ஊழியர்கள் வேலை நிறுத்தத்தில் பங்கேற்காததால் பஸ், ரெயில்கள் நாளை வழக்கம் போல் ஓடும்

http://mmimages.maalaimalar.com/Articles/2013/Feb/ece7d4e2-0c94-4e67-a455-bee6cb512c54_S_secvpf.gif
இந்தியா முழுவதும் நாளை வேலை நிறுத்தம் நடக்கிறது.தமிழகத்தில் உள்ள பல்வேறு தொழிற்சங்கங்கள் போராட்டத்தில் ஈடுபட இருக்கின்றன.
-
ஆனால் ஒரு சில துறை சங்கங்கள் வேலை நிறுத்தத்தில் பங்கேற்கவில்லை. 2 நாட்கள்தொடர் வேலை நிறுத்தம் நடைபெறுவதால் அத்தியாவசியபொருட்கள், பால், குடிநீர்,மருந்து, உணவு பொருட்கள் கொண்டு செல்வதில் எந்த தடையும் ஏற்படக்கூடாது என்பதில் அரசு தீவிரமாக உள்ளது.
-
அத்தியாவசிய பொருட்களை எடுத்து செல்லும் வாகனங்களை தடுத்தாலோ, தாக்குதல் நடத்தி சேதம் விளைவித்தாலோ அவர்கள் மீது கடும் நடவடிக்கை எடுக்கவும் அரசு உத்தரவிட்டுள்ளது.
-
மக்களின் போக்குவரத்து எவ்விதத்திலும் தடைபடாமல்இருக்க போதுமான பாதுகாப்பு நடவடிக்கைகளை அரசு மேற்கொண்டு வருகிறது.அரசு போக்குவரத்து கழக பஸ்களை முழுமையாக இயக்க நடவடிக்கை எடுக்கப்பட்டுள்ளது.
-
தமிழகத்தில் உள்ள 8 போக்குவரத்து கழக பஸ்களும் பொதுமக்கள் சேவையில் முழுமையாக ஈடுபடுத்த அதிகாரிகளுக்குஅறிவுறுத்தப்பட்டுள்ளது.
இது குறித்து போக்குவரத்து கழக அதிகாரி ஒருவர் கூறும் போது, அரசு போக்குவரத்து கழக பஸ்கள் அனைத்தும் நாளை முழுமையாக இயக்கப்படும். பொதுமக்கள் பயமின்றி பயணம் செய்யலாம் என்று கூறினார். சென்னையில் அனைத்து பஸ்களையும் இயக்க நடவடிக்கை எடுக்கப்பட்டுள்ளது.
இந்த வேலை நிறுத்தத்தில் ரெயில்வே ஊழியர்கள் பங்கேற்கவில்லை. அதனால் வழக்கம் போல அனைத்து ரெயில்களும் இயக்கப்படுகிறது. சென்னை சென்ட்ரல், எழும்பூரில் இருந்து பகல் மற்றும் இரவுநேரங்களில் செல்லும் எல்லா ரெயில்களிலும் போலீஸ் பாதுகாப்பு அதிகரிக்கப்பட்டுள்ளது.
-
இது குறித்து தெற்கு ரெயில்வே மஸ்தூர் யூனியன் தலைவர் கன்னையா கூறுகையில், வேலை நிறுத்த போராட்டத்துக்கு எஸ்.ஆர்.எம்.யூ தொழிற்சங்கம் ஆதரவு அளித்துள்ளது. ஆனால் தொழிலாளர்கள் யாரும் கலந்து கொள்ளவில்லை. எங்கள் சங்கத்தின் சார்பாக ஜூன் அல்லது ஜூலை மாதம் தனியாக போராட்டம் நடைபெறும். அது 1974-ம் ஆண்டு நடந்த போராட்டம் போலரெயில்கள் இயக்கப்படாத போராட்டமாக இருக்கும் என்றார்.
-
மாலைமலர்

மக்கள் கஷ்டப்படாம இருந்தா சரி

எங்கள் வங்கியும் இரண்டு நாளுக்கு விடுமுறை