அமரர் திரு நாமக்கல் ராமலிங்கம் அவர்களின் கவிதைகள் தொகுப்பில் இருந்து[

nandhtiha · nandhtiha Mon 19 Oct 2009 - 9:26

திருமுடி சூட்டிடுவோம்

பல்லவி

திருமுடி சூட்டிடுவோம்--தெய்வத்
தழிழ்மொழிக்கு! (திரு)

அநுபல்லவி
வருமொழி எவற்றுக்கும் வாரிக் கொடுத்துதவி
வண்மை மிகுந்ததமிழ் உண்மை உலகறிய (திரு)

சரணங்கள்

பெற்றவ ளைஇகழ்ந்து மற்றவ ரைத்தொழுத
பேதைமை செய்துவிட்டோம் ஆதலினால் நம்அன்னை
உற்ற அரசிழந்தே உரிமை பெருமை குன்றி
உள்ளம் வருந்தினதால் பிள்ளைகள் சீர்குலைந்தோம்! (திரு)

அன்னையை மீட்டும்அவள் அரியணை மீதிருத்தி
அகிலம் முழுதும்அவள் மகிமை விளங்கச்செய்வோம்!
முன்னைப் பெருமைவந்தே இன்னும் புதுமைபெற்று
முத்தமிழ்ச் செல்வியவள் சித்தம் குளிர்ந்திடவே! (திரு)

தாயின் மனம்குளிர்ந்தால் தவம்அது வேநமக்கு
தாரணி தன்னில்நம்மை யாரினி மேல்இழ்வார்?
நோயும் நொடியும்விட்டு நுண்ணறி வோடுநல்ல
நூலும் கலைகளெல்லாம் மேலும்மேலும் வளர்ப்போம்.(திரு)

நாமக்கல் வெ இராமலிங்கம் பிள்ளை
அன்புடன்
நந்திதா

mdkhan · mdkhan Mon 19 Oct 2009 - 9:49

வணக்கம்

நன்றி அக்கா..........

தாயின் முக்கியத்துவத்திற்க்கு பெறுமை சேர்க்கும் சிறந்த கவிதை தொகுப்பினை தேடித்தந்தமைக்கு மிக்க மகிழ்ச்சி...

தன்னை கருவரையில் சுமந்து தன் உதிரத்தை கொடுத்து நமக்கா தன் சுக வாழ்க்கையை இழந்து இன்பமாய் ஈன்றெடுத்த அந்த தாயை மதிக்காதவர் தரனியில் வாழ்ந்து என்ன பயன்.

தன் தாயை முதியோர் இல்லத்தில் சேர்த்துவிட்டு சமுதாயத்தில் தன்னை சிறந்த மனிதனாகவும் ந்ல்லவனாகவும் காட்டிக்கொள்பவர்களுக்கும் விபத்தில் சிக்கி உயிருக்கு போராடிக்கொண்டிருக்கும் மனிதர்களிடம் ஈவு இரக்கம் இல்லாம அவர்கள் அனிந்திருக்கும் நகைகளையும் பொருள்களையும் திருடிச்செல்லும் வழிப்பறி கூட்டத்திற்க்கும் என்ன வித்தியாசம்.

தாயின் மனம் குளிர்ந்தால் இந்த உலகத்தில் வேறு எது சொர்க்கம்.

நன்றிகள் அக்கா.....

...