2 வாரத்தில் விஸ்வரூபம் 2ன் படப்பிடிப்பு நிறைவு

http://www.thamilan.lk/news_images/1806290602viswaroopam-updates.jpg
விஸ்வரூபம் படத்தின் 2ம் பாகம் கிட்டத்தட்ட முடிந்துவிட்டதாகவும் இன்னும் 15 நாட்களில் படத்திற்கான எல்லாம் வேலைகளும் முடிந்து தயாராகிவிடும் என்று தகவல் வெளியாகியுள்ளது.
தடைகள் பல கடந்து கமல்ஹாசனின் விஸ்வரூபம் படம் கடந்த பிப்7ம் திகதி தமிழகம் மற்றும் புதுவையில் வெளியானது.
இந்த இரண்டு மாநிலங்கள் தவிர்த்து பிற மாநிலங்களில் ஜன25ம் திகதியும், வட மாநிலங்களில் பிப்1ம் திகதியும் வெளியானது.
படமும் ஹாலிவுட் தரத்தில் வந்திருப்பதாக பலரும் பாராட்டு தெரிவித்துள்ளனர். அதுமட்டுமின்றி வசூல் ரீதியாகவும் விஸ்வரூபம் படம் சாதனை படைத்து கொண்டு இருக்கிறது. இந்நிலையில் விஸ்வரூபம் படத்தின் இரண்டாம் பாகம் விரைவில் வெளியாகும் என கமல் சமீபத்தில் அளித்த பேட்டியில் தெரிவித்து இருந்தனர்.
அதன்படி விஸ்வரூபம் முதல் பாகம் தயாரான போதே பாகம் 2ற்கான பெரும்பாலான காட்சிகள் படமாக்கப்பட்டுவிட்டதாகவும் விஸ்வரூபம் பாகம்-2லும், கமல், பூஜா குமார், ஆண்ட்ரியா, ராகுல் போஸ், ஆகியோரே முக்கிய கதாப்பாத்திரத்தில் நடித்து இருப்பதாகவும் தகவல்கள் வெளியானது.
அதுமட்டுமின்றி விரைவில் கமல், ஹாலிவுட் தயாரிப்பாளர் பேரி ஆஸ்போன் படத்தில் பணியாற்ற இருப்பதால் விஸ்வரூபம்-2 வேகமாக முடித்துவிட எண்ணியிருந்தார்.
சமீபத்தில் கிடைத்த தகவல் படி, இன்னும் இரண்டு வாரகாலத்திற்குள் விஸ்வரூபம் பாகம் 2கான முழு படப்பிடிப்பும் முடிந்தும் விடும் என்றும், அதனைத்தொடர்ந்து விரைவில் படமும் வெளியாகும் என்று தகவல் வெளியாகியுள்ளது.
-
தமிழன்

இதுக்குப்பேர் தான் காற்றுள்ள போதே தூற்றிக் கொள்வதா?