உணவில் "கொள்ளு" - கொள்ளு துவையல்! 2

**krishnaamma** · **krishnaamma** Sat Feb 23, 2013 7:25 pm

First topic message reminder :

கொள்ளு நம் உடலுக்கு ரொம்ப நல்லது. உடலுக்கு 'சூடு' தரும், சளி யை விரட்ட ரொம்ப நல்லது. குளிர் காலங்களில் இதை சூப் வைத்து குடிக்கலாம். உடலில் இருக்கும் ஊளை சதை யை குறைக்கும். எனவே தான் கொழுத்தவனுக்கு கொள்ளு என்று சொல்வார்கள் புன்னகை

இந்த திரி இல் கொள்ளை உபயோகித்து செய்யக்கூடிய சில சமையல் குறிப்புகளை பார்க்கலாம் புன்னகை

**krishnaamma** · **krishnaamma** Thu May 09, 2013 10:21 am

யினியவன் wrote:ஏதோ அப்பப்ப சிவா வேலைக்கு போறது மாதிரி போயிட்டு வராரு - அம்மா பேச்சை கேட்டு எப்பவும் கிச்சன்லயே இப்ப செட்டில் ஆயிடுவாரு

snack க்கு பதில் முளைகட்டிய பயறு கொண்டு போகப்போறார் அவ்வளவு தானே இனியவன் ? புன்னகை

இதுக்கு என்று தனியாக கிச்சனில் நேரம் செலவழிக்க வேண்டிய அவசியம் இல்லை புன்னகை

**krishnaamma** · **krishnaamma** Thu May 09, 2013 10:23 am

ராஜு சரவணன் wrote:
krishnaamma wrote:
ராஜு சரவணன் wrote:கொள்ளை நன்கு வறுத்து அதை குருணை போன்று அரைத்து புளி குழம்பு வைத்து சாப்பிட்டால் என்ன ருசி தெரியுமா.

என்ன பண்றது இப்ப வெறும் குழம்பு கூட கிடைக்க மாட்டேங்குது.

இது நான் கேள்விப்பட்டது இல்லை, நீங்க சொல்வது நான் செய்யும் 'தால்' போல இருக்கும் என்று நினைக்கிறேன், உங்களுக்கு தெரிந்தால் அந்த சமையல் குறிப்பை சொல்லவும்.

இந்த வாரம் செய்து பார்த்துவிட வேண்டியது தான் அம்மா.

குட், உங்கள் குறிப்புக்காக காத்திருக்கேன் ராஜு புன்னகை

**krishnaamma** · **krishnaamma** Thu May 09, 2013 10:33 am

கொள்ளு சுண்டல் - இதை பல வழிகளில் செய்யலாம். சிலவற்றை இங்கு பார்க்கலாம் புன்னகை

தேவையானவை :

கொள்ளு - 100 கிராம் ( முளை கட்டவும் )
மிளகாய் வற்றல் - 2 - 4
தேங்காய்த் துருவல் - 1/4 கப்
உப்பு
பெருங்காயம் - 1 சிட்டிகை

தாளிக்க:

கடுகு, உளுத்தம் பருப்பு, கறிவேப்பிலை, எண்ணெய்.

செய்முறை :

முளை கட்டிய கொள்ளை உப்பு போட்டு குக்கரில் வேக வைக்கவும்.
மிக்சியில் தேங்காய்த் துருவலுடன் மிளகாய் சேர்த்துப் பொடிக்கவும்.
வாணலி இல் எண்ணெய் விட்டு கடுகு, கறிவேப்பிலை தாளிக்கவும்.
வேக வைத்த கொள்ளை இத்துடன் சேர்த்துக் கிளறவும்.
அரைத்ததையும் சேர்த்து நன்கு கிளறி இறக்கவும்.

**krishnaamma** · **krishnaamma** Thu May 09, 2013 10:39 am

தேவையான பொருட்கள்..

முளைகட்டிய கொள்ளு- ஒரு கப்.
பச்சை மிளகாய் - 2 - 4
இஞ்சித் துருவல்- ஒரு டீஸ்பூன்.
பெருங்காயத்தூள்- 1/2 டீஸ்பூன்.
தேங்காய் துருவல்- 2 டேபிள்ஸ்பூன்.
உப்பு
எண்ணெய்- 1 ஸ்பூன்.

