5 வயது சிறுவனை வீட்டுக்குள் கட்டிப் போட்டு சித்ரவதை தந்தையிடம் போலீஸ் விசாரணை

ஹரித்தா · ஹரித்தா Mon Oct 19, 2009 4:55 pm

சென்னை கோடம்பாக்கம் டிரஸ்ட்புரம் 3.வது குறுக்கு தெருவைச் சேர்ந்தவர் பன்னீர்செல்வம் இவரது மனைவி லூர்துமேரி. இவர்களுக்கு 2 மகன்கள். மூத்த மகன் வெங்கடேஷ்.

திருமணம் முடிந்த நாளில் இருந்து லூர்துமேரி கணவனிடம் கோபித்துக் கொண்டு அடிக்கடி தாய் வீட்டிற்கு சென்று விடுவார். அப்படி சென்றவர் ஒரு கட்டத்தில் கணவர் வீட்டிற்கு திரும்பவர வில்லை. 2 மகன்களையும் பன்னீர்செல்வமே வளர்த்து வந்தார். வெங்கடேஷ் அடிக்கடி நோய் தாக்குதலுக்கு உள்ளாகி அவதிப்பட்டு வந்தான். இதனால் எலும்பும் தோறுமாய்காட்சி அளித்தான். பன்னீர்செல்வத்துடன் அவரது தாய்கல்யாணி, அக்காவாசுகி, திருமணமாகாத தங்கை மேகலா ஆகியோர் ஒரே வீட்டில் வசித்து வந்தனர்.

அவர்கள் சிறுவன் வெங்கடேசை அடித்துதுன் புறுத்தியதாக தெரிகிறது. வெங்கடேஷ் வெளியில் சென்றால் வயது வித்தியாசம் பார்க்காமல் எல்லோரையும் ஆபாசமாக பேச ஆரம்பித்தான். இதனால் அக்கம் பக்கத்து வீட்டில் இருந்த அனைவரும் பன்னீர்செல்வத்தின் குடும்பத்துடன் தகராறு இருந்து வந்தது. இதன்காரணமாக வெங்கடேசை வெளியில் செல்லவிடாமல் கட்டி போட்டு வளர்த்து வந்ததாக கூறப்படுகிறது.
இந்த நிலையில் நேற்று இரவு அந்தப்பகுதியைச் சேர்ந்த மக்கள் கோடம் பாக்கம் போலீசில் பன்னீர்செல்வம் மீது புகார் தெரிவித்தார். சிறுவனை கட்டி போட்டும், அட்டை பெட்டிக்குள் அடைத்து சித்ரவதை செய்வதாகவும் புகாரில் கூறியிருந்தனர்.

இதுகுறித்து இன்ஸ்பெக்டர் விஜயகுமார் வழக்குப்பதிவு செய்து விசாரித்தார். வீட்டிற்குள் சென்று பார்த்தபோது சிறுவனை காணவில்லை. சிறுவன் சமையலறையில் உள்ள சிறிய பெட்டி அறையில் பதுங்கி இருப்பதை கண்டு பிடித்தனர். அவனது உடலில் சிறிய அளவிலான வெண்புள்ளிகள் காணப்பட்டது. முதுகின் பின்பக்கத்தில் நகக்கீறல் காணப்பட்டது. சிறுவனை மீட்ட போலீசார் செனாய் நகரில் உள்ள குழந்தைகள் உதவி மையத்தில் ஒப்படைத்தனர்.

சிறுவன் வெங்கடேஷ் சித்ரவதை செய்யப்பட்டானா? என தந்தை பன்னீர்செல்வத்தை பிடித்து போலீசார் விசாரித்தனர். இதில் அவனுக்கு தோல்நோய் இருந்ததால் வெண்புள்ளிகள் காணப்படுகிறது என்றும் அவன் வெளியில் போவோர் வருவோரை ஆபாசமாக பேசியதால் ஒரு சில நேரம் அடித்துள்ளேன். மற்றபடி அவனை சித்ரவதை செய்யவில்லை என கூறி மருத்துவ சான்றிதழை போலீசில் கொடுத்துள்ளார்.

ஆனால் பொதுமக்களோ வெங்கடேசை அட்டை பெட்டிக்குள் அடைத்து பன்னீர் செல்வம் கொடுமைப்படுத்தி வந்தது உண்மை என்று கூறினர். 5 வயது சிறுவனை வீட்டுக்குள் கட்டிப் போட்டு சித்ரவதை தந்தையிடம் போலீஸ் விசாரணை 012cf557-a7a8-47d1-9552-eaaed4e372f4_300_225secvpf