திருமண அழைப்பிதழில் தழைக்கிறது தண்டமிழ்!

**சாமி** · **சாமி** Thu 7 Mar 2013 - 14:53

18.11.2012 ஞாயிற்றுக்கிழமை அன்று செங்கல்பட்டு திம்மாவரத்தில் நடைபெற்ற ஒரு திருமணத்திற்கு வருகை தந்த அன்பர்களுக்கு நன்றி பாராட்டு அழைப்பிதழ் ஒன்றை வ.மது என்பவர் உருவாக்கி வழங்கியுள்ளார். அந்த நன்றி அழைப்பிதழில் "இணையரை வாழ்த்திய அன்பு நெஞ்சங்களுக்கு எனது நெஞ்சார்ந்த நன்றி! இத்துடன் உங்களுக்குச் சில தமிழ்ச் சொற்களை அறிமுகப்படுத்தியுள்ளேன். பயின்று பயன்படுத்தி தமிழை தழைக்கச் செய்ய வேண்டுகிறேன்!' என்று தமிழ் தழைக்க வேண்டியுள்ளார்.

அவற்றுள் சிலவற்றைக் காண்போம்; கற்போம்; தூய தமிழ்ச் சொற்களைத் தழைத்தோங்கச் செய்வோம்.

தூய தமிழில் - பிறமொழியில்

மசண்டை - பிரதோஷம்

ஆரல்விழா - கிருத்திகை

முருகுபிறை - சஷ்டி

காருவா - அமாவாசை

ஐங்கூறு - பஞ்சாங்கம்

மாழைத்தடம் - ரயில்வே

இரவுரி - நைட்டி

சுருளணி - தாயத்து

நெகிழி - பிளாஸ்டிக்

நாரிழை - ஃபைபர்

ஈகநார் - பாலித்தீன்

மகிழுந்து - கார்

சீருந்து - டேக்சி

பேருந்து - பஸ்

தானி/ உந்துசிவிகை - ஆட்டோ ரிக்ஷா

ஆவிப்பானை - குக்கர்

ஆவிமூட்டி - வெயிட்

அகவை - வயது

தூவல் - பேனா

தூலிகை - பென்சில்

அரும்புரு - ஸ்கெட்ச்

விளிம்புரு - அவுட்லைன்

தற்சுட்டுமலர் - பயோடேட்டா

படிமேடை - கேலரி

பொதியுரை - கேப்ஸ்யூல்

தண்மி - ஃபிரிட்ஜ்

எழினிப்பந்தல் - ஷாமியானா

வைகல் மனை - லாட்ஜ்

சிறப்பங்காடி - சூப்பர் மார்க்கெட்,

தொகுப்பங்காடி - பிளாசா

கொள்ளிலி - இலவசம்

சுருங்கை - சப்வே

வட்டத்திட்டு - ரவுண்டானா

வரிக்கடவு - ஜீப்ரா கிராசிங்

படிப்பேழை - அல்மைரா

வளியுருளை - கேஸ் சிலிண்டர்

வளியடுப்பு - கேஸ் ஸ்டவ்
(நன்றி-தினமணி)

**krishnaamma** · **krishnaamma** Thu 7 Mar 2013 - 15:03

நன்றி சாமி புன்னகை

குறித்து வைத்துக்கொண்டேன் . இந்த இரவுரி என்னை மிகவும் கவர்ந்தது. மரவுரி போல இருக்கு புன்னகை

ராஜு சரவணன் · ராஜு சரவணன் Thu 7 Mar 2013 - 18:01

எல்லா சொற்களும் சரி. இதில் மகிழுந்து , சிருந்து, ஆவிப்பானை, ஆவிமூட்டி, தற்சுட்டுமலர், படிமேடை, வளியுருளை, வளியடுப்பு போன்ற சொற்களை இதை உருவாக்கிய தமிழ் அறிஞர்கள் வேண்டுமென்றால் தங்கள் வீடுகளில் பயன்படுத்தி கொள்ளட்டும். தயவுசெய்து. இதை வைத்து மக்களை கொல்லாதீர்கள்.

இது போன்ற சொற்களை எப்படி நடைமுறை பேச்சுவழக்கில் பயன்படுத்த முடியும்

இது போன்று நிறைய சொற்களை உருவாக்கி விடுங்கள் தமிழ் சீக்கிரம் அழிந்து விடும்

தமிழை அழிக்க தமிழரே போதும்

**Muthumohamed** · **Muthumohamed** Thu 7 Mar 2013 - 19:15

நல்ல பதிவு சாமி அவர்களே சூப்பருங்க

**அருண்** · **அருண்** Thu 7 Mar 2013 - 19:27

தூய தமிழ் வார்த்தைகளை அறிந்து கொண்டோம்.
தகவலுக்கு நன்றி அண்ணா.!

**ஜாஹீதாபானு** · **ஜாஹீதாபானு** Thu 7 Mar 2013 - 19:52

அறிந்து கொண்டேன் சூப்பருங்க

றினா · றினா Thu 7 Mar 2013 - 20:02

நல்லது...