தாளிக்க :

கடுகு, உளுத்தம்பருப்பு, எண்ணெய், கறிவேப்பிலை

செய்முறை:-

முளைகட்டிய கொள்ளை குக்கரில் உப்பு போட்டு வேகவிடவும்.
வாணலியில் எண்ணெயை விட்டு கடுகு, உளுத்தம்பருப்பு, கறிவேப்பிலை தாளிக்கவும்.
பிறகு பொடியாக நறுக்கின மிளகாய், இஞ்சித் துருவல் போட்டு வதக்கவும்.
இதனுடன் வெந்த கொள்ளு மற்றும் பெருங்காயப்பொடி சேர்த்துக் கிளறவும்.
தேங்காய் துருவல் தூவி இறக்கவும்.

குறிப்பு: தேவையானால் மாங்காய் துருவி போடலாம், எலுமிச்சை பிழியலாம், காரட் துருவி போடலாம் சத்தான சுண்டல் சூப்பருங்க

ராஜு சரவணன் · ராஜு சரவணன் Thu May 09, 2013 11:19 am

krishnaamma wrote:
ராஜு சரவணன் wrote:
krishnaamma wrote:
ராஜு சரவணன் wrote:கொள்ளை நன்கு வறுத்து அதை குருணை போன்று அரைத்து புளி குழம்பு வைத்து சாப்பிட்டால் என்ன ருசி தெரியுமா.

என்ன பண்றது இப்ப வெறும் குழம்பு கூட கிடைக்க மாட்டேங்குது.

இது நான் கேள்விப்பட்டது இல்லை, நீங்க சொல்வது நான் செய்யும் 'தால்' போல இருக்கும் என்று நினைக்கிறேன், உங்களுக்கு தெரிந்தால் அந்த சமையல் குறிப்பை சொல்லவும்.

இந்த வாரம் செய்து பார்த்துவிட வேண்டியது தான் அம்மா.

குட், உங்கள் குறிப்புக்காக காத்திருக்கேன் ராஜு

இது போன்ற குழம்பு வகைகள் கிராமப்புறங்களில் செய்வதுண்டு. எனக்கு இந்த குழம்பு வைத்த அனுபவம் கிடையாது. ஆனால் செய்யும் போது பார்த்திருக்கிறேன் அதை வைத்து எதோ என்னால் முடிந்தவரை சொல்கிறேன். தவறு இருந்தால் திட்டகூடாது.

தக்காளி, சிறு வெங்காயம் , வறுத்து குருணை போல் அரைத்த கொள்ளு, புளி, கடுகு உளுத்தம் பருப்பு கலவை , சீரகம், மல்லி, மிளகாய், வெண்பூண்டு, உப்பு, கறிவேப்பிலை, நல்லெண்ணெய், வெந்தயம்.

வானலியில் நல்லெண்ணெய் ஊற்றி சூடானபின்பு கடுகு உளுத்தம் பருப்பு கலவை, வெந்தயம், கறிவேப்பிலை போட்டு அதனுடன் அரிந்த தக்காளி, பூண்டு, வெங்காய கலவையை போட்டு நன்கு வதக்க வேண்டும்.

வதக்கிய கலவையுடன் கொள்ளை போட்டு நன்கு கிளறி வதக்க வேண்டும்.

தூளாக்கபட்ட சீரகம், மிளகாய், மல்லி மற்றும் புளி கரைசலை வதக்கிய கலவையுடன் ஊற்றி கொள்ளு நல்ல வேகும் வரை கொதிக்க விடவும்.

இப்போது கொள்ளு புளி குழம்பு தயார்.

எஸ்கேப் அய்யோ, நான் இல்லை

**krishnaamma** · **krishnaamma** Thu May 09, 2013 11:28 am

தேவையானவை:

கொள்ளு - 1/2 கப்
கப்அரிசி - 1/2 கப்
உப்பு

செய்முறை:

கொள்ளை நன்றாக வறுத்து வைக்கவும்.
இத்துடன் அரிசி கலந்து 4 கப் தண்ணீர் விட்டு குக்கரில் வேக வைக்கவும்.
தேவையான அளவு உப்பும், சூடான தண்ணீரும் சேர்த்து குடிக்கும் பதத்தில் கொடுக்கலாம்.

குறிப்பு : தேவையானால் பொடியாக நறுக்கிய பச்சைமிளகாய், சின்ன வெங்காயம் சேர்த்துக் கொள்ளலாம்.

**Muthumohamed** · **Muthumohamed** Thu May 09, 2013 11:29 am

கொள்ளை பற்றிய பயனுள்ள தகவல்

**krishnaamma** · **krishnaamma** Thu May 09, 2013 11:34 am

தேவையானவை:

கொள்ளு - 3 டேபிள் ஸ்பூன்
பயத்தம்பருப்பு - 1 டேபிள் ஸ்பூன்
பூண்டு - 3 பற்கள்
தேங்காய்த்துருவல் - 1 டேபிள் ஸ்பூன் ( தேவையானால் )
உப்பு

செய்முறை:

கொள்ளு மற்றும் பயத்தம் பருப்பை தனித்தனியாக நன்றாக வறுத்து வைக்கவும்.
மிக்சி இல் 'கர கரப்பாக' அரக்கவும்.
ஒரு பாத்திரத்தில் அரைத்ததை போட்டு, பூண்டு , உப்பு போட்டு, தண்ணீர் விட்டு குக்கரில் வேக வைக்கவும்.
வெளியே எடுத்து, நன்கு கலக்கவும். தேவையானால் கொஞ்சம் தண்ணீர சேர்த்து குடிக்கும் பதத்தில் கொடுக்கலாம்.

குறிப்பு : தேவையானால் பொடியாக நறுக்கிய பச்சைமிளகாய், சின்ன வெங்காயம் சேர்த்துக் கொள்ளலாம்.அல்லது கொள்ளு, பாசிப்பருப்பு 3:1 என்ற விகிதத்தில் வறுத்துப் பொடித்து டப்பாவில் வைத்துத் தேவையான போது கஞ்சி வைத்துக்கொள்ளலாம்.

**krishnaamma** · **krishnaamma** Thu May 09, 2013 11:38 am

ராஜு சரவணன் wrote:

இது போன்ற குழம்பு வகைகள் கிராமப்புறங்களில் செய்வதுண்டு. எனக்கு இந்த குழம்பு வைத்த அனுபவம் கிடையாது. ஆனால் செய்யும் போது பார்த்திருக்கிறேன் அதை வைத்து எதோ என்னால் முடிந்தவரை சொல்கிறேன். தவறு இருந்தால் திட்டகூடாது.

தக்காளி, சிறு வெங்காயம் , வறுத்து குருணை போல் அரைத்த கொள்ளு, புளி, கடுகு உளுத்தம் பருப்பு கலவை , சீரகம், மல்லி, மிளகாய், வெண்பூண்டு, உப்பு, கறிவேப்பிலை, நல்லெண்ணெய், வெந்தயம்.

வானலியில் நல்லெண்ணெய் ஊற்றி சூடானபின்பு கடுகு உளுத்தம் பருப்பு கலவை, வெந்தயம், கறிவேப்பிலை போட்டு அதனுடன் அரிந்த தக்காளி, பூண்டு, வெங்காய கலவையை போட்டு நன்கு வதக்க வேண்டும்.

வதக்கிய கலவையுடன் கொள்ளை போட்டு நன்கு கிளறி வதக்க வேண்டும்.

தூளாக்கபட்ட சீரகம், மிளகாய், மல்லி மற்றும் புளி கரைசலை வதக்கிய கலவையுடன் ஊற்றி கொள்ளு நல்ல வேகும் வரை கொதிக்க விடவும்.

இப்போது கொள்ளு புளி குழம்பு தயார்.

எஸ்கேப்

நன்றி ராஜு, ஒரு முறை செய்து பார்த்துவிட்டு எழுதுகிறேன் புன்னகை

.
ஆமாம் ... எனக்கு செய்முறையே தெரியாது, தப்பு சரி எப்படி தெரியும் எனக்கு ? புன்னகை

குழம்பு சாதத்தில் விட்டு சாப்பிடும் அளவு தளர இருக்கணும் இல்லையா? கொள்ளு குருணை என்பதால் கெட்டியாக ஆகிவிடுமா? சொல்லவும் புன்னகை

ராஜு சரவணன் · ராஜு சரவணன் Thu May 09, 2013 11:40 am

சரியாக சொன்னிரீகள் அம்மா,

இந்த குழம்பு சற்று கெட்டியாக தான் இருக்கும்.

Sponsored content · Sponsored content

உணவில் "கொள்ளு" - கொள்ளு துவையல்! 2

உணவில் "கொள்ளு" - கொள்ளு துவையல்! 2

Re: உணவில் "கொள்ளு" - கொள்ளு துவையல்! 2

Re: உணவில் "கொள்ளு" - கொள்ளு துவையல்! 2

கொள்ளு சுண்டல்

கொள்ளு சுண்டல் - 2

Re: உணவில் "கொள்ளு" - கொள்ளு துவையல்! 2

கொள்ளு கஞ்சி

Re: உணவில் "கொள்ளு" - கொள்ளு துவையல்! 2

Re: உணவில் "கொள்ளு" - கொள்ளு துவையல்! 2

Re: உணவில் "கொள்ளு" - கொள்ளு துவையல்! 2

Re: உணவில் "கொள்ளு" - கொள்ளு துவையல்! 2

Re: உணவில் "கொள்ளு" - கொள்ளு துவையல்! 2

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக