:51 am

நாட்டின் பாதுகாப்பு முறை அவ்வளவு அருமையாக இருக்கிறது

DERAR BABU · DERAR BABU Tue Mar 12, 2013 10:52 am

காஷ்மீரில் பரபரப்பு ஹெலிகாப்டரில் தப்பிய பலாத்கார குற்றவாளி கைது

ஜம்மு : காஷ்மீரில் முதல்வர் பரூக் அப்துல்லா உட்பட விஐபிக்கள் பயணம் செய்யும் ஹெலிகாப்டரில் தப்பி சென்ற பலாத்கார குற்றவாளியை போலீசார் கைது செய்தனர்.
காஷ்மீர் மாநிலம் ரஜோரி மாவட்டம் மஞ்ச்கோட் என்ற இடத்தில் ஒரு பெண்ணை பாலியல் பலாத்காரம் செய்ய முயன்றதாக புகாரின் பேரில் பர்வேஸ் அகமது என்பவரை கடந்த 8ம் தேதி போலீசார் கைது செய்தனர். பலாத்கார முயற்சியின்போது பர்வேசுக்கு முகத்தில் ஏற்பட்ட காயத்துக்கு சிகிச்சை அளிக்க ரஜோரி மருத்துவமனையில் போலீசார் சேர்த்தனர். அன்று அதே பகுதியில் ஏற்பட்ட சாலை விபத்தில் காயமடைந்தவர்களும் முதல் உதவி சிகிச்சைக்காக ரஜோரி மருத்து வமனையில் சேர்க்கப்பட்டனர்.

முதல் கட்ட சிகிச்சை முடிந்து அவர்கள், மாவட்ட நிர்வாகம் ஏற்பாடு செய்திருந்த, முதல்வர் உமர் அப்துல்லா உட்பட விஐபிக்கள் பயணம் செய்யும் ஹெலிகாப்டர் மூலம் மேல் சிகிச்சைக்காக ஜம்மு கொண்டு செல்லப்பட்டனர். முகத்தில் காயத்துக்காக சிகிச்சை பெற்ற கைதி பர்வேஸ் அகமதும் இந்த கூட்டத்தோடு கூட்டமாக ஹெலிகாப்டர் மூலம் ஜம்மு தப்பி சென்றான்.

காயமடைந்தவர்களுக்குநஷ்ட ஈடாக அளிக்கப்பட்ட ரூ.5,000யும் அவன் பெற்றுக் கொண்டான். பர்வேசுக்கும் காயம் ஏற்பட்டிருந்ததால் யாருக்கும் சந்தேகம் ஏற்படவில்லை. ஜம்மு சென்ற பின், பர்வேஸ் அகமதை காணவில்லை. சந்தேகமடைந்த அதிகாரிகள் விசாரணை நடத்தியபோதுதான் மருத்துவமனையில் இருந்து பர்வேஸ் அகமது தப்பியது தெரிந்தது. சொந்த ஊரான மஞ்ச்கோட்டுக்கு திரும்பிய பர்வேசை போலீசார் கைது செய்தனர். நஷ்ட ஈடு பணமும் அவனிடமிருந்து மீட்கப்பட்டதாக போலீசார் தெரிவித்தனர்.

Sponsored content · Sponsored content

காஷ்மீர்: பெண்ணை கற்பழித்த குற்றவாளி வி.வி.ஐ.பி. ஹெலிகாப்டரில் தப்பிய வினோதம்

காஷ்மீர்: பெண்ணை கற்பழித்த குற்றவாளி வி.வி.ஐ.பி. ஹெலிகாப்டரில் தப்பிய வினோதம்

Re: காஷ்மீர்: பெண்ணை கற்பழித்த குற்றவாளி வி.வி.ஐ.பி. ஹெலிகாப்டரில் தப்பிய வினோதம்

Re: காஷ்மீர்: பெண்ணை கற்பழித்த குற்றவாளி வி.வி.ஐ.பி. ஹெலிகாப்டரில் தப்பிய வினோதம்

Re: காஷ்மீர்: பெண்ணை கற்பழித்த குற்றவாளி வி.வி.ஐ.பி. ஹெலிகாப்டரில் தப்பிய வினோதம்

Re: காஷ்மீர்: பெண்ணை கற்பழித்த குற்றவாளி வி.வி.ஐ.பி. ஹெலிகாப்டரில் தப்பிய வினோதம்

Re: காஷ்மீர்: பெண்ணை கற்பழித்த குற்றவாளி வி.வி.ஐ.பி. ஹெலிகாப்டரில் தப்பிய வினோதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக