கட்டுத்தறிக் காளை நானே கண்ணுக்குட்டி ஆனேனே

ச. சந்திரசேகரன் · 16/09/2012

கட்டுத்தறிக் காளை நானே கண்ணுக்குட்டி ஆனேனே

ஊரைச் சுத்தித் திரிஞ்சிருந்தேன்.
ஊதாரித் தனமா செலவு பண்ணேன்.
யாரையும் நான் மதிக்கவில்லை
கையக் கட்டி நின்னதில்லே
பேரைப் பத்தி ஒருபோதும்
பெருங்கவலை இருந்ததில்லே
நேரம் காலம் தெரியவில்லே
என்னை யாருன்னு புரியவில்லே

யாரு என்ன சொன்னாலும்
என்ன கருத்தா இருந்தாலும்
ஊரு மக்கள் எல்லோரும்
ஒண்ணா சேர்ந்து சொன்னாலும்
பேரு வெச்ச ஆத்தாளும்
பொறுமையாகச் சொன்னாலும்
ஆறு போகும் வழியப் போல
அடியேன் வழி தனி வழிதான்

அலுவலகம் முடிஞ்ச பின்னே
அங்கே இங்கே சுத்திடுவேன்
தனியுலகம் எனக்கு உண்டு
தாறுமாறா சுத்திடுவேன்
பெருங்கலகம் உருவாக
காரணமா இருந்திடுவேன்
என்னுலகம் தனியுலகம்
எப்போதும் பெருங்கலகம்

வீட்டுக்கு அடங்காம
வெட்டி பந்தா செஞ்சிடுவேன்
நாட்டுக்கும் அடங்காம
நாட்டாமை நான் செஞ்சிடுவேன்
காட்டுக்கும் மேட்டுக்கும்
கண்டபடி திரிஞ்சிடுவேன்
ஈட்டும் செல்வம் எல்லாம்
சீட்டினிலே தொலைத்திடுவேன்

அப்பாவையும் மதிக்காம
அண்ணனையும் மதிக்காம
அம்மாவையும் மதிக்காம
அக்காளையும் மதிக்காம
என்னை மட்டும் மதிச்சிடுவேன்
எல்லோரையும் மிதிச்சிடுவேன்
எனக்கு மட்டும் பணிஞ்சிடுவேன்
எல்லைகளை கடந்திடுவேன்

ஊரைச் சுத்தி திரிஞ்ச என்னை
உன்னைச் சுத்தி திரிய வெச்ச
கைய வீசி நடந்த என்னை
கையக் கட்டி நிக்க வெச்ச

மத்தவங்க பேச்ச நானும்
ஒருபோதும் மதிச்சதில்ல
மச்சக்காரி உன்பேச்ச
மறுக்க என்னால் முடியவில்லே

அலுவலகம் முடிஞ்ச பின்னே
அங்கே இங்கே சுத்தித் திரிஞ்சேன்
அம்புஜமே உன்னைக் கண்டால்
ஆடிப் போய் அடங்க வெச்ச

வீட்டுக்கு அடங்காமே
வெட்டி பந்தா செஞ்ச என்னை
கட்டுக்குள் கொண்டு வந்து
கக்கத்துல அடக்கிப்புட்ட.

யாரையும் மதிக்காம
ஊரைசுத்தித் திரிஞ்ச என்னை
ஊரே மதிக்கும்படி
உசரத்துலே நிக்கவெச்ச.

விட்டத்துல இருந்த என்னை
வட்டத்துல கொண்டு வந்து
கட்டுத்தறிக் காளை என்னை
கண்ணுக் குட்டி ஆக்கிப் புட்ட.

யினியவன் · யினியவன் Tue Feb 26, 2013 2:12 am

அருமை சந்திரா.

ஆக மொத்தம் கல்யாணம் ஆகி பியூச பிடிங்கிட்டாங்கன்னு சொல்றீங்க சிரிப்பு

17/02/2013

கேரளத்திலேயும் அப்படித்தானா?

**ஜாஹீதாபானு** · 16/04/2011

தறிகெட்டு திரிஞ்சா உங்களை அந்தப் பொண்ணு திருத்தி மனுசனா ஆக்கி இருக்கு அதுக்காக சந்தோஷப் படாம ஒப்பாரில வைக்கிறிங்க என்ன கொடுமை சார் இது

கவிதை அருமை .... சூப்பருங்க

இனிமே கை கட்டியே தான் நிக்கணும் ஜாலி

ச. சந்திரசேகரன் · 16/09/2012

யினியவன் wrote:

அருமை சந்திரா.

ஆக மொத்தம் கல்யாணம் ஆகி பியூச பிடிங்கிட்டாங்கன்னு சொல்றீங்க

செம்மொழியான் பாண்டியன் wrote:கேரளத்திலேயும் அப்படித்தானா?

ஜாஹீதாபானு wrote:தறிகெட்டு திரிஞ்சா உங்களை அந்தப் பொண்ணு திருத்தி மனுசனா ஆக்கி இருக்கு அதுக்காக சந்தோஷப் படாம ஒப்பாரில வைக்கிறிங்க

கவிதை அருமை ....

இனிமே கை கட்டியே தான் நிக்கணும்