மன்னன் ஆகும் கனவு...

**rameshnaga** · **rameshnaga** Mon Mar 04, 2013 3:59 pm

மன்னன் ....
மன்னனாகவே பிறக்க வேண்டியதில்லை
ஜனநாயகத்தில்.

பதினெட்டு வயதிற்குப் பின்
யார் வேண்டுமானாலும் மன்னனாகலாம்
இந்த நாட்டில்...
என்றது ஜன நாயகம்.

திருமணம்...பிள்ளை பெறுதல்...
எல்லாவற்றிற்கும் கூட...
வயதுதான் முக்கியக் காரணி...
ஜனநாயகத்தில்.
மற்றவை...இரண்டாம்பட்சம்தான்.

வயது மட்டுமே தலைவிரித்தாடும்...
ஜனநாயகத்தில்...
எல்லோருக்கும் பதினெட்டு வயதைத்
தொடும் போதே...
கனவுகள் கூத்தாடத் தொடங்கிவிடுகின்றன.

மன்னராட்சிகளும்...திருமணங்களும்...
கனவுகளில் சதிராட...

நிதர்சனமோ-
சாதியைக் காட்டிப் பிரித்து மேய்கிறது மக்களை.

கட்சிகள்...மன்னர்களைக் கொள்ளையிட்டு விட..
பதினெட்டு வயது...
ரேஷனில் கிடைக்காத ஜீனிக்காகவும், பாமாயிலுக்காகவும்...
தொலைகாட்சி பார்க்கவிடாமல் செய்யும் மின்வெட்டுக்காகவும்...

இப்போது மன்னனாய் இருப்பவனைச்
சபிக்கத் துவங்குகிறது.

யாரும் அறியாமல்...
வேற்று சாதியில் பிறந்து விட்ட காதலிக்காக..
சாதியைத் திட்டிக் கொண்டிருக்கிறது...
தலையணையை நனைத்தபடி.

என்றாலும்....
யாருக்கும் "சுருக்..சுருக்..." என்று
துருத்தாமல் மட்டும் இருப்பதில்லை...

மன்னனாகும் கனவு.

**ஜாஹீதாபானு** · **ஜாஹீதாபானு** Mon Mar 04, 2013 4:04 pm

உங்க கனவு நிஜமாகட்டும் அருமை அருமையிருக்கு

**rameshnaga** · **rameshnaga** Mon Mar 04, 2013 4:08 pm

ரொம்பவும் நன்றி! ஜாஹீதாபானு.

**உமா** · **உமா** Mon Mar 04, 2013 4:16 pm

நல்லா இருக்கு... சூப்பருங்க

யாரும் அறியாமல்...
வேற்று சாதியில் பிறந்து விட்ட காதலிக்காக..
சாதியைத் திட்டிக் கொண்டிருக்கிறது...
தலையணையை நனைத்தபடி.

**rameshnaga** · **rameshnaga** Mon Mar 04, 2013 5:41 pm

ரொம்பவும் நன்றி! உமா.

சதாசிவம் · சதாசிவம் Tue Mar 05, 2013 10:03 am

கவிதை நன்று தொடருங்கள்...

வேற்று ஜாதிப் பெண்ணை கட்டிக் கொள்ள ஆண்களுக்கு பெரும்பாலும் பிரச்சனை ஏற்படுவதில்லை,

உங்கள் வரிகளில் காதலிக்காக என்றில்லாமல் காதலுனுக்காக என்றோ, அல்லது வேற்று ஜாதிக்குப் பதில் மேல் ஜாதி என்று அமைந்திருந்தால் பொருத்தமாக இருக்கும் என்பது என் தாழ்மையான கருத்து.

**rameshnaga** · **rameshnaga** Tue Mar 05, 2013 10:41 am

ரொம்பவும் நன்றி! சதாசிவம். உங்கள் கருத்து சரிதான். மன்னன் என...
ஆண் குறித்து இந்தக் கவிதை துவங்கியதால்...காதலி என எழுதி இருக்கிறேன்...
நன்றிகள் சதாசிவம்...உங்களின் கருத்துப் பகிர்வுக்கு.

**rameshnaga** · **rameshnaga** Wed Mar 06, 2013 10:12 am

rameshnaga wrote:ரொம்பவும் நன்றி! சதாசிவம். உங்கள் கருத்து சரிதான். மன்னன் என...
ஆண் குறித்து இந்தக் கவிதை துவங்கியதால்...காதலி என எழுதி இருக்கிறேன்...
நன்றிகள் சதாசிவம்...உங்களின் கருத்துப் பகிர்வுக்கு.

Sponsored content · Sponsored content

மன்னன் ஆகும் கனவு...

மன்னன் ஆகும் கனவு...

Re: மன்னன் ஆகும் கனவு...

Re: மன்னன் ஆகும் கனவு...

Re: மன்னன் ஆகும் கனவு...

Re: மன்னன் ஆகும் கனவு...

Re: மன்னன் ஆகும் கனவு...

Re: மன்னன் ஆகும் கனவு...

Re: மன்னன் ஆகும் கனவு...

Re: மன்னன் ஆகும் கனவு...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக