முத்தூட் கோல்டு லோன் பைனான்ஸ் மீது மோசடி புகார்!

**Powenraj** · **Powenraj** Thu Mar 07, 2013 9:39 pm

தர்மபுரி : வாடிக்கையாளருக்கு அடகு வைத்த நகைக்கு பதிலாக கவரிங் நகையை கொடுத்து மோசடி செய்ததாக முத்தூட் மினி கோடு லோன் பைனான்ஸ் நிறுவனம் மீது புகார் அளிக்கப்பட்டுள்ளது.
-
தர்மபுரி மாவட்டம் இண்டூர் அருகிலுள்ள பேடர அல்லி என்றஊரை சேர்ந்தவர் கோவிந்தராஜ் மகன் மோகன்.இவர் கடந்த பிப்ரவரி மாதம் 8 ஆம் தேதியன்று, முத்தூட் மினி கோல்டு லோன் பைனான்ஸ் நிறுவனத்தில் தனது 47.8 கிராம் எடையுள்ள தங்க செயினை, அடமானம் வைத்து 1 லட்சத்து எட்டாயிரம் ரூபாய் பணம் பெற்றுள்ளார்.
இந்நிலையில் பிப்ரவரி 20 ஆம் தேதியன்று, அந்த நகைக்கான அடமான தொகையையும்,வட்டியையும் செலுத்தி தனது செயினை மீட்டுள்ளார். பின்னர் அவர் தனது வீட்டிற்கு சென்று நகையை சோதித்து பார்த்தபோது அது கவரிங் நகை என்பது தெரியவந்தது.இதனால் அதிர்ச்சியடைந்த மோகன், அப்போதே, முத்தூட் நிறுவனத்திற்கு சென்று, இதுகுறித்து கேட்டுள்ளார்.
-
அதற்கு அங்கிருந்தவர்கள்,"தவறு நடந்துவிட்டது.உங்களது நகையை கூடிய விரைவில் திருப்பி தந்துவிடுகிறோம்" என்று கூறி அவரை சமாதானப்படுத்தி உள்ளனர்.
இதை நம்பி மோகன், முத்தூட் நிறுவனத்திற்கு பலமுறை தனது நகையை கேட்டு நடையாய் நடந்திருக்கிறார்.ஆனால் முதலில் நகையை மாற்றி தருவதாக சொன்னவர்கள், பிறகு"நகையை தர முடியாது...உன்னால் முடிந்ததை பார்த்துக்கொள்..!" என்று மிரட்டல் தொனியில் பேசினார்களாம்.
-
இதனையடுத்து மோகன் இன்று மாலை தர்மபுரி நகர பி-1 காவல் நிலையத்தில் முத்தூட் மினி கோல்டு நிறுவனம் மீது மோச்டி புகார் அளித்தார்.புகாரின் பேரில் போலீசார் விசாரணை நடத்தி வருகின்றனர்.
தொடர்ந்து முத்தூட் நிறுவனம் இதுபோன்ற புகார்களில் சிக்கி வருவது குறிப்பிடத்தக்கது.
-
விகடன் செய்திகள்

ராஜு சரவணன் · ராஜு சரவணன் Fri Mar 08, 2013 12:51 am

அதிக பணம் குறைந்த வட்டி என்ற கவர்ச்சியான விளம்பரத்தை நம்பி விட்டில் பூச்சிகளை போல் மக்கள் புதிதாக முளைத்த நிதி நிறுவனங்களில் தங்கள் தங்க நகைகளை அடகு வைத்து பணம் பெறுகின்றனர்.

பணத்தை நாம் பெரும் வரைக்கும் அதே போல் நகையை அவர்கள் வாங்கும் வரைக்கும் தான் அவர்கள் நல்லவர்கள் போல் இருப்பார்.

நகையை பெற்ற பிறகு அதை எப்போது ஏலத்தில் விட்டு பணம் பார்க்கலாம் என்ற எண்ணத்திற்கு ஏற்ப நடவடிகைகள் இருக்கமோ தவிர, நகையை வைத்தவர் மீட்டால் திரும்ப கொடுக்க வேண்டும் என்ற எண்ணம் அவர்களிடம் இருக்காது.

குறிப்பாக சில கேரளாவை மையமாக கொண்ட நிறுவனங்கள் அங்கிருந்து இங்கு வந்து தனது கிளைகளை பட்டிதொட்டி எல்லாம் கடை போட்டு நமது ஏழை மக்களின் தங்கநகைகளை அடகு என்ற பெயரில் கொள்ளையடித்து செல்கின்றனர்.

எனவே அடகு வைக்கும் போது அவர்களின் கவர்சியான விளம்பரத்தை நம்பாது ஒரு முறைக்கு பல முறை யோசனை செய்து முடிவெடுங்கள்