**சாமி** · **சாமி** Fri 8 Mar 2013 - 0:47

ராஜு சரவணன் wrote:எல்லா சொற்களும் சரி. இதில் மகிழுந்து , சிருந்து, ஆவிப்பானை, ஆவிமூட்டி, தற்சுட்டுமலர், படிமேடை, வளியுருளை, வளியடுப்பு போன்ற சொற்களை இதை உருவாக்கிய தமிழ் அறிஞர்கள் வேண்டுமென்றால் தங்கள் வீடுகளில் பயன்படுத்தி கொள்ளட்டும். தயவுசெய்து. இதை வைத்து மக்களை கொல்லாதீர்கள்.

இது போன்ற சொற்களை எப்படி நடைமுறை பேச்சுவழக்கில் பயன்படுத்த முடியும்

இது போன்று நிறைய சொற்களை உருவாக்கி விடுங்கள் தமிழ் சீக்கிரம் அழிந்து விடும்

தமிழை அழிக்க தமிழரே போதும்

அந்நிய மொழியை கடினப்பட்டு, மிகவும் விரும்பி, வேண்டி பயன்படுத்தும் நாம் மாறவேண்டும் நண்பா!

சாம்பார் சாதம் எளிமைதானே! ரொம்ப கடினப் பட்டு பிஸிபேளா பாத் எப்படி சொல்லமுடிகிறது? அதே போல் பகாலாபாத், தக்காளி க்கு டொமேடோ ...உருளைக்கிழங்கு க்கு போடேடோ ,..... பிஸ்ஸா, பர்கர், கபாப்... இதெல்லாம் எளிமையா இருக்கிறதா?

அடுக்ககங்களுக்கு ORCHID , BEGONIA , ACACIA , INSELIPARK, PEBBLEBROOK, WESTMINSTER, ALPINE MEDOWS ... இது எளிமையாய் உள்ளதா?

இது போன்ற சொற்களை எப்படி நடைமுறை பேச்சுவழக்கில் பயன்படுத்த முடிகிறது?

நம்ம தாய் தந்தையை முதலில் போற்ற வேண்டும். நம்ம தாய் தந்தையை பழித்து அடுத்தவர்களுக்கு ' ஜே ' போடுவது எந்த விதத்தில் நியாயம்?

சதாசிவம் · சதாசிவம் Fri 8 Mar 2013 - 11:48

ராஜு சரவணன் wrote:எல்லா சொற்களும் சரி. இதில் மகிழுந்து , சிருந்து, ஆவிப்பானை, ஆவிமூட்டி, தற்சுட்டுமலர், படிமேடை, வளியுருளை, வளியடுப்பு போன்ற சொற்களை இதை உருவாக்கிய தமிழ் அறிஞர்கள் வேண்டுமென்றால் தங்கள் வீடுகளில் பயன்படுத்தி கொள்ளட்டும். தயவுசெய்து. இதை வைத்து மக்களை கொல்லாதீர்கள்.

இது போன்ற சொற்களை எப்படி நடைமுறை பேச்சுவழக்கில் பயன்படுத்த முடியும்

இது போன்று நிறைய சொற்களை உருவாக்கி விடுங்கள் தமிழ் சீக்கிரம் அழிந்து விடும்

தமிழை அழிக்க தமிழரே போதும்

நீங்களே சொல்லிவிட்டீர் தமிழை அழிக்க தமிழரே போதும் என்று, உங்கள் பின்னுட்டத்தில் அது நன்கு புலப்படுகிறது....

சதாசிவம் · சதாசிவம் Fri 8 Mar 2013 - 11:49

பயனுள்ள தகவல் சூப்பருங்க

பகிர்தமைக்கு நன்றி சாமி, தொடருங்கள் உங்கள் அருந்தமிழ் பதிவுகளை

Sponsored content · Sponsored content

திருமண அழைப்பிதழில் தழைக்கிறது தண்டமிழ்!

திருமண அழைப்பிதழில் தழைக்கிறது தண்டமிழ்!

Re: திருமண அழைப்பிதழில் தழைக்கிறது தண்டமிழ்!

Re: திருமண அழைப்பிதழில் தழைக்கிறது தண்டமிழ்!

Re: திருமண அழைப்பிதழில் தழைக்கிறது தண்டமிழ்!

Re: திருமண அழைப்பிதழில் தழைக்கிறது தண்டமிழ்!

Re: திருமண அழைப்பிதழில் தழைக்கிறது தண்டமிழ்!

Re: திருமண அழைப்பிதழில் தழைக்கிறது தண்டமிழ்!

Re: திருமண அழைப்பிதழில் தழைக்கிறது தண்டமிழ்!

Re: திருமண அழைப்பிதழில் தழைக்கிறது தண்டமிழ்!

Re: திருமண அழைப்பிதழில் தழைக்கிறது தண்டமிழ்!

Re: திருமண அழைப்பிதழில் தழைக்கிறது தண்டமிழ்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக